មហាសាមគ្គីជនជាតិ ភូមិស្រុកផ្លាស់ថ្មី

29/07/2024 - 14:39

បង្កើនកម្រិតទទួលផលរបស់ប្រជាជននៅតំបន់ជនបទ

តាមប្រសាសន៍ លោកគីហីវថាញ់ អនុប្រធានគណៈជនជាតិខេត្តហូវយ៉ាង នៅតំបន់ជនរួមជាតិភាគតិចខេត្តហូវយ៉ាង មានការប្ដូរផ្លាស់ច្រើន មុខមាត់ជនបទមានភាពវិវឌ្ឍន៍ ប្រព័ន្ធហេដ្ឋារចនាសម្ព័ន្ធសំខាន់ៗបម្រើផលិតកម្ម និងរបរចិញ្ចឹមជីវិតរបស់ប្រជាជនបន្តត្រូវបានវិនិយោគ។

ពេលជីវភាពបានលំនឹង ប្រជាជនតែងចូលរួមជាមួយនឹងរដ្ឋអំណាចកសាងជនបទថ្មី។

ខេត្តហូវយ៉ាង ខិតខំដល់ឆ្នាំ២០២៥៖ គ្រួសារក្រីក្រជាជនរួមជាតិភាគតិច (តាមបទដ្ឋានក្រពហុវិមាត្រ) នឹងថយចុះជាង ២% ក្នុងមួយឆ្នាំ; និយោជិតស្ថិតក្នុងក្របខណ្ឌគ្រួសារក្រីក្រ គ្រួសារប្រកៀកបន្ទាត់ក្រ និងគ្រួសារទើបចាកផុតពីភាពក្រីក្រទាំងអស់ដែលមានតម្រូវការបានឧបត្ថម្ភតភ្ជាប់ ពិគ្រោះតម្រង់ទិសវិជ្ជាជីវៈនិងជួយស្វែងរកការងារធ្វើ; ខិតខំមានឃុំចាកពីក្របខណ្ឌលំបាកខ្លាំង៥០%; ឃុំនៅតំបន់ជនរួមជាតិភាគតិចទាំងអស់ មានផ្លូវរថយន្តអាចបើកបរចូលដល់មជ្ឈមណ្ឌលឃុំ និងផ្លូវអន្តរឃុំបានក្រាលកៅស៊ូឬបេតុងទាំងស្រុង; ជនរួមជាតិភាគតិចមានទឹកស្អាតប្រើប្រាស់ស្របអនាម័យ៩២%; ពលករក្នុងកម្រិតអាយុបានបណ្តុះបណ្តាលវិជ្ជាជីវៈ ៩០% ។ល។ ដើម្បីសម្រេចបាននូវទិសដៅដែលបានពោលដូចខាងលើ ខេត្តហូវយ៉ាង បានអនុវត្តមានប្រសិទ្ធភាពនូវគោលនយោបាយពិសេសដោយឡែក និងផ្គួបបញ្ចូលនូវកម្មវិធី គម្រោងជាច្រើននៅតំបន់ជនរួមជាតិភាគតិច។ មកទល់ពេលនេះ តំបន់ជនជាតិនៅខេត្តហូវយ៉ាង ជាសារវន្តសម្រេចបាននូវខ្លឹមសារខាងលើ។ លោកង្វៀងវ៉ាន់ហុង លេខាសាខាបក្សនិងជាប្រធានភូមិទ្រឿងថាំង ឃុំទ្រឿងឡុង A ស្រុកចូវថាញ់ A ឱ្យដឹង៖ “ផ្តើមពីភូមិមួយលំបាកខ្លាំង ឥឡូវភូមិយើងខ្ញុំកំពុងកសាងជនបទថ្មីគំរូ។ ប្រការគួរត្រេកអរ គឺក្នុងដំណើរការកសាងជនបទថ្មីរហូតដល់ជនបទថ្មីគំរូ តែងទទួលបានការព្រួតដៃរបស់ប្រជាជននៅភូមិភាគ ក្នុងនោះ មានគ្រួសារជនរួមជាតិភាគតិចទាំងអស់របស់ភូមិបានចូលរួមផងដែរ”។

ផ្លូវគមនាគមន៍ជនបទតំបន់ជនរួមជាតិនៅហូវយ៉ាង បានបំពាក់អំពូលភ្លើងបំភ្លឺផ្លូវ
ដើម្បីធានាសុវត្ថិភាពជូនប្រជាជនពេលធ្វើដំណើរយប់ព្រលប់។

តាមគណៈជនជាតិខេត្តហូវយ៉ាង ដោយសារអនុវត្តបានល្អនូវគោលនយោបាយសម្រាប់ជនរួមជាតិភាគតិច និងកម្មវិធីឧបត្ថម្ភអភិវឌ្ឍផលិតកម្មក្នុងការកសាងជនបទថ្មី ទើបគ្រួសារក្រីក្រជាជនរួមជាតិភាគតិចនៅខេត្តហូវយ៉ាង បានថយចុះគួរឱ្យកត់សម្គាល់ពី៣២,១៥% នៅចុងឆ្នាំ ២០១៦ ថយចុះនៅត្រឹមតែ ១៣,២៤% នៅចុងឆ្នាំ២០២២។ ឆ្នាំ២០២៣ គណៈជនជាតិខេត្តហូវយ៉ាង បន្តអនុវត្តបានល្អនូវគោលនយោបាយសម្រាប់តំបន់ជនរួមជាតិភាគតិច បំផុតគឺគោលនយោបាយគិតគូរអភិវឌ្ឍសេដ្ឋកិច្ច បង្កើនប្រាក់ចំណូល កាត់បន្ថយភាពក្រីក្រ កសាងជនបទថ្មី។ល។ ម្ល៉ោះហើយ ជីវភាពជនរួមជាតិភាគតិចកាន់តែបានលើកកម្ពស់ពីមួយថ្ងៃទៅមួយថ្ងៃ។ ទទួលបានសមិទ្ធផលទាំងនេះ គឺដោយសារគណៈកម្មាធិការបក្ស និងរដ្ឋអំណាចភូមិភាគគ្រប់លំដាប់ថ្នាក់ តែងកំណត់ការគិតគូរជីវភាពសម្ភារៈ និងស្មារតីជូនជនរួមជាតិភាគតិច ជាភារកិច្ចដ៏សំខាន់ ដើម្បីកាត់បន្ថយគម្លាតរវាងតំបន់លំបាកនិងតំបន់ងាយស្រួល លើកកម្ពស់កម្រិតរស់នៅរបស់ប្រជាជននៅតំបន់ជនរួមជាតិភាគតិច។ លោកសើុងកិច នៅភូមិ៥ ឃុំសាភៀង ស្រុកឡុងមី ជាអ្នកមានប្រជាប្រិយ ឱ្យដឹង៖ “រដ្ឋបានវិនិយោគហេដ្ឋារចនាសម្ព័ន្ធ ឧបត្ថម្ភជនរួមជាតិភាគតិចអភិវឌ្ឍសេដ្ឋកិច្ច ម្ល៉ោះហើយទើបជីវភាពសម្ភារៈនិងស្មារតីរបស់ជនរួមជាតិមានភាពរីកចម្រើន កាត់បន្ថយគម្លាតរវាងជនបទនិងទីក្រុង ហេតុនោះ ប្រជាជនមានលក្ខណៈទទួលផលកាន់តែច្រើនឡើង”៕

ហាថាញ-វិមាន

ចែករំលែកអត្ថបទ

ពាក្យគន្លឹះ