ចាប់តាំងពីបង្កើតមកទល់បច្ចុប្បន្ន បក្សកុម្មុយនិស្ដវៀតណាមបានឆ្លងកាត់រយៈពេល៩៥ឆ្នាំកសាង រីកចម្រើនជាមួយប្រទេសជាតិ ក៏ដូចជារួមដំណើរនិងអភិវឌ្ឍន៍។
ប្រភព៖ ttps://vhttcs.org.vn.
ក្នុងមហាសន្និបាតតំណាងទូទាំងប្រទេសលើកទី៣របស់បក្ស (ខែកញ្ញា-ឆ្នាំ ១៩៦០) ក្នុងសេចក្ដីសម្រេចចិត្តបានយកថ្ងៃទី ៣ ខែកុម្ភៈ រៀងរាល់ឆ្នាំ ជាថ្ងៃខួបអនុស្សាវរីយ៍បង្កើតបក្សកុម្មុយនិស្ដវៀតណាម។ បក្សកុម្មុយនិស្ដវៀតណាមបានបង្កើតឡើងជារបត់ដ៏សំខាន់នៃបដិវត្តន៍វៀតណាម។ បានលោកប្រធានរដ្ឋហូជីមិញ បង្កើតនិងលត់ដំដោយមានគោលមាគ៌ាបដិវត្តន៍ដ៏ត្រឹមត្រូវទ្យាសាស្រ្តនិងច្នៃប្រតិដ្ឋ រួមជាមួយនឹងកងជួរបក្ខជនស្មោះត្រង់អស់ពីចិត្តបម្រើមាតុភូមិ បម្រើប្រជាជន បក្សកុម្មុយនិស្ដវៀតណាម បានដឹកនាំប្រជាជនពីជ័យជម្នះមួយទៅជ័យជម្នះមួយ។ នោះគឺ៖ ជ័យជម្នះនៃបដិវត្តន៍ខែសីហា ឆ្នាំ ១៩៤៥ បង្កើតប្រទេសសាធារណរដ្ឋប្រជាធិបតេយ្យវៀតណាម; ជ័យជម្នះនៃការតស៊ូដ៏អង់អាចដើម្បីរំដោះប្រជាជាតិ ការពារមាតុភូមិ; ជ័យជម្នះនៃបុព្វហេតុ ផ្លាស់ថ្មីនិងជាជំហានៗនាំប្រទេសជាតិឈានឡើង លទ្ធិសង្គមនិយម។
នៅវៀតណាមគ្មានកម្លាំងនយោបាយណា ក្រៅពីបក្សកុម្មុយនិស្ដវៀតណាម ដែលមានភាពអង់អាច ប្រាជ្ញាវាងវៃ បទពិសោធន៍ កិត្យានុភាពនិងសមត្ថភាពដឹកនាំប្រទេសជាតិឆ្លងកាត់ការលំបាក ឧបសគ្គយ៉ាងតឹងតែងដើម្បីនាំប្រជាជាតិឈានទៅរកភាពរុងរឿងនោះឡើយ។ ហើយនៅក្នុងដំណើរការនោះដែរ បក្សយើងបានសន្សំនិងដកស្រង់មេរៀនដ៏មានតម្លៃជាច្រើន ហើយលត់ដំក្លាយជាប្រវេណីយ៉ាងត្រចះត្រចង់ ដែលសព្វថ្ងៃយើងគ្រប់គ្នាមានភារកិច្ចបញ្ចេញកម្លាំងថែរក្សានិងពង្រីកនូវមេរៀនបទពិសោធន៍ដ៏មានតម្លៃទាំងនេះ។ នោះគឺប្រវេណីស្មោះត្រង់គ្មានដែនកំណត់ ចំពោះផលប្រយោជន៍របស់ជនជាតិនិងវណ្ណៈ មិនងាករេទិសដៅ ឧត្តមគតិឯករាជ្យជាតិ ផ្សារភ្ជាប់នឹងលទ្ធិសង្គមនិយមយោងលើមូលដ្ឋានលទ្ធិម៉ាក្ស- លេនីន និងឧត្តមគតិហូជីមិញ។ មានតែដើរតាមមាគ៌ាបដិវត្តន៍ដែលបក្សយើងនិងអ៊ំហូបានជ្រើសរើស ទើបបដិវត្តន៍វៀតណាមអាចទទួលបានជ័យជម្នះទាំងស្រុង ប្រទេសជាតិយើងបានឯករាជ្យយ៉ាងពិតប្រាកដ; ប្រជាជាតិបានសេរីភាពយ៉ាងពិតប្រាកដ; ប្រជាជនយើងទើបមានជីវភាពសម្បូរសប្បាយ សុភមង្គលពីមួយថ្ងៃទៅមួយថ្ងៃ។ នោះគឺប្រវេណីរក្សាខ្ជាប់ឯករាជ្យ ម្ចាស់ការអំពីគោលមាគ៌ា; ក្ដាប់ច្បាស់អនុវត្តនិងអភិវឌ្ឍន៍ច្នៃប្រតិដ្ឋលទ្ធិម៉ាក្ស-លេនីន សិក្សាបទពិសោធន៍របស់អន្តរជាតិ ដើម្បីដាក់ចេញគោលមាគ៌ាដ៏ត្រឹមត្រូវនិងរៀបចំអនុវត្តរាល់ភារកិច្ចបដិវត្តន៍ប្រកបដោយប្រសិទ្ធភាព។ ក្នុងដំណាក់កាលនីមួយៗ បក្សយើងតែងប្រកាន់ខ្ជាប់នូវទស្សនៈសច្ចធម៌គឺជាក់ស្ដែង បដិវត្តន៍គឺការច្នៃប្រតិដ្ឋ ផ្ដើមចេញពីស្ថានភាពជាក់ស្ដែងរបស់វៀតណាមដើម្បីកំណត់ទិសដៅ ភារកិច្ច វិធានការរបស់បដិវត្តន៍វៀតណាម។ នោះគឺប្រវេណីផ្សារភ្ជាប់សាច់ឈាមរវាងបក្សនិងប្រជាជន ដែលតែងប្រកាន់យកកិច្ច ការបម្រើប្រជាជនជាហេតុផលសម្រាប់ការរស់រាននិងទិសដៅតស៊ូ។ នោះគឺប្រវេណីសាមគ្គី ឯកភាព មានអង្គការរៀបចំនិងវិន័យយ៉ាងហ្មត់ចត់ ផ្អែកលើមូលដ្ឋានគោលការណ៍ប្រជាធិបតេយ្យ ស្វ័យទិះទៀន ទិះទៀននិងសេចក្ដីស្រឡាញ់ស្មោះ សើ្មចំពោះសមមិត្ត។ ឆ្លងកាត់ការប្រឈមដ៏លំបាកក្នុងគុករបស់ពួកចក្រពត្តិ ចំពោះមុខចំពុះទុង កាំភ្លើងរបស់សត្រូវ ឬនៅសមរភូមិព្យុះគ្រាប់កាំភ្លើង អ្នកកុម្មុយនិស្ដវៀតណាម បានបង្ហាញនូវគំរូដ៏ភ្លឺត្រចះពីស្មារតីសាមគ្គី ស្រឡាញ់គ្នាទៅវិញទៅមក; ពីមនោសញ្ចេតនាសមមិត្ត មិត្តរួមក្រុម។ មនោសញ្ចេតនានៃកុម្មុយនិស្ដនោះហើយ បានផ្សារភ្ជាប់អ្នកបដិវត្តន៍វៀតណាមក្លាយជាក្រុមឈានមុខរឹងមាំ ត្រូវបានប្រជាជនជឿទុកចិត្ត មិត្តភក្ដិ កោតសរសើរ សត្រូវខ្លបខ្លាច; បង្កើតជាកម្លាំងដើម្បីបក្សយើងឆ្លងកាត់ឧបសគ្គ ពលីជីវិត រក្សាខ្ជាប់ក្ដីជំនឿនិងជ្រោងទង់ជ័យនៃការដឹកនាំ។ម៉្យាងទៀត នោះគឺប្រវេណីសាមគ្គីអន្តរជាតិ ស្មោះត្រង់ ស្មោះស ផ្អែកលើគោលការណ៍និងទិសដៅដ៏ថ្លៃថ្នូរ។ នេះជាមូលដ្ឋានដ៏រឹងមាំសម្រាប់បក្សយើងកកើតនិងអនុវត្តជោគជ័យនូវគោលមាគ៌ា កិច្ចការបរទេសដ៏ត្រឹមត្រូវគ្រប់ដំណាក់កាលទាំងអស់ រីកចម្រើនដល់ចំណុចកំពូលនៃការគួបផ្សំ កម្លាំងប្រជាជាតិជាមួយនឹងកម្លាំងយុគសម័យ ញុាំងឱ្យបដិវត្តន៍វៀតណាមរីកចម្រើនជាលំដាប់។
អនុស្សាវរីយ៍ ៩៥ ឆ្នាំ ទិវាបង្កើតបក្សចំពេលដែលប្រទេសយើងបានឆ្លងកាត់ ៤០ ឆ្នាំផ្លាស់ថ្មី។ នោះជាដំណាក់កាលប្រវត្តិសាស្រ្តដ៏សំខាន់មួយក្នុងបុព្វហេតុ អភិវឌ្ឍន៍របស់ប្រទេសយើង បង្ហាញពីការរីកចម្រើនលើគ្រប់វិស័យរបស់បក្ស រដ្ឋនិងប្រជាជនយើង។ ការវិវឌ្ឍបំពាក់នូវទ្រង់ទ្រាយនិងអត្ថន័យបដិវត្តន៍ គឺជាដំណាក់កាលនៃការប្ដូរផ្លាស់ស៊ីជម្រៅ ទូលំទូលាយ ហ្មត់ចត់ គឺបុព្វហេតុធំធេងរបស់ទូទាំងបក្ស ទូទាំងប្រជាជន និងទូទាំងកងទ័ព។ សង្កេតជារួម បន្ទាប់ពី ៤០ ឆ្នាំផ្លាស់ថ្មី ប្រទេសជាតិយើងសម្រេចបានសមិទ្ធផលយ៉ាងធំធេង និងមានអត្ថន័យជាប្រវត្តិសាស្រ្ត។
អនុស្សាវរីយ៍ ៩៥ ឆ្នាំ ទិវាបង្កើតបក្សកុម្មុយនិស្ដវៀតណាម ទូទាំងបក្ស ទូទាំងប្រជាជន និងទូទាំងកងទ័ព បង្កើនការសាមគ្គី ឯកភាព ពង្រីកស្មារតី បដិវត្តន៍ ប្រវេណីដ៏មានតម្លៃរបស់បក្ស ខិតខំតស៊ូជម្នះរាល់ការលំបាក ឧបសគ្គ អនុវត្តសម្រេចជោគជ័យនូវទិសដៅ ភារកិច្ចនៃមហាសន្និបាត លើកទី១៣ របស់បក្ស ឆ្ពោះទៅមហាសន្និបាតបក្ខភាគគ្រប់លំដាប់ថ្នាក់ អាណត្តិកាល២០២៥- ២០៣០ និងមហាសន្និបាតតំណាងទូទាំងប្រទេសលើកទី ១៤ របស់បក្ស។ ប្ដេជ្ញាចិត្តកសាងប្រទេសវៀតណាមកាន់តែសម្បូររុងរឿង ស៊ីវិល័យ អរិយធម៌ និងអង់អាចក្លាហានតាមទិសដៅសង្គមនិយម៕
កាសែតកឹងធើភាសាខ្មែរ(សរុប)- ប្រែសម្រួល៖ ថាច់ធី
ពាក្យគន្លឹះ
អគ្គនិពន្ធនាយក: ត្រឿងវ៉ាំងច្វៀន អគ្គនិពន្ធនាយករងទទួលបន្ទុកភាសាខ្មែរ: ង្វៀងថាញត្វឹង
លិខិតអនុញាតលេខ៧៨៩/GP-BTTTT អាស្រ័យក្រសួងពត៌មាននិងសារគមនាគមន៍ផ្តល់ថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ ទីក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម : quangcao@baocantho.com.vn
សរសេរច្បាស់ប្រភព"សារព័ត៌មានអេឡិចត្រូនិកកឹងធើ" នៅពេលផ្សាយបន្តពីwebsite នេះ។
អភិវឌ្ឍន៍ដោយ:
