ព្រឹត្តិការណ៍ - នយោបាយ ព្រឹត្តិការណ៍

03/12/2024 - 09:53

មហាសន្និបាតតំណាងបណ្តាជនជាតិភាគតិចខេត្តបាកលីវសម្រេចជោគជ័យ

មហាសន្និបាតតំណាងបណ្តាជនជាតិភាគតិចខេត្តបាកលីវ លើកទី៤ ឆ្នាំ២០២៤ ក្រោមប្រធានបទ “គ្រប់ជនជាតិ សាមគ្គី ផ្លាស់ថ្មី ច្នៃប្រតិដ្ឋ ពង្រីកឧត្តមភាព សក្តានុភាព សមាហរណកម្ម និងអភិវឌ្ឍន៍ប្រកបដោយចីរភាព”។

លោក ហូវអាឡឺន រដ្ឋមន្ត្រី ប្រធានគណៈកម្មាធិការជនជាតិ ជូនមេដាយអនុស្សាវរីយ៍
ដើម្បីបុព្វហេតុជនជាតិដល់បុគ្គលគំរូ។

អាណត្តិកាលកន្លង ខេត្តបាកលីវ ជាសារវន្តបានអនុវត្តសម្រេចនូវទិសដៅលេចធ្លោជាច្រើន៖ មាន ១០០% ឃុំបានទទួលស្គាល់ឃុំសម្រេចបទដ្ឋានជនបទថ្មី; ប្រាក់ចំណូលមធ្យមភាគលើមនុស្សម្នាក់សម្រេចបាន ៥,៥ លានដុង/ខែ (កើនពីរដងបើប្រៀបនឹងឆ្នាំ២០១៩); អត្រាគ្រួសារក្រីក្រក្នុងជនរួមជាតិភាគតិចថយចុះនៅ ៣,៨%; ឃុំនៅតំបន់ជនរួមជាតិភាគតិចទាំង ១០០% សុទ្ធតែមានផ្លូវរថយន្តអាចបើកបរចូលដល់មជ្ឈមណ្ឌលឃុំ; មានគ្រួសារជាង ៩៩% បានប្រើប្រាស់បណ្តាញអគ្គិសនីជាតិ មាន១០០%ឃុំមានបណ្តាញអគ្គិសនីជាតិ ដោះស្រាយជូនពលករជាង ១៣.៣៩០ នាក់ដែលជាជនជាតិភាគតិចមានការងារធ្វើ រកបានប្រាក់ចំណូលលំនឹង។

មហាសន្និបាតក៏បានដាក់ចេញនូវទិសដៅ ភារកិច្ច និងដំណោះស្រាយអនុវត្តការងារជនជាតិ គោលនយោបាយជនជាតិ ដំណាក់កាល២០២៤ - ២០២៩ របស់ខេត្ត។ ជាក់ស្តែង គឺបន្តរក្សាចំនួនឃុំទាំង ១០០% ក្នុងតំបន់មានផ្លូវក្រាលកៅស៊ូនិងបេតុងចុះដល់មជ្ឈមណ្ឌលឃុំនិងផ្លូវតភ្ជាប់ភូមិជាង ៨៥% ត្រូវបានក្រាលបេតុងរឹងមាំ។ មធ្យមភាគកាត់បន្ថយគ្រួសារក្រីក្រក្នុងតំបន់ជនរួមជាតិភាគតិចថយចុះពី ២% ឡើងទៅរៀងរាល់ឆ្នាំ។ សាលារៀន ថ្នាក់រៀននៅតំបន់ជនរួមជាតិភាគតិច ត្រូវបានសាងសង់រឹងមាំ ចលនាកុមារជនជាតិភាគតិចក្នុងកម្រិតអាយុចូលរៀនបាន ៩៩%។ អង្គភាពថ្នាក់ឃុំទាំង ១០០% ត្រូវបានទទួលស្គាល់ជាឃុំ តំបន់ I ។ អត្រាពលករជាជនរួមជាតិភាគតិច បានឆ្លងកាត់វគ្គបណ្តុះបណ្តាលវិជ្ជាជីវៈសម្រេចពី ៧០% ឡើងទៅ។ កម្មាភិបាល បុគ្គលិកថ្នាក់ឃុំនៅតំបន់ជនរួមជាតិភាគតិចមានកម្រិតវិជ្ជាឯកទេសពី បរិញ្ញាបត្រឡើងទៅ និងកម្មាភិបាល បុគ្គលិក ជាង៩០% ត្រូវបានបំពាក់បំប៉នចំណេះដឹងខាងជនជាតិ៕

យ្វីអាញ-វិមាន

ចែករំលែកអត្ថបទ

ពាក្យគន្លឹះ