គោលនយោបាយ -ការរស់នៅ ច្បាប់

09/09/2024 - 15:46

ចាប់ពីថ្ងៃទី ០១/០១/២០២៥ ប័ណ្ណបើកបរដែលផ្តល់ជូនមុនថ្ងៃទី ០១/០១/២០២៥គឺនឹងបានផ្តល់ជូននិងប្តូរឡើងវិញយ៉ាងណា?

ប័ណ្ណបើកបរប្រភេទ B១ លេខស្វ័យប្រវត្តិត្រូវបានប្តូរ និងផ្តល់ជូនជាប័ណ្ណបើកបរប្រភេទ B វិញ ដោយលក្ខខណ្ឌមានកម្រិត គឺអាចបើកបរបានតែរថយន្តលេខស្វ័យប្រវត្តិប៉ុណ្ណោះ។

 រូបថតជាឧទាហរណ៍។

ច្បាប់សណ្តាប់ធ្នាប់ សុវត្ថិភាពចរាចរណ៍ផ្លូវគោក លេខ ៣៦/២០២៤/QH១៥ ចុះថ្ងៃទី ២៧ ខែមិថុនា ឆ្នាំ ២០២៤ បានកំណត់ករណីអ្នកមានប័ណ្ណបើកបរដែលបានផ្តល់ជូនមុនថ្ងៃច្បាប់នេះមានសុពលភាពអនុវត្ត (ថ្ងៃទី១ ខែមករា ឆ្នាំ ២០២៥) បើមានតម្រូវការប្តូរ ឬផ្តល់ជូនប័ណ្ណបើកបរឡើងវិញ គឺអនុវត្តដូចខាងក្រោម៖

ប័ណ្ណបើកបរប្រភេទ A១ ត្រូវបានប្តូរ និងផ្តល់ជូនជាប័ណ្ណបើកបរប្រភេទ A វិញ ដោយលក្ខខណ្ឌមានកម្រិត គឺអាចបើកបរបានតែម៉ូតូកង់ពីរដែលមានចំណុះស៊ីឡាំងក្រោម ១៧៥ cm3 ឬមានកម្លាំងម៉ូទ័រអគ្គិសនីក្រោម១៤ kW;ប័ណ្ណបើកបរប្រភេទ A២ ត្រូវបានប្តូរនិងផ្តល់ជូនជាប័ណ្ណបើកបរប្រភេទ A វិញ។

ប័ណ្ណបើកបរប្រភេទ A៣ ត្រូវបានប្តូរនិងផ្តល់ជូនជាប័ណ្ណបើកបរប្រភេទ B១ វិញ។

ប័ណ្ណបើកបរប្រភេទ A៤ ត្រូវបានប្តូរនិងផ្តល់ជូនជាវិញ្ញាបនបត្របើកបរយានយន្តប្រើប្រាស់ឯកទេសដែលមានទម្ងន់ពី១.០០០គីឡូក្រាមនិងវិញ្ញាបនបត្របំពាក់បំប៉នចំណេះដឹងអំពីច្បាប់ ចរាចរណ៍ផ្លូវគោកសម្រាប់អ្នកបើកបរយានយន្តប្រើប្រាស់ឯកទេស;

ប័ណ្ណបើកបរប្រភេទ B១ លេខស្វ័យប្រវត្តិ ត្រូវបានប្តូរនិងផ្តល់ជូនជាប័ណ្ណបើកបរប្រភេទ B វិញ ដោយលក្ខខណ្ឌមានកម្រិត គឺអាចបើកបរបានតែរថយន្តលេខស្វ័យប្រវត្តិតែប៉ុណ្ណោះ។

ប័ណ្ណបើកបរប្រភេទ B១ និង B២ ត្រូវបានប្តូរនិងផ្តល់ជូនជាប័ណ្ណបើកបរប្រភេទ B ឬ C១ វិញ និងវិញ្ញាបនបត្របើកបរយានយន្ត ប្រើប្រាស់ឯកទេសសម្រាប់អ្នកបើកបរត្រាក់ទ័រ មានទម្ងន់រហូតដល់ ៣.៥០០ គីឡូក្រាម។

ប័ណ្ណបើកបរប្រភេទ C នៅរក្សាដដែល និងត្រូវបានប្តូរនិងផ្តល់ជូនឡើងវិញនិងវិញ្ញាបនបត្រ បើកបរយានយន្តប្រើប្រាស់ឯកទេសសម្រាប់អ្នកបើកបរត្រាក់ទ័រមានទម្ងន់លើសពី ៣.៥០០ គីឡូក្រាម៕

យោង៖ Chinhphu.vn - វិមាន

ចែករំលែកអត្ថបទ

ពាក្យគន្លឹះ