មហាសាមគ្គីជនជាតិ ភូមិស្រុកផ្លាស់ថ្មី

05/12/2023 - 15:26

ប្រសិទ្ធភាពនៃទម្រង់ដងផ្លូវ "ភ្លឺ បៃតង ជ្រះ ស្អាត"

ឃុំតឹងហ៊ីប ស្រុកថ្កូវ ខេត្តត្រាវិញ ទើបបង្ហើយសំណង់ផ្លូវ “ភ្លឺ បៃតង ជ្រះ ស្អាត” ត្រង់ផ្លូវខេត្តលេខ ៩១១ មានប្រវែង៥គីឡូម៉ែត្រ សរុបថវិកាជាង ២០០ លានដុង។

ផ្លូវបេតុងនៅភូមិរោងវាល ត្រូវបានបំពាក់អំពូលភ្លើងដើរដោយឋាមពលពន្លឺព្រះអាទិត្យ
ប្រជាជនមានក្ដីសោមនស្សរីករាយយ៉ាងខ្លាំង។

លោកថាច់ថាញ់មី ប្រធានគណៈកម្មាធិការប្រជាជនឃុំ ឱ្យដឹង៖ “ដើម្បីអនុវត្តល្អការកសាងជនបទថ្មី ពិសេសគឺការធ្វើឱ្យទេសភាពបរិស្ថានជនបទ “ភ្លឺ បៃតង ជ្រះ ស្អាត” រដ្ឋអំណាចភូមិភាគបានកៀរគរគ្រួសាររស់នៅសងខាងផ្លូវខេត្តលេខ ៩១១ ស្ម័គ្រចិត្តបរិច្ចាគដីកសាងផ្លូវ។ អាស្រ័យដូច្នោះ ប្រជាជនរួមជាមួយនឹងឃុំអនុវត្តការងារដាំផ្កា កសាងបង្គោលភ្លើងដើរដោយឋាមពលពន្លឺព្រះអាទិត្យ កសាងសំណង់ផ្លូវ “ភ្លឺ បៃតង ជ្រះ ស្អាត” ដោយមានបំពាក់អំពូលភ្លើងអគ្គិសនីចំនួន ១២៥ បង្គោល បង្គោលភ្លើងនីមួយៗខ្ពស់ប្រហែល ៥ ម៉ែត្រគិតជាថវិកា ១,៧ លានដុង”។

ផ្លូវខេត្តលេខ ៩១១ “ភ្លឺ បៃតង ជ្រះ ស្អាត”។

លោក ថាច់ង៉ុកកួ នៅភូមិរោងវាល ឱ្យដឹង៖ “គ្រួសារខ្ញុំបានរួមចំណែកកម្លាំងពលកម្ម បរិច្ចាគដីដាំផ្កាតាមចិញ្ចើមផ្លូវនិងថែទាំផ្កាត្រង់កំណាត ផ្លូវដែលគ្រួសារខ្ញុំរស់នៅ។ ពេលមើលឃើញពន្លឺភ្លើងចែងចាំងរបស់ទម្រង់ គ្រួសារដែលរស់នៅតាមផ្លូវលំ ផ្លូវបែកចុះតាមភូមិ ក៏ម្ចាស់ការទិញខ្សែអគ្គិសនីនិងអំពូលភ្លើងដើម្បីដំឡើងតាមដងផ្លូវចុះតាមភូមិផងដែរ។ បច្ចុប្បន្ន មានអំពូលភ្លើងអគ្គិសនីអុជបំភ្លឺផ្លូវ តាំងពីផ្ទះរហូតដល់ក្បាលភូមិ គុណភាពជីវភាពប្រជាជនត្រូវបានលើកកម្ពស់”។

លោក ថាច់ថា នៅភូមិរោងវាល រីករាយឱ្យដឹង៖ “ពេលទម្រង់ផ្លូវ “ភ្លឺ បៃតង ជ្រះ ស្អាត” នៅផ្លូវខេត្តលេខ ៩១១ បានបើកឱ្យប្រើប្រាស់ ប្រជាជនមានក្ដីសោមនស្សរីករាយខ្លាំងណាស់ ស្ថានភាពសន្តិសុខសណ្ដាប់ធ្នាប់ត្រូវបានធានា។ អាស្រ័យមានភ្លើងភ្លឺក្នុងពេលរាត្រី ទើបបាបគ្រោះសង្គម គ្រោះថ្នាក់ចរាចរណ៍បានថយចុះយ៉ាងច្បាស់ក្រឡែត”។

ក្រោយពីកសាងសំណង់ផ្លូវ “ភ្លឺ បៃតង ជ្រះ ស្អាត” នៅផ្លូវខេត្តលេខ ៩១១ រូបភាពផ្លូវមានការផ្លាស់ប្ដូរនាពេលរាត្រី។ មានអគ្គិសនីបំភ្លឺ មិនត្រឹមតែងាយស្រួលសម្រាប់ប្រជាជនធ្វើដំណើរប៉ុណ្ណោះទេ ស្ថានភាពសន្ដិសុខសណ្ដាប់ធ្នាប់បានលំនឹង។ បច្ចុប្បន្ន លើភូមិសាស្រ្តឃុំបានពង្រីកផ្លូវបេតុង “ភ្លឺ បៃតង ជ្រះ ស្អាត” បានចំនួន ៣ ខ្សែបន្ថែមទៀត ដោយមានប្រវែងសរុបជាង ៣ គីឡូម៉ែត្រ។

ដើម្បីសំណង់ផ្លូវ “ភ្លឺ បៃតង ជ្រះ ស្អាត” នៅផ្លូវខេត្តលេខ ៩១១ ពង្រីកបានប្រសិទ្ធភាព គណៈកម្មាធិការបក្ស គណៈកម្មាធិការប្រជាជនឃុំតឹងហ៊ីប បានចង្អុលការគណៈ ផ្នែក អង្គការមហាជនឃុំ រដ្ឋអំណាចភូមិភាគ ផ្សព្វផ្សាយ កៀរគរប្រជាជនពីអត្ថន័យជាក់ស្ដែងនៃសំណង់ ផ្លូវ “ភ្លឺ បៃតង ជ្រះ ស្អាត”។ នេះជាសកម្មភាពមានអត្ថន័យជាក់ស្ដែងក្នុងការកសាងជនបទថ្មី។ ឆ្លងតាមរយៈផ្សព្វផ្សាយអនុវត្តសំណង់ផ្លូវ “ភ្លឺ បៃតង ជ្រះ ស្អាត” នៅផ្លូវខេត្តលេខ ៩១១ រយៈពេលខាងមុខ ឃុំនឹងបន្តពង្រីកទម្រង់នេះ ថែមទៀត៕

សើុងម៉ាល័យ - ថាច់ធី

ចែករំលែកអត្ថបទ

ពាក្យគន្លឹះ