គោលនយោបាយ -ការរស់នៅ ច្បាប់

31/07/2023 - 16:46

ប្រជាជនអាចចុះឈ្មោះយានយន្ត នៅកន្លែងស្នាក់នៅបណ្តោះអាសន្នចាប់ពីថ្ងៃទី១៥ ខែសីហា

ក្រសួងនគរបាល បានប្រកាសឱ្យប្រើសារាចរលេខ២៤/២០២៣ ជំនួសឱ្យសារាចរលេខ ៥៨/២០២០ ស្តីពីសេចក្តីកំណត់នៃការផ្តល់ជូន ដកហូតប័ណ្ណចុះឈ្មោះយានយន្ត ផ្លាកលេខយានយន្តចរាចរណ៍ផ្លូវគោក។ សារាចរថ្មីបានកំណត់ពីឯកសារ បែបបទផ្តល់ជូន ដកហូតប័ណ្ណចុះឈ្មោះយានយន្ត ផ្លាកលេខយានយន្ត ដែលត្រូវបានកំណត់ក្នុងច្បាប់ចរាចរណ៍ ផ្លូវគោក រួមមាន៖ ចុះឈ្មោះយានយន្តលើកដំបូង ចុះឈ្មោះផ្ទេរកម្មសិទ្ធិ ផ្លាស់ប្ដូរទីតាំង ផ្តល់ជូន និងប្តូរប័ណ្ណចុះឈ្មោះយានយន្ត និងផ្លាកលេខជាដើម។

រូបជាឧទាហរណ៍។

ប្រការគួរយកចិត្តទុកដាក់នោះគឺ សារាចរថ្មីអនុញ្ញាតឱ្យបុគ្គល អង្គការបានចុះឈ្មោះរថយន្តម៉ូតូនៅកន្លែងស្នាក់នៅបណ្តោះអាសន្ន ជំនួសឱ្យការចុះឈ្មោះនៅកន្លែងស្នាក់នៅអចិន្ត្រៃយ៍ដូចកាលពីមុន។

ឆ្លងតាមរយៈនោះ នៅមាត្រា៣ ជំពូក I នៃសារាចរដែលបានលើកឡើងថា ម្ចាស់យានយន្តជាអង្គការឬបុគ្គលមានទីស្នាក់ការ កន្លែងស្នាក់នៅ (កន្លែងចុះឈ្មោះស្នាក់នៅអចិន្ត្រៃយ៍ ឬស្នាក់នៅបណ្ដោះអាសន្ន) នៅភូមិភាគណា គឺចុះឈ្មោះយានយន្តនៅស្ថាប័នចុះឈ្មោះយានយន្តនៅភូមិភាគនោះ វៀរលែងតែក្នុងករណីអង្គការ បុគ្គលឈ្នះការដេញថ្លៃផ្លាកលេខរថយន្ត។ ប្រការខាងលើនេះបានបង្កលក្ខណៈកាន់តែងាយស្រួលដល់ប្រជាជន នឹងលែងមានស្ថានភាពប្រជាជនទិញយានយន្តនៅកន្លែងដែលខ្លួនកំពុងស្នាក់នៅបណ្តោះអាសន្ន រួចត្រូវធ្វើដំណើររាប់រយគីឡូម៉ែត្រទៅកន្លែងចុះឈ្មោះស្នាក់នៅអចិន្រ្តៃយ៍ដើម្បីចុះឈ្មោះយានយន្តដូចមុនទៀត។

សារាចរថ្មីក៏បានលើកឡើងយ៉ាងច្បាស់ថា ស្ថាប័នចុះឈ្មោះយានយន្តរួមមាន៖ នាយកដ្ឋាន ប៉ូលិសចរាចរណ៍ ការិយាល័យប៉ូលិសចរាចរណ៍គ្រប់ខេត្ត ក្រុង នគរបាលថ្នាក់ស្រុក និងនគរបាលថ្នាក់ឃុំ។

តាមសារាចរថ្មីនេះផងដែរ គឺចាប់ពីថ្ងៃទី១៥ ខែសីហា ការបំពេញព័ត៌មានសម្រាប់ការចុះឈ្មោះយានយន្ត ត្រូវបានអនុវត្តតាមប្រព័ន្ធអនឡាញ។ យោងតាមកថាខណ្ឌទី១០ មាត្រា ៣ នៃសារាចរនេះបានកំណត់ការបំពេញព័ត៌ មានចុះឈ្មោះយានយន្ត ត្រូវបានអនុវត្តលើច្រកទ្វារអេឡិចត្រូនិកសេវាសាធារណៈជាតិ ឬច្រកទ្វារអេឡិចត្រូនិកសេវាសាធារណៈក្រសួងនគរបាល។ ម្ចាស់យានយន្តប្រើលេខកូដ ឯកសារដែលបានប្រកាសលើច្រកទ្វារអេឡិចត្រូនិកសេវាសាធារណៈ ដើម្បីធ្វើបែបបទចុះឈ្មោះយានយន្ត។ ក្នុងករណីមិនអាចអនុវត្តបានលើច្រកទ្វារអេឡិចត្រូនិកសេវាសាធារណៈ អាស្រ័យគ្មានទិន្នន័យអេឡិចត្រូនិកឬកំហុសបច្ចេកទេស គឺម្ចាស់យានយន្តអាចមកធ្វើបែបបទដោយផ្ទាល់នៅស្ថាប័នចុះឈ្មោះយានយន្ត។

នៅមាត្រា៩ សារាចរលេខ២៤ ក៏បានលើកឡើងយ៉ាងច្បាស់ពីសេចក្តីកំណត់នៃលិខិតស្នាមចុះឈ្មោះយានយន្ត ម្ចាស់យានយន្តចូលច្រកទ្វារអេឡិចត្រូនិកសេវាសាធារណៈ និងបំពេញព័ត៌មានច្បាស់លាស់តាមខ្លឹមសារបានកំណត់ក្នុងលិខិតស្នាមចុះឈ្មោះយានយន្ត ចុះហត្ថលេខាឌីជីថល ឬចុះហត្ថលេខា សរសេរនាមត្រកូល ឈ្មោះបោះត្រា (ប្រសិនបើជាស្ថាប័ន ឬអង្គការ)។

បន្ទាប់ពីបំពេញព័ត៌មានរួចរាល់ ម្ចាស់យានយន្តទទួលបានលេខកូដឯកសារចុះឈ្មោះ យានយន្តអនឡាញ ណាត់ពេលដោះស្រាយឯកសារ អាស្រ័យច្រកទ្វារអេឡិចត្រូនិកសេវាសាធារណៈជូនដំណឹងតាមរយៈសារទូរស័ព្ទ ឬតាមរយៈអាសយដ្ឋានសារអេឡិចត្រូនិក ដើម្បីធ្វើបែបបទចុះឈ្មោះយានយន្ត ផ្តល់ជូនលេខកូដលិខិតចុះឈ្មោះយានយន្តដល់ស្ថាប័នចុះឈ្មោះយានយន្ត ដើម្បីធ្វើបែបបទចុះឈ្មោះយានយន្តតាមសេចក្តីកំណត់។ ក្នុងករណីមិនអនុវត្តបានលើច្រកទ្វារអេឡិចត្រូនិកសេវាសាធារណៈ ម្ចាស់យានយន្តអាចបំពេញព័ត៌មានលើលិខិតស្នាមចុះឈ្មោះយានយន្តដោយផ្ទាល់នៅស្ថាប័នចុះឈ្មោះយានយន្ត៕

យោង៖ Vietnamnet.vn - វិមាន

ចែករំលែកអត្ថបទ

ពាក្យគន្លឹះ