មហាសាមគ្គីជនជាតិ គំរូក្នុងសហគមន៍

30/09/2024 - 14:37

យុវជនទ្រីតូងជាមួយនឹងឆន្ទៈឈានឡើង

ជាមួយនឹងចលនា “យុវជនទ្រីតូង សាមគ្គីទទួលខុសត្រូវ ផ្លាស់ថ្មី ឈានមុខក្នុងការកសាងជនបទថ្មី និងទីក្រុងស៊ីវិល័យ” មានសមាជិកសមាគមសម្ព័ន្ធយុវជនវៀតណាមស្រុកទ្រីតូង ខេត្តអាងយ៉ាងជិត ៣.០០០ នាក់បាននិងកំពុងពង្រីកស្មារតីឈានមុខ ស្ម័គ្រចិត្តជាមួយនឹងឆន្ទៈ ឈានឡើងដើម្បីកសាងភូមិស្រុកកាន់តែសម្បូរសប្បាយ និងស៊ីវិល័យពីមួយថ្ងៃទៅមួយថ្ងៃ។

យុវជនទ្រីតូង ព្រួតដៃកសាងភូមិស្រុក។

ទ្រីតូងជាស្រុកតំបន់ភ្នំ ជនជាតិ សាសនា លក្ខណៈសេដ្ឋកិច្ច-សង្គមនៅលំបាកច្រើន។ ទោះបីដូច្នោះក្តី ដោយស្មារតីប្រកបដោយសុទិដ្ឋិនិយម សស្រាក់សស្រាំងរបស់យុវវ័យ មិនមានភាពថមថយដោយសារប្រការនោះឡើយ។ អាណត្តិកាល ២០១៩-២០២៤ ចលនា “មួយថ្ងៃដំណឹងល្អមួយ មួយសប្តាហ៍រឿងល្អមួយ” អាស្រ័យសមាគមសម្ព័ន្ធយុវជនវៀតណាមស្រុកបំផុស បានយុវជនគាំទ្រយ៉ាងសកម្ម។ ឆ្លងតាមរយៈនោះ បានស្ងើចសរសើរនិងជូនរង្វាន់សមូហភាពចំនួន ៦ និងបុគ្គល ១៧ នាក់ ដែលមានស្នាដៃឆ្នើមក្នុងការរៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ បានប្រទះឃើញយុវជនឆ្នើមៗលើវិស័យផ្សេងៗ ២៩ នាក់ ផ្តល់កិត្តិយសដល់ថ្នាក់ដឹកនាំយុវជន និងកម្មាភិបាលសមាគមឆ្នើម ១៤ នាក់។ អនុលេខាសម្ព័ន្ធយុវជនស្រុក ប្រធានសមាគមសម្ព័ន្ធយុវជនវៀតណាមស្រុកទ្រីតូង ឡេធីវៀងត្រាង ឱ្យដឹង៖ ជាភូមិភាគមានខ្សែបន្ទាត់ព្រំដែនជាប់នឹងព្រះរាជាណាចក្រកម្ពុជា ហេតុនោះ យុវជនទ្រីតូង តែងសកម្មចូលរួមកម្មវិធី “ខែមីនា ព្រំដែន” និង “មនោសញ្ចេតនាព្រំដែនមាតុភូមិ” ពិសេស ផ្សារភ្ជាប់ជាមួយប៉ុស្តិ៍ការពារព្រំដែនចំនួន ២ គឺឡាកក្វើយ និងវិញយ៉ា (កងទ័ពការពារព្រំដែនអាងយ៉ាង) អនុវត្តសំណង់ “បំភ្លឺផ្លូវព្រំដែន” ឧបត្ថម្ភការរកស៊ីចិញ្ចឹមជីវិត ជូនអំណោយនិងអាហារូបករណ៍នៅតំបន់ព្រំដែន។ល។ គិតជាទឹកប្រាក់ជាង ៧០០ លានដុង។

អាណត្តិកាល ២០១៩-២០២៤ ចលនា “យុវជនទ្រីតូង សាមគ្គី ទទួលខុសត្រូវ ផ្លាស់ថ្មី ឈានមុខក្នុងការកសាងជនបទថ្មីនិងក្រុងស៊ីវិល័យ” បានផ្សព្វផ្សាយអនុវត្តមានប្រសិទ្ធភាពជាក់ស្តែង។ សមាគមសម្ព័ន្ធយុវជនវៀតណាមស្រុក ឃុំ និងទីប្រជុំជននានាបង្កើតបាន ១៥ ក្រុម ដោយទាក់ទាញយុវជនចំនួន ៣១៤ នាក់ចូលរួមការពារបរិស្ថាន រក្សាសណ្តាប់ធ្នាប់ក្រុង រួមចំណែកកសាងដងផ្លូវស៊ីវិល័យបាន ១៥ ខ្សែ ដោយលក្ខឋានភ្លឺ - បៃតង - ជ្រះ - ស្អាត - សុវត្ថិភាព។ យុវជនទ្រីតូង នៅទាំងចូលរួមសង់ផ្ទះថ្មីនិងជួសជុលផ្ទះមនុស្សធម៌ ផ្ទះមិត្តភាពបាន ២៥ ខ្នង គិតជាទឹកប្រាក់ជាង ១,១ ពាន់លានដុង; ជួសជុលផ្លូវជនបទបាន ៦៤ គីឡូម៉ែត្រ កសាងផ្លូវបាន ៤០ គីឡូម៉ែត្រ; ចូលរួមកម្លាំងពលកម្ម ១.៣៦០ ថ្ងៃ ដើម្បីកសាងស្ពានជនបទថ្មីចំនួន ២០ ខ្សែ; ប្រមូលសំរាមកញ្ចប់ ដបថ្នាំការពាររុក្ខជាតិចំនួន ១២,៧ តោន ដាំដើមឈើថ្មីបាន ១៣៩.៥១៧ ដើម ដំឡើងផ្ទាំងបដាផ្សព្វផ្សាយបាន ២២០ ផ្ទាំង; ដំឡើងនិងជួសជុលប្រព័ន្ធអគ្គិសនី ទឹកសុវត្ថិភាពជូនប្រជាជន ១១៧ គ្រួសារ; ជូនឆាយាលក្ខណ៍អ៊ំហូចំនួន ១.៧១៨។ល។ អនុវត្តក្រមសីលធម៌ “ផឹកទឹកនឹកប្រភព” យុវជនទ្រីតូងចូលរួមជួសជុលតុបតែងផ្នូរយុទ្ធជនពលី ស្តូបអនុស្សាវរីយ៍ ស្តូបជ័យជម្នះនិងជូនអំណោយ ២.៣៨០ ចំណែកដល់វីរមាតាវៀតណាម និងគ្រួសារគោលនយោបាយ សរុបទឹកប្រាក់ជាង ៦០០ លានដុង។

អាណត្តិកាល ២០២៤-២០២៩ សមាគមសម្ព័ន្ធយុវជនវៀតណាមស្រុកទ្រីតូង បន្តពង្រីកយ៉ាងខ្លាំងក្លានូវតួនាទីឈានមុខច្នៃប្រតិដ្ឋរបស់យុវជន ក្នុងការកសាងនិងការពារមាតុភូមិ ពិសេស គឺក្នុងសមាហរណកម្មអន្តរជាតិ ផ្លាស់ប្តូរឌីជីថលជាតិ រួមចំណែកអនុវត្តជាក់ស្តែងឆន្ទៈអភិវឌ្ឍន៍ ប្រទេសរុងរឿង សុភមង្គល។ ទន្ទឹមនឹងនោះ កសាងនិងពង្រឹងអង្គការសមាគមរឹងមាំអំពីឧត្តមគតិ នយោបាយ ចាត់តាំងនិងសកម្មភាព៕

យោង៖ កាសែតអាងយ៉ាង-វិមាន

ចែករំលែកអត្ថបទ

ពាក្យគន្លឹះ