គោលនយោបាយ -ការរស់នៅ គោលនយោបាយ

30/12/2024 - 12:07

ឥណទានគោលនយោបាយសម្រាប់តំបន់ជនជាតិភាគតិចនៅកាម៉ាវ

ធនាគារគោលនយោបាយសង្គមខេត្តកាម៉ាវ បាននិងកំពុងព្រួតដៃអនុវត្តប្រកបដោយប្រសិទ្ធភាពនូវអនុក្រឹត្យលេខ ២៨/២០២២/NÐ-CP របស់រដ្ឋាភិបាល ស្ដីពីគោលនយោបាយឥណទានអាទិភាពអនុវត្តកម្មវិធីទិសដៅជាតិអភិវឌ្ឍសេដ្ឋកិច្ច - សង្គមតំបន់ជនជាតិភាគតិចនិងតំបន់ភ្នំ (ហៅកាត់ថា កម្មវិធី)

បងស្រីហូញឺហេុីង នៅភូមិដាបាក A ឃុំខាញ់ប៊ិញតី ស្រុកត្រឹងវ៉ាន់ថើយ បានទទួលប្រាក់ឧបត្ថម្ភ ៨៨ លានដុងសម្រាប់ដីសង់លំនៅឋាននិងសាងសង់លំនៅឋាន ហើយបងស្រីបុលបន្ថែម ៤០ លានដុងពីធនាគារគោលនយោបាយសង្គម សាងសង់បានផ្ទះសម្បែងសមរម្យ។

លោកង្វៀងថាញដុង នាយករងធនាគារគោលនយោបាយសង្គមខេត្តកាម៉ាវ ឱ្យដឹង រៀងរាល់ឆ្នាំ ធនាគារគោលនយោបាយសង្គមខេត្ត សហការជិតស្និទ្ធជាមួយនឹងគណៈជនជាតិខេត្ត និងអង្គភាពពាក់ព័ន្ធនានាលើភូមិសាស្រ្ត ដើម្បីពិនិត្យឡើងវិញ រៀបចំផែនការដើមទុនឥណទាននិងធ្វើសេនាធិការជូនគណៈតំណាងក្រុមប្រឹក្សាភិបាល បែងចែកគ្រប់សព្វ ទាន់ពេល ភាគកម្រិតដើមទុនសម្រាប់អង្គភាពមូលដ្ឋានដំណើរការអនុវត្ត។

ធនាគារគោលនយោបាយសង្គម បានសហការជាមួយនឹងរដ្ឋអំណាចភូមិភាគ អង្គការនយោបាយ-សង្គមទទួលការប្រគល់សិទ្ធិ ភូមិ អនុសង្កាត់ ក្រុមប្រិតសំចៃនិងបុលទុន រៀបចំការពិនិត្យជម្រើស ធ្វើឯកសារបុលទុន រំសាយដើមទុនចំមុខសញ្ញាទទួលផលតាមកម្មវិធីនីមួយៗ; ទន្ទឹមនឹងនោះ ធ្វើការត្រួតពិនិត្យក្រោយពីឱ្យបុល ក្រើនរំលឹកគ្រួសារដែលបុលទុន ប្រើប្រាស់ឱ្យចំគោលដៅនិងមានប្រសិទ្ធភាព។ មុខសញ្ញាបុលទុនគឺគ្រួសារជនជាតិភាគតិចក្រីក្រ គ្រួសារជនជាតិកិញក្រីក្រដែលស្នាក់នៅស្របច្បាប់តាមឃុំ ភូមិលំបាកខ្លាំងនៅតំបន់ជនជាតិភាគតិចនិងតំបន់ភ្នំ។

លុះដល់ថ្ងៃទី ៣០ ខែវិច្ឆិកា ឆ្នាំ ២០២៤ ធនាគារគោលនយោបាយសង្គមខេត្តកាម៉ាវ បានឱ្យបុលទុនដោយទឹកប្រាក់សរុប ៧.៣៧៥ លានដុង (អនុវត្តសម្រេចលក្ខឋានបានប្រគល់) មាន ២១៥ គ្រួសារនៅជំពាក់បំណុល ក្នុងនោះ មាន ១៤២ លើកបុលសាងសង់លំនៅឋាន សរុបទឹកប្រាក់ ៤.៧២៥ លានដុង និងមាន ៧៣ លើក បុលផ្លាស់ប្ដូរមុខរបរ សរុបទឹកប្រាក់ ២.៦៥០ លានដុង។

តាមប្រសាសន៍លោកង្វៀងថាញដុង ក្នុងដំណាក់ការអនុវត្ត តែងទទួលបានការយកចិត្តទុកដាក់ ដឹកនាំ ចង្អុលការយ៉ាងជិតដិត ទាន់ពេលរបស់គណៈកម្មាធិការបក្ស រដ្ឋអំណាចភូមិភាគ ការសហការយ៉ាងហ្មត់ចត់ ការទទួលខុសត្រូវរបស់មន្ទីរ គណៈ ផ្នែកនិងភូមិភាគមូលដ្ឋាន; អង្គភាពអនុវត្តការងារជនជាតិ។ បណ្ដាកម្មវិធី គម្រោង វិនិយោគសម្រាប់តំបន់ជនជាតិភាគតិចនិងឧបត្ថម្ភជនជាតិភាគតិចធានាត្រូវចំមុខសញ្ញា។ ម្ចាស់ការអនុវត្តល្អដំណាក់ការត្រួតពិនិត្យនិងក្ដាប់ស្ថានភាពជាក់ស្ដែង គោលបំណង ជីវភាពរបស់ប្រជាជន សំដៅឆ្លើយតបតម្រូវការបានទាន់ពេល។

រយៈពេលខាងមុខ ធនាគារគោលនយោបាយសង្គមខេត្តកាម៉ាវ ផ្ដុំកម្លាំងអាទិភាពធនធានប្រភពទុនឥណទានគោលនយោបាយវិនិយោគឱ្យបុល នៅតំបន់ជនជាតិភាគតិចនិងតំបន់ភ្នំ តំបន់លំបាកខ្លាំង។ល។ ទន្ទឹមនឹងនោះ វិនិយោគបើកទូលាយគម្រោងផលិត ធ្វើអាជីវកម្មទ្រង់ទ្រាយធំ ផលិតផលបង្កើតចេញតាមចង្វាក់តម្លៃសមស្រប នឹងលក្ខខ័ណ្ឌធម្មជាតិនៃភូមិភាគនីមួយៗ សំដៅបង្កជាកម្លាំងចលករជំរុញការអភិវឌ្ឍសេដ្ឋកិច្ចគ្រួសារ ប្រជាជនផលិតទំនិញមានតម្លៃខ្ពស់ រួមចំណែកបង្កើតមុខរបររកស៊ីចិញ្ចឹមជីវិត បង្កើនប្រាក់ចំណូល ជាជំហានៗលំនឹងជីវភាព ធានាសុខុមាលភាពសង្គមលើភូមិសាស្រ្ដ៕

យោងតាមកាសែតកាម៉ាវ - ថាច់ធី

ឱ្យបុលឧបត្ថម្ភដីសង់លំនៅឋាន កម្រិតឱ្យបុលមិនលើសពី ៥០ លានដុង/គ្រួសារ រយៈ ពេលយូរបំផុត ១៥ ឆ្នាំ ចុងការ៣%ក្នុងមួយឆ្នាំ។ ឱ្យបុលឧបត្ថម្ភសង់លំនៅឋាន កម្រិតឱ្យបុលមិនលើសពី ៤០ លានដុង/គ្រួសារ រយៈពេលយូរបំផុត ១៥ ឆ្នាំ ចុងការ៣%ក្នុងមួយឆ្នាំ។ ឱ្យបុលឧបត្ថម្ភដីផលិតកម្ម កម្រិតឱ្យបុលមិនលើសពី ៧៧,៥ លានដុង/គ្រួសារ រយៈពេល យូរបំផុត ១០ ឆ្នាំ ចុងការ៣,៣%ក្នុងមួយឆ្នាំ។ ឱ្យបុលផ្លាស់ប្ដូរមុខរបរ កម្រិតឱ្យបុលខ្ពស់បំផុត ស្មើនឹងកម្រិតឱ្យបុលបម្រើការផលិតកម្ម ចំពោះគ្រួសារក្រីក្រត្រូវបានកំណត់ក្នុងដំណាក់កាលនីមួយៗ (បច្ចុប្បន្ន ១០០ លានដុង/គ្រួសារ) រយៈពេលឱ្យបុលយូរបំផុត ១០ ឆ្នាំ ចុងការ ៣,៣% ក្នុងមួយឆ្នាំ។

ចែករំលែកអត្ថបទ

ពាក្យគន្លឹះ