ព្រឹត្តិការណ៍ - នយោបាយ ព្រឹត្តិការណ៍

02/06/2025 - 10:31

បង្កើតសាលាពុទ្ធិកមធ្យមសិក្សាទក្ខិណនិកាយខ្មែរគៀងយ៉ាង

សាលាពុទ្ធិកមធ្យមសិក្សាទក្ខិណនិកាយខ្មែរគៀងយ៉ាង មានទីតាំងស្ថិតនៅវត្តរាជកុសលបំពេញជ័យ (ស្វាយ) មណ្ឌលសើុងតៀង ស្រុកហងដឹក ដោយមានព្រះឧបជ្ឈាយ៍ យ័ញដុង ជានាយកសាលា។ នៅក្នុងពិធីនេះ សាលាពុទ្ធិកមធ្យមសិក្សាទក្ខិណនិកាយខ្មែរខេត្តគៀងយ៉ាង បានប្រកាសសេចក្តីសម្រេចតែងតាំងព្រះឧបជ្ឈាយ៍ យ័ញឡឹង ព្រះឧបជ្ឈាយ៍ យ័ញលីម និងព្រះតេជព្រះគុណ យ័ញផាង ធ្វើជានាយករង និងបែងចែកការងារការិយាល័យមួយចំនួនចំណុះសាលា។

ព្រះតេជព្រះគុណ ធិតមិញញ៉ឹង (កណ្តាល) - សមាជិកលេខានាយកការិយាល័យរងទី ២ នៃមជ្ឈិមក្រុមប្រឹក្សាអភិបាលសមាគមពុទ្ធសាសនាវៀតណាម ប្រគល់សេចក្ដីសម្រេចបង្កើតសាលាពុទ្ធិកមធ្យមសិក្សាទក្ខិណនិកាយខ្មែរគៀងយ៉ាង។

ព្រះឧបជ្ឈាយ៍ យ័ញដុង - នាយកសាលាពុទ្ធិកមធ្យមសិក្សាទក្ខិណនិកាយខ្មែរគៀងយ៉ាង មានថេរដីកាឱ្យដឹងពីដើមកំណើតសាលាពុទ្ធិកមធ្យមសិក្សាទក្ខិណនិកាយខ្មែរគៀងយ៉ាង គឺជាសាលាពុទ្ធិកបឋមសិក្សាបាលី - ធម្មវិន័យខេត្ត។ ក្រោយពីសកម្មភាពរយៈពេលជិត ២៨ ឆ្នាំ សាលាពុទ្ធិកបឋមសិក្សាបាលី - ធម្មវិន័យខេត្ត បានបណ្តុះបណ្តាលសមណសិស្ស បេក្ខសិស្សរាប់ពាន់អង្គនិងរូប។ បច្ចុប្បន្ន សមណសិស្សជាច្រើនបានប្រឡងបញ្ចប់អនុមហាវិទ្យាល័យ មហាវិទ្យាល័យ និងអនុបណ្ឌិត មានការងារធ្វើនិងបានរួមចំណែកចំពោះសាលា។

ការដែលបង្កើតសាលាពុទ្ធិកមធ្យមសិក្សាទក្ខិណនិកាយខ្មែរគៀងយ៉ាង គឺសំដៅបង្កលក្ខណសម្បត្តិដើម្បីសាលាពង្រីកបានឧត្តមភាព បើកទូលាយទ្រង់ទ្រាយបណ្តុះបណ្តាល ទាក់ទាញសមណសិស្សនិមន្តចូលមករៀនច្រើនកុះករ រួមចំណែកលើកកម្ពស់កម្រិតវិជ្ជាដល់សមណសិស្សលើភូមិសាស្ត្រខេត្ត។ មកទល់ពេលនេះ សាលាបានបំពាក់គ្រឿងបរិក្ខារបង្រៀន មានម៉ាស៊ីនកំព្យូទ័រ ម៉ាស៊ីនបញ្ចាំងស្លាយ បន្ទប់រៀន និងអន្តេវាសិកដ្ឋានសម្រាប់សមណសិស្សនិមន្តចូលមករៀន៕

ប្រភព៖ baokiengiang.vn - ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ