សុខភាព - អប់រំ អប់រំ

20/05/2024 - 15:30

គុណភាពអប់រំកាន់តែបានលើកកម្ពស់

សាលាអនុវិទ្យាល័យជនជាតិអន្តេវាសិកស្រុកត្រឹងដេ ខេត្តសុកត្រាំង បានអនុវត្តគ្រប់សព្វរបបគោលនយោបាយ ជួយឱ្យគ្រូបង្រៀននឹងនរចិត្តក្នុងការបង្រៀន សិស្សានុសិស្សរៀនសូត្របានល្អ ម្ល៉ោះហើយគុណភាពអប់រំកាន់តែបានលើកកម្ពស់ពីមួយថ្ងែទៅមួយថ្ងៃ។

បន្ទប់រៀនវិញ្ញាសាកុំព្យូទ័ររបស់សាលា។

ក្នុងឆ្នាំសិក្សា ២០២៣ - ២០២៤ សាលាអនុវិទ្យាល័យជនជាតិអន្តេវាសិកស្រុកត្រឹងដេ បានវិនិយោគកែលម្អ និងជួសជុលបន្ទប់រៀនចំនួន១១ និងបន្ទប់ស្នាក់នៅចំនួន៣៦ គិតជាថវិកាជាង៣ពាន់លានដុង។ រហូតមកទល់ពេលនេះ មូលដ្ឋានសម្ភារៈនិងឧបករណ៍បង្ហាត់បង្រៀនត្រូវបានបំពាក់សព្វគ្រប់ បំពេញតាមតម្រូវការបង្រៀននិងរៀន។ ជារៀងរាល់ឆ្នាំ សាលាមានសិស្សពី២៧០-៣០០នាក់ សិក្សាពីថ្នាក់ទី៦-៩ ហើយសិស្សស្នាក់នៅក្នុងសាលាទាំង១០០%។ សាលាអនុវត្តគ្រប់សព្វរបបគោលនយោបាយដាច់ដោយឡែកសម្រាប់សិស្ស និងគ្រូបង្រៀនតាមសេចក្តីកំណត់របស់រដ្ឋ ម្ល៉ោះហើយបានផ្តល់កម្លាំងចិត្តដល់លោកគ្រូអ្នកគ្រូក្នុងការបង្ហាត់បង្រៀន និងសិស្សានុសិស្សរៀនសូត្របានល្អ។ លោកគ្រូត្រឹងសឹមហា គ្រូបង្រៀនភាសាខ្មែរ មានប្រសាសន៍៖ “ក្នុងរយៈពេល៦ឆ្នាំ បង្រៀននៅសាលានេះ ខ្ញុំទទួលបានរបបគោលនយោបាយគ្រប់សព្វ ដូច្នេះ ខ្ញុំមានទំនុកចិត្តក្នុងការសិក្សាស្រាវជ្រាវដើម្បីរកវិធីសាស្រ្តបង្រៀនល្អៗដល់សិស្ស។ ក្នុងការបង្រៀន ខ្ញុំតែងជ្រើសរើសវិធីសាស្រ្តបង្រៀនដែលសមស្របដើម្បីជួយឱ្យប្អូនៗទទួលយកមេរៀនបានល្អ និងមានគុណភាព។ ប្រមាណ៣ឆ្នាំមកនេះ សាលាមានសិស្សជាច្រើនទទួលបានរង្វាន់សិស្សពូកែនៅថ្នាក់ស្រុកនិងខេត្ត។ ចំណែកវិញ្ញាសាភាសាខ្មែរ មានសិស្សទទួលបានរង្វាន់លេខ១ ក្នុងពិធីប្រឡងសិស្សពូកែថ្នាក់ខេត្ត ៣ឆ្នាំជាប់ៗគ្នា”។

សាលាអនុវិទ្យាល័យជនជាតិអន្តេវាសិកស្រុកត្រឹងដេ។

សិស្សសាលាភាគច្រើនជាជនជាតិខ្មែរ នៅតំបន់លំបាកខ្លាំង រស់ឆ្ងាយពីផ្ទះ និងមានកម្រិតសិក្សាមិនស្មើគ្នា ដូច្នេះ ការគ្រប់គ្រងនិងបង្រៀនត្រូវបានយកចិត្តទុកដាក់ខ្លាំងណាស់។ ក្រៅពីរិះរកវិធីសាស្រ្តបង្រៀនសមស្រប គ្រូបង្រៀនក៏ជាបង្អែកផ្នែកខាងស្មារតី ធ្វើយ៉ាងណាដើម្បីជួយប្អូនៗឈានឡើងក្នុងការរៀនសូត្រ។ ប្អូនថាច់ធីហីវលៀង សិស្សថ្នាក់ទី៨A1 ឱ្យដឹង៖ “លោកគ្រូអ្នកគ្រូអស់ពីចិត្តក្នុងការបង្ហាត់បង្រៀនណាស់ តែងលើកយកវិធីសាស្រ្តនិងរបៀបង្រៀនល្អៗ ជួយដល់ពួកប្អូនយល់មេរៀនបានលឿន។ ដោយដឹងថាពួកប្អូនរស់នៅឆ្ងាយពីផ្ទះ លោកគ្រូអ្នកគ្រូ តែងលើកទឹកចិត្តនិងយកចិត្តទុកដាក់បង្រៀនពីរបៀបរស់នៅនិងធ្វើការងារក្នុងបរិស្ថានរួម ត្រូវចេះសាមគ្គី ជួយគ្នាទៅវិញទៅមកក្នុងការសិក្សា។ ក្រៅពីនោះ ពួកប្អូននៅបានបង្ហាត់រាំច្រៀង និងចូលរួមសមោសរសិល្បៈ មានដូចជា រាំរបាំ ច្រៀង និងប្រគំឧបករណ៍ ភ្លេងប្រពៃណីក្នុងពិធីបុណ្យរបស់ជនជាតិខ្មែរ ដូច្នេះ ពួកប្អូនពិតជាសប្បាយរីករាយនិងយល់កាន់តែច្បាស់ពីវប្បធម៌របស់ជនជាតិខ្មែរ។

លោកគ្រូត្រឹងស៊ុង នាយកអនុវិទ្យាល័យជនជាតិអន្តេវាសិកស្រុកត្រឹងដេ មានប្រសាសន៍៖ “តាំងពីដើមឆ្នាំ សាលាបានចាត់គ្រូបង្រៀនពិនិត្យមើលសិស្ស ដើម្បីដឹងថាសិស្សណារៀនខ្សោយ ហើយមានផែនការបង្រៀនបន្ថែម និងឱ្យសិស្សពូកែជួយបង្ហាញ សំដៅឱ្យប្អូនៗដែលរៀនខ្សោយតាមទាន់កម្មវិធីសិក្សា។ ព្រមទាំងចាត់គ្រូបង្រៀនចុះទៅដល់បន្ទប់ស្នាក់នៅរបស់ប្អូនៗលើកទឹកចិត្ត ជំរុញស្មារតីឱ្យស្ងប់ចិត្តស្នាក់នៅ រៀនសូត្របានល្អ។ អាស្រ័យហេតុនេះ ៣ ឆ្នាំកន្លងមកសិស្សបានឡើងថ្នាក់១០០% ក្នុងនោះ សិស្សសម្រេចបានលទ្ធផលបង្គួរនិងពូកែ ៧០%; សិស្សគ្រប់លក្ខណៈបញ្ចប់កម្រិតអនុវិទ្យាល័យគឺ ១០០% ។ ជារៀងរាល់ឆ្នាំ សាលាមានសិស្សពី១០-១៥នាក់ ទទួលបានកិត្តិនាមជាសិស្សពូកែថ្នាក់ស្រុកនិងខេត្ត៕

យ្វីអាញ-ត្រឹងរ៉ូន

ចែករំលែកអត្ថបទ

ពាក្យគន្លឹះ