សុខភាព - អប់រំ សុខភាព

02/06/2025 - 10:35

អភិវឌ្ឍគ្រឹះស្ថានសុខាភិបាលនៅហូវយ៉ាង

យោងតាមមន្ទីរជនជាតិនិងសាសនាខេត្តហូវយ៉ាង ដើម្បីកាត់បន្ថយការលំបាកមួយផ្នែកសម្រាប់ប្រជាជន ខេត្តបានផ្ដល់ជូនប័ណ្ណធានារ៉ាប់រងសុខាភិបាលតាមសេចក្តីសម្រេចចិត្តលេខ ២៣/២០២១/NQ-HĐND របស់ក្រុមប្រឹក្សាប្រជាជនខេត្ត។ ការផ្ដល់ជូននេះ បានជួយឱ្យប្រជាជនស្ងប់អារម្មណ៍ក្នុងការព្យាបាលជំងឺ។

ដំណាក់សុខាភិបាលតំបន់ដែលមានជនជាតិភាគតិចរស់នៅកុះករនៅលើភូមិសាស្រ្តខេត្តហូវយ៉ាង សុទ្ធតែសម្រេចបទដ្ឋានជាតិ។

ដើម្បីឱ្យប្រជាជនដែលចូលរួមធានារ៉ាប់រងសុខាភិបាល បានថែទាំសុខភាពយ៉ាងហ្មតចត់នោះ ខេត្តហូវយ៉ាងបង្កើនការឃោសនា ផ្សព្វផ្សាយធ្វើឱ្យសុក្រឹតនូវប្រព័ន្ធសុខាភិបាលមូលដ្ឋាន និងខិតខំដល់ឆ្នាំ ២០៣០ មានចំនួនប្រជាជនចូលរួមធានារ៉ាប់រងជាង ៩៥% មានប្រជាជនជាង ៩៥% ប្រើប្រាស់សេវាថែទាំសុខភាពបឋមដែលសុខាភិបាលមូលដ្ឋានចំណាយប្រាក់សងនិងមានប្រជាជនជាង ៩៥% ទទួលបានការគ្រប់គ្រងសុខភាព។ ទិសដៅដ៏សំខាន់មួយដែលខេត្តហូវយ៉ាងឈានឆ្ពោះទៅរក គឺអ្នកដែលមានហានិភ័យកើតជំងឺត្រូវបានពិនិត្យសុខភាពយ៉ាងហោចណាស់ម្តងក្នុងមួយឆ្នាំ និងឆ្ពោះទៅរកការពិនិត្យសុខភាពជាប្រចាំសម្រាប់ប្រជាជនគ្រប់រូប។ ទន្ទឹមនឹងនោះ ទម្រង់គ្រូពេទ្យគ្រួសារក៏អភិវឌ្ឍគ្រប់ដណ្ដប់យ៉ាងតិច ៣០% នៃឃុំ សង្កាត់ និងទីប្រជុំជនក្នុងតំបន់។ ដំណាក់សុខាភិបាលទាំង ១០០% យ៉ាងហោចណាស់មានវេជ្ជបណ្ឌិតម្នាក់។ ដំណាក់សុខាភិបាលឃុំសម្រេចបទដ្ឋានជាតិតាមសេចក្ដីកំណត់ទាំង ១០០%។ បច្ចុប្បន្ន ខេត្តហូវយ៉ាង មានវេជ្ជបណ្ឌិត ៩,៣២ នាក់ លើប្រជាជន ១០ ពាន់នាក់; មានគ្រែអ្នកជំងឺ ៣៥,៨ លើប្រជាជន ១០ ពាន់នាក់; អត្រាប្រជាជនចូលរួមធានារ៉ាប់រងសុខាភិបាលសម្រេច ៩៤,០៩% ។ ខិតខំអភិវឌ្ឍប្រព័ន្ធសុខាភិបាលទូទាំងខេត្តសម្រេចបានលទ្ធផលគាប់ប្រសើរ គឺមានប្រព័ន្ធសុខាភិបាលពីថ្នាក់ឃុំដល់ថ្នាក់ខេត្ត។ ពិសេស អត្រាកុមារអាយុក្រោម ១ ឆ្នាំ បានចាក់ថ្នាំបង្ការគ្រប់គ្រាន់ជារៀងរាល់ឆ្នាំ សម្រេចជាង ៩៥% ហើយកម្មវិធីចាក់វ៉ាក់សាំងបើកទូលាយត្រូវបានអនុវត្តល្អ។

លោកដាវវ៉ូវ នៅភូមិទ្រឿងថាំង ឃុំទ្រឿងឡុង A ស្រុកចូវថាញ់ A ឱ្យដឹង៖ “មុននេះ គ្រួសារខ្ញុំទទួលបានប័ណ្ណធានារ៉ាប់រងសុខាភិបាល ម្ល៉ោះហើយមានការស្ងប់អារម្មណ៍ព្យាបាលនៅពេលឈឺថ្កាត់។ បន្ទាប់ពីប្រើប្រាស់ប័ណ្ណធានារ៉ាប់រងសុខាភិបាលជាច្រើនឆ្នាំក៏ក្លាយជាទម្លាប់។ លុះដល់ពេលកំណត់ គឺខ្ញុំទិញឯង ព្រោះស្ថានភាពគ្រួសារខ្ញុំមានភាពល្អប្រសើរជាងមុន”។

ទន្ទឹមនឹងនោះ ពេលអនុវត្តគម្រោងទី ៧ នៃកម្មវិធីទិសដៅជាតិអភិវឌ្ឍតំបន់ជនជាតិភាគតិចនិងតំបន់ភ្នំ ដំណាក់កាល ២០២១-២០៣០ ហូវយ៉ាង បានរៀបចំការពិនិត្យសុខភាពជូនបុរសស្ត្រីមុនពេលរៀបការ ពិនិត្យចម្រាញ់រកជំងឺសម្រាប់ស្រ្តីមានផ្ទៃពោះមុនពេលសម្រាលកូន និងពិនិត្យសុខភាពតាមកាលកំណត់យ៉ាងហោចណាស់ម្តងក្នុងមួយឆ្នាំសម្រាប់មនុស្សចាស់។ យោងតាមការវាយតម្លៃរបស់មន្ទីរជនជាតិនិងសាសនា ខ្លឹមសារខាងលើភាគច្រើនបានសម្រេចនិងសម្រេចលើសភាគកម្រិតដែលគម្រោងដាក់ចេញ។ នេះគឺជាបុព្វបទដើម្បីផ្នែកសុខាភិបាលអនុវត្តល្អនូវខ្លឹមសារនៃការលើកកម្ពស់គុណភាពចំនួនប្រជាជនតំបន់ជនជាតិភាគតិចនៅលើភូមិសាស្រ្ត៕

ហាថាញ-ប្រែសម្រួល៖ មេងលី

ចែករំលែកអត្ថបទ

ពាក្យគន្លឹះ