គោលនយោបាយ -ការរស់នៅ គោលនយោបាយ

09/09/2024 - 15:46

អាទិភាពប្រភពទុនឧបត្ថម្ភជនរួមជាតិភាគតិចនិងតំបន់ភ្នំ

នាយករដ្ឋមន្ត្រី ផាមមិញជិញ បានចង្អុលការដល់អង្គភាពនានា អាទិភាពប្រភពទុនឧបត្ថម្ភជនរួមជាតិភាគតិចនិងតំបន់ភ្នំ ក្នុងសន្និបាតបូកសរុប១០ឆ្នាំអនុវត្តបទបញ្ជាលេខ៤០-CT/TW ចុះថ្ងៃទី២២/១១/២០១៤ របស់គណៈលេខាមជ្ឈិមបក្ស នីតិកាលទី XI ស្តីពីបង្កើនការដឹកនាំរបស់បក្សចំពោះឥណទានគោលនយោបាយសង្គម។

ទិដ្ឋភាពនៃសន្និបាត។

ក្នុងរយៈពេល១០ឆ្នាំ មានប្រជាជនជាង២១លានគ្រួសារ បានបុលទុនអាទិភាពដើម្បីអភិវឌ្ឍន៍ផលិតកម្ម-ធ្វើអាជីវកម្ម។ ឆ្លងតាមរយៈនោះ ជួយប្រជាជនជាង៣,១លានគ្រួសារ ឈានឡើងចាកពីភាពក្រ; ពលករជាង៤,២លាននាក់ បានបុលទុនបង្កើតការងារធ្វើ; កសាងសំណង់ ផ្គត់ផ្គង់ទឹកស្អាត អនាម័យបរិស្ថានបានជាង១៣,២លានកន្លែងជូនប្រជាជនតំបន់ជនបទ; មានសិស្សនិស្សិតជាង៦១០.០០០នាក់ បានបុលទុនសម្រាប់ផ្គត់ផ្គង់ការរៀនសូត្រ; សាងសង់ផ្ទះជាង១៩៣.០០០ខ្នង ជូនអ្នកក្រនិងមុខសញ្ញាគោលនយោបាយនិងពលករជាង១,២លានលើកនាក់ បានអាជីវកម្មបុលទុនសងប្រាក់បៀវត្សរ៍ ដោយសាររងផលប៉ះពាល់នៃជំងឺ COVID-១៩ ៘

មានប្រសាសន៍ក្នុងសន្និបាត នាយករដ្ឋមន្ត្រី ផាមមិញជិញ គូសបញ្ជាក់៖ គោលការណ៍ជាប្រចាំ មិនងាករេរបស់បក្ស រដ្ឋយើងក្នុងដំណាក់កាលកសាងប្រទេសជាតិ គឺការអភិវឌ្ឍសេដ្ឋកិច្ចដើរទន្ទឹមនឹងការអនុវត្តជឿនលឿន សមភាពសង្គម ប្រជាជនគ្រប់រូបតែងបានទទួលផលប្រយោជន៍ក្នុងដំណាក់កាលអភិវឌ្ឍសេដ្ឋកិច្ច-សង្គម; មិន “ពលី” ភាពជឿនលឿន សមភាពសង្គម សុខមាលភាពសង្គមនិងបរិស្ថាន ដើម្បីរត់តាមកំណើនសេដ្ឋកិច្ចនោះទេ; ជាមួយស្មារតី “ទាំងអស់គ្នាដើម្បីអភិវឌ្ឍន៍” “មិនទុកចោលនរណាម្នាក់នៅក្រោយគេ” ជាមួយគោលលំនាំសកម្មភាព “យល់ច្បាស់ពីទឹកចិត្តប្រជាជន បម្រើអស់ពីចិត្ត លើកកម្ពស់ប្រសិទ្ធភាព” នាយករដ្ឋមន្ត្រី រំពឹងថា ធនាគារគោលនយោបាយសង្គម នឹងពង្រីកនូវប្រវេណីលទ្ធផលដែលសម្រេចបានបទពិសោធន៍ក្នុងការផ្សព្វផ្សាយអនុវត្តទប់ស្កាត់ចំណុចខ្វះចន្លោះ ភាពឱនថយ និងខិតខំប្រឹងប្រែងជាងទៀត អនុវត្តឱ្យបានល្អជាងទៀតភារកិច្ចដែលបក្ស រដ្ឋនិងប្រជាជនប្រគល់ជូន។ ក្នុងនោះ បើកទូលាយទ្រង់ទ្រាយឥណទាន លើកកម្ពស់ទ្រង់ទ្រាយឱ្យបុល បង្កើនមុខសញ្ញាឱ្យបុល ពិសេសមុខសញ្ញាជាអ្នកក្រជនរួមជាតិភាគតិចតំបន់ភ្នំ តំបន់ដាច់ស្រយាល ព្រំដែន កោះសមុទ្រ អ្នកដែលទន់ខ្សោយ អ្នកមានជីវភាពលំបាកខ្លាំងរងផលប៉ះពាល់ដោយគ្រោះធម្មជាតិ; បង្កើតការងារធ្វើ បង្កើតមុខរបររកស៊ី បង្កលក្ខណសម្បត្តិដល់អ្នកដែលទន់ខ្សោយពង្រីកកម្លាំងផ្ទៃក្នុង មានភាពជឿជាក់ ខ្លួនទីពឹងខ្លួន ជម្នះការលំបាកសាកល្បង ស្ថានភាពលំបាក ចាកភាពក្រីក្រ ឈានឡើងធ្វើមាន កសាងជីវភាពសម្បូរសប្បាយ សុភមង្គល ជឿនលឿន... ៕

យោង៖ baodantoc.vn ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ