មហាសាមគ្គីជនជាតិ ភូមិស្រុកផ្លាស់ថ្មី

11/06/2024 - 09:26

ប្រព័ន្ធបាញ់ទឹកបន្លែ កាត់បន្ថយចំណាយបង្កើនចំណេញ

ពូគៀងប៊ែ នៅភូមិបុត្រី ឃុំហ្វាឡើយ ស្រុកចូវថាញ់ ខេត្តត្រាវិញ បានអនុវត្តវិធានការស្រោចស្រពប្រិតសំចៃទឹកក្នុងការដាំដំណាំរួមផ្សំ។ វិធានការនេះមិនត្រឹមតែប្រិតសំចៃទឹក អគ្គិសនី ជី ថ្នាំការពាររុក្ខជាតិ កម្មករប៉ុណ្ណោះទេ ថែមទាំងនៅធានាទិន្នផល បង្កើនប្រាក់ចំណេញទៀតផង។

ពូគៀងប៊ែ កំពុងធ្វើទ្រើងសំណាញ់ដោយអនុវត្តតាមវិទ្យាសាស្រ្តបច្ចេកទេស។

ពូគៀងប៊ែ ឱ្យដឹងដោយក្តីរីករាយ៖ “ឆ្លងតាមរយៈនៃវគ្គហ្វឹកហ្វឺនបច្ចេកទេសដាំដំណាំរួមផ្សំ ដែលគណៈកម្មាធិការប្រជាជនឃុំហ្វាឡើយ សហការជាមួយនឹងផ្នែកជំនាញ ផ្ទេរជូនវិទ្យាសាស្រ្តបច្ចេកទេសដល់កសិករ ខ្ញុំបានអនុវត្តទម្រង់ដាំដំណាំគួបផ្សំនឹងធ្វើប្រព័ន្ធស្រោចស្រពមានប្រសិទ្ធភាព។ ដោយមានផ្ទៃ ដីដាំដំណាំរួមផ្សំ ២ កុង ខ្ញុំវិនិយោគដំឡើងប្រព័ន្ធស្រោចស្រពប្រមាណ ២០ លានដុង។ គ្រួសារខ្ញុំដាំគូឆាយ ល្ពៅ ផ្ទី និងបន្លែស្ពៃគ្រប់ប្រភេទ។ល។ អាស្រ័យដោយបន្លែក្នុងប៉ុន្មានខែដើមឆ្នាំ ២០២៤ បានលំនឹង ខ្ញុំប៉ាន់ស្មាននៅចំណេញប្រមាណ ៥០ លានដុង/ឆ្នាំ”។

ពូគៀងប៊ែ កំពុងដើរពិនិត្យប្រព័ន្ធស្រោចស្រព។

តាមការគិតគូររបស់ពូប៊ែ ការស្រោចស្រពទឹកតាមទម្រង់នេះ កាត់បន្ថយបានចំនួនទឹកប្រមាណ ៧០% ពេលវេលា ៧០% និងចំនួនអគ្គិសនី ៧០% កាត់បន្ថយប្រាក់ជួលកម្មករ កាត់បន្ថយការប្រើជីពី ២០-៣០% ទិន្នផលមិនខុសគ្នាទេបើប្រៀបធៀបនឹងវិធីដាំពីមុន។ ជាមួយប្រាក់ចំណាយប្រមាណ ១០ លានដុងក្នុងមួយកុង ប្រព័ន្ធស្រោចស្រពថ្វីដ្បិតតែចំណាយទុនច្រើនក៏ពិតមែនប៉ុន្តែមានឧត្តមភាពគឺរយៈពេលប្រើប្រាស់បានយូរអង្វែង។

លោក ថាយថាញប៊ិញ អនុប្រធានគណៈកម្មាធិការប្រជាជនឃុំហ្វាឡើយ ឱ្យដឹង៖ “ការដាំដំណាំគួបផ្សំនឹងប្រព័ន្ធស្រោចស្រព គឺជាវិធានការផ្គត់ផ្គង់ទឹកសម្រាប់ដំណាំលូតលាស់តាមតម្រូវការទឹករបស់ដំណាំ។ វិធានការនេះមិនត្រឹមតែប្រិតសំចៃថាមពលអគ្គិសនីពេលវេលាស្រោចស្រព កម្លាំងបាចជី និងប្រិតសំចៃទឹកជាអតិបរមាប៉ុណ្ណោះទេ។ល។ ថែមទាំងរួមចំណែកធ្វើឱ្យបង្កើនទិន្នផលនិងគុណភាពដំណាំទៀតផង។ អាចនឹងគួបផ្សំវិធានការច្រើនទៀតដែលថែទាំតាមរយៈប្រព័ន្ធស្រោចស្រព ដូច៖ ដាក់ជីឆាប់រលាយនិងបាញ់ថ្នាំការពាររុក្ខជាតិដំណាំ។ ដោយចំណាយទុនប្រមាណ ១០ លានដុងក្នុងមួយកុង ប្រព័ន្ធស្រោចស្រពចំណាយខ្ពស់ក៏ពិតមែន ប៉ុន្តែមានឧត្តមភាពប្រើប្រាស់រយៈពេលបានយូរអង្វែង។ ម្យ៉ាងទៀត ពូប៊ែ បានអនុវត្តទម្រង់ដាំដំណាំគួបផ្សំនឹងប្រព័ន្ធស្រោចស្រពកាត់បន្ថយប្រាក់ចំណាយផង បង្កើនប្រាក់ចំណេញផង។ ក្នុងរយៈពេលខាងមុខ ឃុំលើកទឹកចិត្តកសិករពង្រីកទម្រង់នេះបន្ថែមទៀត”៕

សើុងម៉ាល័យ-លីសៀ

ចែករំលែកអត្ថបទ

ពាក្យគន្លឹះ