មហាសាមគ្គីជនជាតិ គំរូក្នុងសហគមន៍

20/05/2024 - 15:30

គ្រូបង្រៀនរៀនសូត្រតាមគំរូអ៊ំ

ជ្រួតជ្រាបដំបូលមានរបស់លោកប្រធានហូជីមិញ “ដើម្បីផលប្រយោជន៍ ១០ ឆ្នាំដាំដើមឈើ និងដើម្បីផលប្រយោជន៍រយឆ្នាំបណ្តុះមនុស្ស” អ្នកគ្រូ ផួធីង៉ុកអៀង គ្រូបង្រៀនសាលាបំពេញវិជ្ជាមធ្យមសិក្សាបាលីណាមបូ ខេត្តសុកត្រាំង តែងរៀនសូត្រនិងធ្វើតាមឧត្ដមគតិ សីលធម៌និងឥរិយាបថហូជីមិញ។ អ្នកគ្រូង៉ុកអៀង បានសម្ព័ន្ធប្លុកស្ថាប័ននិងអាជីវកម្មខេត្តសុកត្រាំង ស្ងើចសរសើរ។

អ្នកគ្រូផួធីង៉ុកអៀង តែងខ្នះខ្នែងសិក្សាស្រាវជ្រាវដើម្បីមានវិធីសាស្រ្តបង្រៀនកាន់តែល្អ។

ឆ្នាំ២០១៣ ក្រោយពីបញ្ចប់មហាវិទ្យាល័យគរុកោសល្យប្រវត្តិសាស្រ្ត អ្នកគ្រូង៉ុកអៀង ត្រូវបានចាត់ទៅបង្រៀននៅសាលាបំពេញវិជ្ជាមធ្យមសិក្សាបាលីណាមបូ។ នេះក៏ជាការសាកល្បងសម្រាប់គ្រូបង្រៀនវ័យក្មេង ដែលទើបនឹងបញ្ចប់ការសិក្សានៅពេលដែលប្រឈមមុខនឹងសិស្សសុទ្ធតែជាព្រះសង្ឃនិងអាយុច្រើន ដូច្នេះ អ្នកគ្រូង៉ុកអៀង ត្រូវរៀនសូត្រច្រើនពីរៀមច្បងដើម្បីបំពេញភារកិច្ចឱ្យបានល្អ។ អ្នកគ្រូង៉ុកអៀង ឱ្យដឹង៖ “អស់រយៈពេលជាងមួយឆ្នាំ ទើបខ្ញុំសុាំនឹងការនិយាយស្ដី ហើយលែងខ្មាស់ក្នុងការបង្រៀន។ ខ្ញុំរៀនបានច្រើនពីមិត្តរួមអាជីព តែងតែចូលរួមម៉ោងជាប្រចាំដើម្បីរៀនសូត្រពីរបៀបបង្រៀន និងជ្រើសវិធីសាស្ត្របង្រៀនសមស្របបំផុតដើម្បីបង្រៀន”។

ម៉ោងបង្រៀនរបស់អ្នកគ្រូ ផួធីង៉ុកអៀង។

អស់រយៈពេលជាង ១១ ឆ្នាំមកនេះ ជាមួយគោលលំនាំអនុវត្ត “បង្រៀនល្អ រៀនពូកែ” ជាស្នូលក្នុងការសិក្សានិងធ្វើតាមឧត្ដមគតិ សីលធម៌និងឥរិយាបថហូជីមិញ។ អ្នកគ្រូ ង៉ុកអៀង មិនបង្អង់លើកកម្ពស់វិជ្ជាជីវៈអស់ពីចិត្តនឹងរបរ ដោយមានបំណងចង់រួមចំណែកតូចមួយក្នុងបុព្វហេតុបណ្តុះធនធានមនុស្ស ជួយសិក្ខាកាមសម្រេចក្តីសុបិន។ អ្នកគ្រូង៉ុកអៀង ឱ្យដឹង៖ “សិស្សសាលាគឺព្រះសង្ឃមកពីខេត្ត ក្រុងនានា តំបន់ណាមបូ ដូច្នេះខ្ញុំត្រូវមានការទទួលខុសត្រូវក្នុងការសិក្សាដោយខ្លួនឯង អនុវត្តក្រមសីលធម៌វិជ្ជាជីវៈនិងស្រាវជ្រាវដើម្បីការបង្រៀនមានគុណភាព។ ធ្វើការរៀបគម្រោងមេរៀនជាប្រចាំនិងដកស្រង់សំណួរប្រឡងតាមអ៊ីនធឺណិត ដើម្បីសិក្ខាកាមបានកៀកជិត”។

សិក្ខាកាម ហឿហុងធូ សមណសិស្សថ្នាក់ទី ១១ ឱ្យដឹង៖ “ក្នុងម៉ោងបង្រៀន អ្នកគ្រូង៉ុកអៀង តែងធ្វើអន្តរកម្មយ៉ាងសកម្មរវាងសិស្សនិងគ្រូ ទើបម៉ោងរៀនមានភាពរស់រវើក សិស្សពេញចិត្តក្នុងការសិក្សា។ អ្នកគ្រូង៉ុកអៀង មានចំណេះដឹងទូលំទូលាយ បង្រៀនសិស្សងាយយល់និងងាយចងចាំ ដូច្នេះឆ្នាំក្រោយអាត្មានឹងជ្រើសយកប្រវត្តិវិទ្យា ដើម្បីប្រឡងសញ្ញាបត្រមធ្យមសិក្សាចំណេះទូទៅ”។

ក្រៅពីនេះ អ្នកគ្រូង៉ុកអៀង ថែមទាំងចូលរួមយ៉ាងសកម្មក្នុងសកម្មភាពចលនាសម្ព័ន្ធយុវជន ក្នុងនោះ លេចធ្លោបំផុតគឺគំរូក្នុងការរៀនសូត្រ និងធ្វើតាមឧត្ដមគតិសីលធម៌និងឥរិយាបថហូជីមិញ ដូច៖ សរសេរកំណត់ហេតុប្រចាំថ្ងៃ ដើម្បីធ្វើតាមដំបូន្មានអ៊ំ; “សួនច្បារក្នុងបរិវេណសាលា”; “លក់ក្រដាសឆ្នោតសុកត្រាំង ដើម្បីប្រមូលថវិកាសម្រាប់សម្ព័ន្ធយុវជន” “រៃអង្គាសជួយសមាជិកសម្ព័ន្ធយុវជនដែលមានស្ថានភាពក្រលំបាក” បានឧបត្ថម្ភសមាជិកសម្ព័ន្ធយុវជនចំនួន ៥ នាក់ក្នុងស្ថានភាពក្រលំបាក (ម្នាក់ ១ លានដុង)។ លោកគ្រូថាច់រិទ្ធិ៍ នាយករងសាលាមធ្យមសិក្សាបំពេញវិជ្ជាបាលីណាមបូ លើកឡើង៖ “អ្នកគ្រូផួធីង៉ុកអៀង អស់ពីចិត្តចំពោះអាជីព តែងតែខិតខំលត់ដំសិក្សាស្រាវជ្រាវ ដើម្បីមានវិធីសាស្រ្តបង្រៀនកាន់តែល្អ។ ជាច្រើនឆ្នាំមកនេះ អ្នកគ្រូង៉ុកអៀង តែងយកចិត្តទុកដាក់ជួយសិក្ខាកាមក្នុងការសិក្សា ដូច្នេះហើយសិស្សជាង ៩០% បានចុះឈ្មោះប្រឡងប្រវត្តិវិទ្យាក្នុងការប្រឡងសញ្ញាបត្រមធ្យមសិក្សាចំណេះទូទៅជាតិ និងសម្រេច ១០០%”៕

យ្វីអាញ-មេងលី

ចែករំលែកអត្ថបទ

ពាក្យគន្លឹះ