មហាសាមគ្គីជនជាតិ ភូមិស្រុកផ្លាស់ថ្មី

19/04/2025 - 09:59

អ្នកជួយណែនាំកសិករដាំខ្ទឹមក្រហមតាមបែបសរីរាង្គ

ផ្តើមអាជីពដោយដើមទុនមិនដល់១០០លានដុង ដើម្បីបើកហាងលក់សម្ភារៈកសិកម្ម បច្ចុប្បន្ន បងថាច់យីន នៅឃុំហ្វាដុង ទីរួមខេត្តវិញចូវ ខេត្តសុកត្រាំង បានធ្វើម្ចាស់លើហាងលក់សម្ភារៈកសិកម្មជាច្រើន។ ទន្ទឹមនឹងនោះ បងបានរួមចំណែកក្នុងការបង្កើតសហករណ៍កសិកម្មសរីរាង្គសាមគ្គី - ជំនាញផលិតខ្ទឹមក្រហមសរីរាង្គ បានជួយដល់សមាជិកជាច្រើនធ្វើមាន។

បងថាច់យីន ជាអ្នកណែនាំកសិករដាំខ្ទឹមក្រហមតាមបែបសរីរាង្គ។

បច្ចុប្បន្ន បងថាច់យីន ជាប្រធានស្តីទីសហករណ៍ខ្ទឹមក្រហមវិញចូវនិងជាអនុប្រធានសហករណ៍កសិកម្មសរីរាង្គសាមគ្គី ជំនាញខាងដាំខ្ទឹមក្រហមតាមបែបសរីរាង្គ។ ខ្ទឹមក្រហមវិញចូវ បានផ្តល់លេខកូដតំបន់ផលិតកម្ម និងបានដាក់ជួញដូរលើប្រព័ន្ធទីផ្សារអេឡិចត្រូនិករបស់ខេត្ត។ តាមសម្តីបងថាច់យីន សហករណ៍សាមគ្គីបានបង្កើតឡើងនៅឆ្នាំ ២០២២ មានសមាជិក ២១ រូប ឥឡូវនេះកើនដល់ ៣១ នាក់ មានផ្ទៃដីដាំដុះជាង ៣០ ហិកតា នឹងជំនាញដាំតាមបែបសរីរាង្គ បង្កើតបានផលិតផលសុវត្ថិភាព ធានាសុខភាពទាំងអ្នកដាំនិងអ្នកប្រើប្រាស់។ ឆ្លងតាមរយៈកិច្ចសហការជាមួយក្រុមហ៊ុននានា ផលិតផលខ្ទឹមក្រហមរបស់សហករណ៍បាននាំចេញទៅកាន់ទីផ្សារប្រទេសជប៉ុន បង្កបានក្តីទំនុកចិត្តដល់អ្នកដាំ។ ប៉ុន្មានឆ្នាំមកនេះ បងយីន បានស្វែងយល់ទីផ្សារនិងចងសម្ព័ន្ធជាមួយក្រុមហ៊ុននិងអ្នកវិទ្យាសាស្ត្រនៅក្នុងនិងក្រៅប្រទេស ដើម្បីស្វែងរកពូជខ្ទឹមថ្មីឱ្យសមស្របនឹងដីផ្តល់ទិន្នផលខ្ពស់ ធានាការនាំចេញ និងជួយឱ្យសមាជិកលំនឹងជីវភាព។ ថ្មីៗនេះ បងយីន បានផ្តល់ពូជខ្ទឹម Maserati ដល់សមាជិកដាំជិត ៣០ ហិកតា តាមបែបសរីរាង្គ។ លក្ខណៈពិសេសរបស់ពូជខ្ទឹមនេះមានពណ៌ស្អាត មើមធំ ក្រអូប ងាយបកផ្តល់ទិន្នផលខ្ពស់ និងសមស្របជាមួយការប្រែប្រួលអាកាសធាតុ។ បងលឺវឌៀង ជាសមាជិកនៃសហករណ៍កសិកម្មសរីរាង្គសាមគ្គី ទើបតែប្រមូលផលខ្ទឹមក្រហម Maserati ជាង ១ កុង ទទួលបានទិន្នផលជាង ៣ តោន/កុង ហើយបានសហករណ៍ទិញក្នុងតម្លៃ ២០.០០០ ដុង/គីឡូក្រាម។ ក្រោយពីទូទាត់រួច បងនៅចំណេញជាង ៣០ លានដុងក្នុងមួយកុង។ លោកឌៀង រៀបរាប់៖ “អាស្រ័យបានបងថាច់យីន ឧទ្ទេសនាមចូលសហករណ៍ ទើបខ្ញុំបានយល់ពីដំណើរការដាំខ្ទឹមក្រហមតាមបែបសរីរាង្គ ដើម្បីកាត់បន្ថយប្រាក់ចំណាយក្នុងការដាំ ហើយផ្តល់ទិន្នផលខ្ពស់និងបានសហករណ៍ប្រមូលទិញនាំចេញជាលំនឹង។ ក្នុងប៉ុន្មានឆ្នាំនេះ បងថាច់យីន តែងនាំយកពូជខ្ទឹមថ្មីៗ និងណែនាំពីបច្ចេកទេសដាំតាមបែបសរីរាង្គ ផ្គត់ផ្គង់សម្ភារៈកសិកម្មនិងប្រមូលទិញកសិផល ដូច្នេះ ទើបសមាជិកទាំងអស់ស្ងប់អារម្មណ៍រក្សារបរដាំខ្ទឹមក្រហម”។

សាកសួរអំពីនិស្ស័យជាមួយនឹងសហករណ៍ បងថាច់យីន បានរ៉ាយរ៉ាប់៖ ឆ្នាំ ២០១៣ បន្ទាប់ពីបញ្ចប់ការសិក្សាអនុមហាវិទ្យាល័យផ្នែកការពាររុក្ខជាតិ បងបានដាក់ពាក្យសុំចូលធ្វើការនៅក្រុមហ៊ុនការពាររុក្ខជាតិអាងយ៉ាង។ ក្រោយពីធ្វើការបាន ៥ ឆ្នាំ បងក៏ឈប់សម្រាកត្រឡប់មកផ្ទះបើកហាងលក់សម្ភារៈកសិកម្មនៅទីរួមខេត្តវិញចូវ។ ព្រមជាមួយនោះ បងថាច់យីន បានបណ្តុះគំនិតបង្កើតសហករណ៍កសិកម្មសរីរាង្គ ដើម្បីជួយកសិករដាំខ្ទឹមក្រហម កាត់បន្ថយការចំណាយដើមទុន និងរកបានច្រកចេញលំនឹង។ បងយីនលើកឡើង៖ “ធ្វើការជាច្រើនឆ្នាំ ប្តីប្រពន្ធខ្ញុំសន្សំប្រាក់មិនបាន ១០០ លានដុងផង ដូច្នេះដំបូងឡើយ គ្រាន់តែបើកហាងលក់សម្ភារៈកសិកម្មតូចមួយប៉ុណ្ណោះ។ មាមីងខ្មែរមកទិញថ្នាំ ជី តែងតែជំពាក់ដល់ពេលប្រមូលផលទើបសង ខ្ញុំនៅតែសប្បាយរីករាយលក់ដូរ និងណែនាំយ៉ាងហ្មត់ចត់ពីរបៀបប្រើប្រាស់ ដើម្បីឱ្យមាមីងមានទំនុកចិត្ត។ ឆ្នាំ ២០២២ នៅពេលដែលបង្កើតសហករណ៍កសិកម្មសរីរាង្គសាមគ្គី ខ្ញុំក្លាយជាអ្នកជំនាញក្នុងការផ្គត់ផ្គង់ពូជ សម្ភារៈ បច្ចេកទេសដាំដុះ និងប្រមូលទិញកសិផល ពេលនោះខ្ញុំទទួលបានការទំនុកចិត្តពីកសិករកាន់តែខ្លាំង។ តាំងពីពេលនោះមក ការធ្វើអាជីវកម្មមានភាពងាយស្រួយ ខ្ញុំមានឱកាសចូលកៀកជិត និងចលនាកសិករឱ្យដាំខ្ទឹមក្រហមតាមបែបសរីរាង្គ ដើម្បីការលក់ចេញមានភាពលំនឹង”។

ដោយមានភាពប៉ិនប្រសប់ក្នុងការធ្វើអាជីវកម្ម បច្ចុប្បន្ន បងថាច់យីន បានបើកហាងលក់សម្ភារៈកសិកម្មចំនួន ៨ កន្លែង នៅតាមឃុំនិងសង្កាត់នានាលើភូមិសាស្រ្តទីរួមខេត្តវិញចូវ ជាមួយដើមទុនរាប់សិបពាន់លានដុង។ ទន្ទឹមនឹងនោះ បងថាច់យីន បានសហការជាមួយអាជីវកម្ម និងក្រុមហ៊ុននានា នាំខ្ទឹមក្រហមចេញទៅកាន់ទីផ្សារប្រទេសជប៉ុនក្នុងបរិមាណជាង ៩ តោន។ នាំខ្ទឹមក្រហមឡើងទីផ្សារអេឡិចត្រូនិក លក់អនឡាញនិងលក់លើទំព័រហ្វេសប៊ុកផ្ទាល់ខ្លួន ដើម្បីកៀកជិតអតិថិជនមានសក្តានុភាព។ ជាមធ្យមសហករណ៍ខ្ទឹមក្រហមវិញចូវ បានចងសម្ព័ន្ធជាមួយក្រុមហ៊ុន និងអាជីវកម្មនាំចេញទីផ្សារប្រើប្រាស់ជាង ៩០ តោនក្នុងមួយឆ្នាំ។ បងថាច់យីន ឱ្យដឹង៖ “ បច្ចុប្បន្ន ខ្ទឹមក្រហមវិញចូវ បានផ្តល់លេខកូដស្វែងរកប្រភពសហករណ៍ ក៏បានវិនិយោគឃ្លាំងត្រជាក់ស្ដុកទុកដើម្បីរក្សាលំនឹងតម្លៃទីផ្សារ។ ទន្ទឹមនឹងនោះ ខ្ញុំកំពុងបង្ហើយសំណុំបែបបទចងសម្ព័ន្ធជាមួយដៃគូរចនា វេចខ្ចប់ ដើម្បីនាំចេញទៅកាន់ប្រទេសផ្សេងៗ។ ព្រមជាមួយនោះ ខ្ញុំបានវិនិយោគទិញម៉ាស៊ីនផលិតខ្ទឹមបំពង ណែនាំបច្ចេកទេសធ្វើខ្ទឹមប្រៃ ដើម្បីពិពិធកម្មផលិតផលខ្ទឹមក្រហមលើទីផ្សារ; ចលនាសមាជិកដាំខ្ទឹមតាមបែបសរីរាង្គដើម្បីកាត់បន្ថយប្រាក់ចំណាយ រកបានប្រាក់ចំណេញច្រើនជាងនិងមានច្រកនាំចេញលំនឹង”៕

លីធាន-ត្រឹងរ៉ូន

ចែករំលែកអត្ថបទ

ពាក្យគន្លឹះ