មហាសាមគ្គីជនជាតិ ភូមិស្រុកផ្លាស់ថ្មី

20/11/2023 - 15:27

វិធានការកាត់បន្ថយឧស្ម័នផ្ទះកញ្ចក់ក្នុងការផលិតកសិកម្ម

ក្រសួងកសិកម្មនិងអភិវឌ្ឍន៍ជនបទ រួមជាមួយនឹងក្រសួង ផ្នែកមជ្ឈិម និងភូមិភាគតំបន់វាលរាបទន្លេគឺវឡុង កំពុងខ្នះខ្នែងជួយដល់កសិករលើកកម្ពស់ប្រសិទ្ធភាពផលិតកសិកម្ម ផ្សារភ្ជាប់ជាមួយនឹងការកាត់បន្ថយបំភាយឧស្ម័នផ្ទះកញ្ចក់។

កសិករនៅស្រុកថើយឡាយ ក្រុងកឹងធើ ប្រមូលចំបើងក្នុងស្រែដើម្បីយកមកប្រើប្រាស់ ឆ្លងតាមរយៈនោះ បញ្ចៀសបានការដុតចំបើងធ្វើឱ្យបំភាយឧស្ម័នផ្ទះកញ្ចក់។

នៅក្រុងកឹងធើ ក្រសួងកសិកម្មនិងអភិវឌ្ឍន៍ជនបទ ទើបសហការជាមួយនឹងធនាគារពិភពលោក (WB) និងអង្គភាពពាក់ព័ន្ធ រៀបចំសិក្ខាសាលា ស្ដីពី “កាត់បន្ថយបំភាយឧស្ម័នផ្ទះកញ្ចក់ក្នុងផ្នែកកសិកម្មតំបន់វាលរាបទន្លេគឺវឡុង” សំដៅជំរុញការកាត់បន្ថយឧស្ម័នផ្ទះកញ្ចក់ក្នុងការផលិតកសិកម្មនៅតំបន់វាលរាបទន្លេគឺវឡុង។

ក្នុងអង្គសិក្ខាសាលានេះ អ្នកតំណាងទាំងឡាយបានស្នើនៅពេលខាងមុខផ្នែកសមត្ថកិច្ច គប្បីបន្តជំរុញមាំការផ្ដល់ជូនព័ត៌មានផ្សព្វផ្សាយ ដើម្បីលើកកម្ពស់ការយល់ដឹងនិងសកម្មភាពរបស់កសិករនិងសហគមន៍ទាំងមូល។ ប្រញឹកធ្វើការឧបត្ថម្ភកសាង ពង្រីកនូវទម្រង់វិធានការទន្ទឹមនឹងការកាត់បន្ថយបានឧស្ម័នផ្ទះកញ្ចក់ ក៏ជួយលើកកម្ពស់ប្រសិទ្ធភាពផលិតកម្មនិងបង្កើនប្រាក់ចំណូលដល់កសិករ។ ពិសេស គប្បីចងសម្ព័ន្ធសហការល្អរវាងក្រសួង ផ្នែកមជ្ឈិម ភូមិភាគនិងភាគីពាក់ព័ន្ធ ដើម្បីមានកម្មវិធីផែនការអនុវត្តកាត់បន្ថយឧស្ម័នផ្ទះកញ្ចក់ក្នុងការផលិតកសិកម្មឱ្យបានព្រមៗគ្នា ប្រសិទ្ធភាពដោយទ្រង់ទ្រាយធំ។ គ្រួសារកសិករខ្នាតតូចៗ គប្បីចងសម្ព័ន្ធបង្កើតជាសហករណ៍ និងផ្សារភា្ជប់ជាមួយអាជីវកម្មក្នុងការកសាងតំបន់វត្ថុធាតុដើមផលិតកសិផលទំនិញធំៗ។ ផ្ដើមពីនោះ មានឱកាសដើម្បីជំរុញការប្រើប្រាស់គ្រឿងចក្រ និងអនុវត្តព្រមៗគ្នានូវបច្ចេកទេសជឿនលឿន ដើម្បីអនុវត្តទិសដៅពីរទន្ទឹមគ្នា គឺការលើកកម្ពស់ប្រសិទ្ធភាពផលិតកម្ម ភ្ជាប់ជាមួយនឹងការកាត់បន្ថយឧស្ម័នផ្ទះកញ្ចក់ និងភាពងាយស្រួលក្នុងការធ្វើស្ថិតិ ប៉ាន់ប្រមាណឥណទានកាបូន។

តាមប្រសាសន៍លោក ឡេថាញតុង អនុប្រធាននាយកដ្ឋានដាំដុះចំណុះក្រសួងកសិកម្ម និងអភិវឌ្ឍន៍ជនបទមានវិធានការជាច្រើន ដើម្បីកាត់បន្ថយឧស្ម័នផ្ទះកញ្ចក់ ដូចជាការប្រើប្រាស់គ្រឿងចក្រព្រមៗគ្នា វិធីសាស្រ្តវប្បកម្មល្អៗនិងប្រើប្រាស់ប្រភេទសម្ភារៈកសិកម្មឆ្លាតវៃ សមស្របជាមួយនឹងការកាត់បន្ថយបំភាយឧស្ម័នជាដើម។ បូកសរុបនូវកត្តាខាងលើ យើងមានដំណើរការវប្បកម្មល្អប្រសើរជាង ហើយប្រសិនបើអនុវត្តបានល្អ យើងនឹងសម្រេចបានបរិមាណស្រូវអង្ករលំនឹង ព្រមទាំងអាចបញ្ជាក់បានថា ការវប្បកម្មនេះមិនធ្វើឱ្យបំភាយឧស្ម័នផ្ទះកញ្ចក់និងប៉ះពាល់ដល់ការបម្រែបម្រួលអាកាសធាតុ នោះតម្លៃយីហោស្រូវអង្ករនៅតំបន់វាលរាបទន្លេគឺវឡុងនិងវៀតណាម ត្រូវបានលើកកម្ពស់។ នៅពេលអំណះអំណាងបានការកាត់បន្ថយឧស្ម័នផ្ទះកញ្ចក់ យើងអាចលក់ឥណទានកាបូន និងបរិមាណកំណត់ដែលមានការជាប់ពាក់ព័ន្ធ ដើម្បីបង្កើនប្រាក់ចំណូលដល់តំបន់ផលិតស្រូវ អង្ករ។ នេះក៏ជាទិសដៅឆ្ពោះទៅមុខរបស់គម្រោងអភិវឌ្ឍន៍ប្រកបដោយនិរន្តរភាពផ្ទៃដី ១ លានហិកតាជំនាញដាំដុះស្រូវប្រកបដោយគុណភាពខ្ពស់ ផ្សារភ្ជាប់ជាមួយនឹងកំណើនបៃតងតំបន់វាលរាបទន្លេគឺវឡុង។ ដើម្បីសម្រេចបានទិសដៅ គម្រោងតម្រូវការមិនត្រឹមតែអនុវត្តល្អការងារផ្នែកជំនាញខាងបច្ចេកទេសដាំដុះប៉ុណ្ណោះទេ ថែមទាំងត្រូវមានការចូលរួមទូទាំងប្រព័ន្ធនយោបាយនិងភាគីពាក់ព័ន្ធ ដើម្បីអនុវត្តវិធានការព្រមៗគ្នាអំពីការរៀបចំផលិត ចងសម្ព័ន្ធ សង្វាក់ផលិតផល។ ធានាលក្ខណសម្បត្តិអំពីហេដ្ឋារចនាសម្ព័ន្ធ ធារាសាស្រ្ត និងការវិនិយោគទៅលើវាលស្រែដែលចូលរួមក្នុងគម្រោង។ ជាពិសេស តម្រូវការដំបូងបង្អស់ គឺត្រូវមានសហករណ៍ដើម្បីអនុវត្តនូវវិធានការទាំងអស់នេះ ព្រមៗគ្នានិងភាពងាយស្រួលក្នុងការចងសម្ព័ន្ធជាមួយអាជីវកម្មនិងភាគីពាក់ព័ន្ធ ដើម្បីប្រមូលទិញផលិតផល ៕

វ៉ាន់កុង-ពេជ្រសឿន

ចែករំលែកអត្ថបទ

ពាក្យគន្លឹះ