សន្តិសុខ - ការពារប្រទេស សន្តិសុខ

13/01/2026 - 06:32

ឃោសនារក្សារឹងមាំសណ្តាប់ធ្នាប់សុវត្ថិភាពចរាចរមុន ក្នុងនិងក្រោយមហាសន្និបាតទូទាំងប្រទេសលើកទី XIV របស់បក្ស

យោងតាមនគរបាលឃុំដុងធ្វឹង (ទីក្រុងកឹងធើ) អនុវត្តផែនការល្បាត ត្រួតពិនិត្យធានាសណ្ដាប់ធ្នាប់សាធារណៈសណ្តាប់ធ្នាប់ទីក្រុងមុន ក្នុងនិងក្រោយមហាសន្និបាតទូទាំងប្រទេសលើកទី XIV របស់បក្ស បោះឆ្នោតតំណាងរដ្ឋសភានីតិកាលទី XVI និងក្រុមប្រឹក្សាប្រជាជនគ្រប់លំដាប់ថ្នាក់អាណត្តិកាល ២០២៦- ២០៣១ បុណ្យចូលឆ្នាំថ្មីវៀតណាម ប៊ិញ ង៉ ឆ្នាំ២០២៦ និងព្រឹត្តិការណ៍ធំៗរបស់ប្រទេសជាតិលើភូមិឋានឃុំ នគរបាលឃុំដុងធ្វឹងបានចេញដំណើររក្សាសន្តិសុខសណ្តាប់ធ្នាប់ ធានាសណ្ដាប់ធ្នាប់សុវត្ថិភាពចរាចរ។

នគរបាលឃុំនិងកងកម្លាំងការពារសន្តិសុខសណ្តាប់ធ្នាប់នៅមូលដ្ឋានចេញដំណើររក្សា
សន្តិសុខសណ្តាប់ធ្នាប់ សុវត្ថិភាពចរាចរ។

ចាប់ពីថ្ងៃ ១៥ ខែធ្នូ ឆ្នាំ២០២៥ ដល់ថ្ងៃទី ៨ ខែមករា ឆ្នាំ២០២៦ កងកម្លាំងប៉ូលិសសណ្តាប់ធ្នាប់ចាត់តាំងល្បាតបាន៤៨លើក ដោយមានកម្មាភិបាល យុទ្ធជនចូលរួម ២៤០ នាក់។ ឆ្លងតាមរយៈនោះ បានដាស់តឿន១៦ ករណីបំពានផ្លូវ ចិញ្ចើមថ្នល់ទីក្រុង; ២០ករណីចោលសំរាម និងបង្ហូតទឹកកខ្វក់មិនត្រូវតាមកន្លែងកំណត់; ១៥ ករណីដាក់រាយលក់ទំនិញរប៉ាត់រប៉ាយ បំពានចិញ្ចើមថ្នល់; ឃោសនាដោយឧគ្ឃោសនសព្ទចល័តបាន ១ លើកក្នុងផ្សារដុងប៊ិញ ស្តីពីសេចក្តីកំណត់ធានាសណ្ដាប់ធ្នាប់សុវត្ថិភាពចរាចរ និងចាត់វិធានការប្រព្រឹត្តល្មើសសណ្តាប់ធ្នាប់ក្រឹត្យវិន័យទីក្រុង។ ផ្តើមពីនោះ រួមចំណែកធ្វើការព្រមាន បង្កការផ្លាស់ប្ដូរយ៉ាងសកម្មអំពីការភ្ញាក់រលឹករបស់ប្រជាជនក្នុងការកសាងផ្នត់រស់នៅស៊ីវិល័យទីក្រុងភ្លឺ បៃតង ជ្រះ ស្អាត សុវត្ថិភាពមុន ក្នុងនិងក្រោយមហាសន្និបាតបក្សនិងបោះឆ្នោត។

ចាប់ពីខែកក្កដា ឆ្នាំ២០២៥ មកទល់ពេលនេះ នគរបាលឃុំដុងធ្វឹង បានសហការជាមួយក្រុមសុវត្ថិភាពចរាចរឃុំ បណ្តាអង្គការមហាជនសង្គម សាលារៀន គ្រួសារដំណើរការឃោសនាផ្សព្វផ្សាយ អប់រំច្បាប់អំពីសណ្តាប់ធ្នាប់សុវត្ថិភាពចរាចរ។ សហការឃោសនាបាន ១ លើកក្នុងអនុវិទ្យាល័យដុងធ្វឹង ដោយមានសិស្សានុសិស្សចូលរួម ២០០ នាក់ ខ្លឹមសារគឺធ្វើដំណើរត្រូវតាមជួរផ្លូវ គន្លងផ្លូវ មិនត្រូវធ្វើដំណើរ៣ជួរ - ៤ជួរ; ពាក់មួកសុវត្ថិភាពសម្រេចស្តង់ដារ; មិនត្រូវផ្លោះល្បឿន ប្រជ្រៀតឆ្វែលចុះឆ្វែលឡើង; មិនត្រូវព្រលែងដៃចង្កូតពេលបើកបរ៘ ទន្ទឹមនឹងនោះសហការឃោសនាតាមស្ថានីយវិទ្យុបាន ១៥ លើក រយៈពេលផ្សាយ ៣០០ នាទី។

ក្រៅពីនេះ កម្មាភិបាល យុទ្ធជនថែមទាំងសហការជាមួយគណៈប្រជាជនភូមិ ចុះទៅដល់គ្រួសារដែលមានកូនចៅក្នុងអាយុចូលសាលា ឱ្យចុះកិច្ចសន្យាគ្រប់គ្រងកូនចៅ ធ្វើយ៉ាងណាដើម្បីកុំឱ្យប្រព្រឹត្តល្មើសសណ្តាប់ធ្នាប់សុវត្ថិភាពចរាចរ គ្រប់គ្រងតឹងរ៉ឹងមធ្យោបាយរបស់គ្រួសារ មិនត្រូវឱ្យកូនចៅបើកបរម៉ូតូ យានជំនិះទៅសាលានៅពេលមិនទាន់គ្រប់លក្ខណៈ។ កងកម្លាំងបង្កើនការក្តាប់ គ្រប់គ្រងប្អូនៗក្នុងអាយុចូលសាលាបោះបង់ការរៀនសូត្រ បណ្តាយុវជន យុវវ័យ ដែលប្រមូលផ្តុំគ្នា បើកបរម៉ូតូមិនពាក់មួកសុវត្ថិភាព រត់ហួសល្បឿន បើកមិនត្រូវតាមជួរផ្លូវ គន្លងផ្លូវ សេពគ្រឿងស្រវឹង គ្រឿងញៀន៘

នគរបាលឃុំថែមទាំងសហការជាមួយការិយាល័យសេដ្ឋកិច្ច- ហេដ្ឋារចនាសម្ព័ន្ធ - ទីក្រុង និងបណ្តាគណៈ ផ្នែកឃុំបង្កើនការឃោសនាដល់គ្រួសារប្រជាជននៅតំបន់ផ្សារដុងធ្វឹង ធានាសណ្ដាប់ធ្នាប់សាធារណៈ មិនត្រូវដាក់តាំងលក់ដូរបំពានផ្លូវ ចិញ្ចើមថ្នល់; មិនត្រូវប្រមូលផ្តុំគ្នាបង្កអសន្តិសុខសណ្តាប់ធ្នាប់តាមស្ពាន ក៏ដូចជាតំបន់កំពុងដំណើរការសាងសង់; ម្ចាស់ការផ្តល់ឱ្យ ៣១ គ្រួសារអាជីវកម្ម និងប្រជាជនចុះកិច្ចសន្យាអនុវត្តច្បាប់ចរាចរណ៍។

កម្មាភិបាល យុទ្ធជនប៉ូលិសម្នាក់ៗទទួលបន្ទុកក្នុងភូមិ នៅទាំងបង្កើតគ្រប់គ្រងក្រុម Zalo តាមភូមិនីមួយៗ ទទួលព័ត៌មានឆ្លុះបញ្ចាំងរបស់ប្រជាជនអំពីការធានាសណ្ដាប់ធ្នាប់សុវត្ថិភាពចរាចរ៕

យោង៖ baocantho.com.vn-ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ