សុខភាព - អប់រំ អប់រំ

25/03/2024 - 09:37

សុកត្រាំង

រៀបចំសម័យប្រឡងសញ្ញាបត្របាលីរងនិងជូនរង្វាន់ដល់សមណសិស្ស

នៅវត្តពោធិព្រឹក្ស ទីប្រជុំជនលិតហោយធឿង ស្រុកត្រឹងដេ ខេត្តសុកត្រាំង សមាគមព្រះសង្ឃសាមគ្គីស្នេហាជាតិខេត្តសុកត្រាំង សហការជាមួយការិយាល័យអប់រំនិងបណ្តុះបណ្តាលស្រុកត្រឹងដេ បានរៀបចំសម័យប្រឡងសញ្ញាបត្របាលីរង ឆ្នាំ២០២៣-២០២៤។ ចូលរួមប្រឡង មានសមណសិស្ស ៩០ អង្គ មកពីនានាវត្តពុទ្ធសាសនាទក្ខិណនិកាយខ្មែរលើភូមិសាស្ត្រខេត្ត។

សមណសិស្សចូលរួមសម័យប្រឡងសញ្ញាបត្របាលីរង ឆ្នាំ២០២៣ -២០២៤ ។

វិញ្ញាសាសមណសិស្សចូលរួមប្រឡង រួមមានគឺ៖ គណិត ភាសាវៀត ធម្មបទដ្ឋកថា វេយ្យាករណ៍បាលី សរសេរតាមអាន វេយ្យាករណ៍ខ្មែរ ពុទ្ធប្រវត្តិ និងព្រះវិន័យ។ លទ្ធផលមានសមណសិស្ស ៨៣/៩០ ប្រឡងជាប់ថ្នាក់បាលីរង។ នេះគឺជាសម័យប្រឡងសំដៅវាយតម្លៃលទ្ធផលរៀនសូត្ររបស់សមណសិស្សដែលសិក្សាថ្នាក់បាលីរងនៅតាមវត្តខ្មែរ; ទន្ទឹមនឹងនោះ គឺជាមូលដ្ឋានដើម្បីជ្រើសរើសចូលរៀន សាលាមធ្យមសិក្សាបំពេញវិជ្ជាបាលីណាមបូសុកត្រាំង។

គណៈកម្មការរៀបចំ បានជូនរង្វាន់ដល់សមណសិស្សជ័យលាភីចំនួន១០អង្គ។ សមណសិស្ស ថាច់ហ្វិញញ៉ឺ សិក្សានៅវត្តស្រឡូង (មីស្វៀង) ជាប់លេខមួយដោយមានពិន្ទុសរុប ៦៧,២៥ ៕

យ្វីអាញ- លីសៀ

ចែករំលែកអត្ថបទ

ពាក្យគន្លឹះ