គោលនយោបាយ -ការរស់នៅ គោលនយោបាយ

26/06/2023 - 14:44

អាងយ៉ាង ឧបត្ថម្ភអភិវឌ្ឍភូមិរបរប្រពៃណី

អាស្រ័យការដោះស្រាយការងារធ្វើដល់ពលករមានប្រសិទ្ធភាព បង្កើតបានផលិតផលជាច្រើន ដែលមានតម្លៃ។ល។ នៅតាមមូលដ្ឋានមុខរបរជនបទ ភូមិរបរនិងភូមិរបរប្រពៃណី មានការរួមចំណែកដ៏សំខាន់ក្នុងកំណើនសេដ្ឋកិច្ចរួមរបស់ខេត្តអាងយ៉ាង។

បងស្រីនាងចន្ទី (អង្គុយខាងស្តាំ) ឧទ្ទេសនាមផលិតផលសំពត់ហូលប្រពៃណីឃុំវ៉ាន់យ៉ាវ ទីរួមខេត្តទិញបៀង ដល់ភ្ញៀវទេសចរ។ រូប៖ ថាញឡុង

ក្នុងចំណោមមុខរបរប្រពៃណីផ្សេងៗ របស់ជនរួមជាតិខ្មែរ ការត្បាញហូលប្រពៃណី នៅឃុំវ៉ាន់យ៉ាវ ទីរួមខេត្តទិញបៀង បង្កើតបានផលិតផលមួយគួរជាទីមោទនៈ។ ចាប់ពីពេលបានស្តារឡើងវិញនិងទទួលស្គាល់ជាភូមិរបរកាលពីឆ្នាំ ២០២២ សំពត់ហូលវ៉ាន់យ៉ាវ ជាបន្តបន្ទាប់ត្រូវបានទទួលស្គាល់ជាផលិតផលឧស្សាហកម្មជនបទគំរូនៅតំបន់ភាគខាងត្បូង និងទទួលបានរង្វាន់ជាច្រើនពីក្រសួងកសិកម្មនិងអភិវឌ្ឍន៍ជនបទ។ល។ បងស្រីនាងចន្ទី (ម្ចាស់មូលដ្ឋានតម្បាញហូល មានទ្រង់ទ្រាយធំក្នុងឃុំ) ឱ្យដឹង៖ សំពត់ហូលវ៉ាន់យ៉ាវមានវត្តមានលើទីផ្សារនានានៅក្នុងនិងក្រៅខេត្ត។ ការអភិវឌ្ឍរបស់ភូមិរបរថែមទាំងរួមចំណែករក្សានូវតម្លៃវប្បធម៌ដ៏ពិសេសរបស់ជនជាតិខ្មែរទៀតផង។

ស្រុកភូតឹង មានភូមិរបរប្រពៃណីចំនួន ៣ ការផលិតជាសំខាន់គឺដោយហត្ថកម្ម។ ក្នុងនោះ ភូមិរបរចងអំបោសឃុំភូប៊ិញ មានមាមីងប្រកបរបរនេះ ៣៥០ គ្រួសារ ផ្គត់ផ្គង់ទីផ្សារជាង ២ លានដើមក្នុងមួយខែ ប្រភពចំណូល ៧,៥៦ ពាន់លានដុង/ឆ្នាំ។ ចំណែករបរប្រពៃណីដំដែក នៅឃុំភូមី មានមាមីងប្រកបរបរនេះ ៦៦ គ្រួសារ ដោយមានពលករ ២៦៤នាក់ បរិមាណផលជាមធ្យមបានប្រមាណ ៨៥.០០០ ផលិតផល ក្នុងមួយខែទីផ្សារលក់ចេញសំខាន់តាម ខេត្តនានានៅវាលរាបទន្លេគឺវឡុងនិងភូមិភាគកណ្តាល។ រីឯរបរជាងឈើផ្សារធូវនៅឃុំឡុងដៀង A ស្រុកចើម៉ឺយ ត្រូវបានប្រសិទ្ធនាមថា “ភូមិជាងឈើលេខមួយ” ដោយមានសិប្បករជាច្រើនដែលមានបច្ចេកទេសឆ្លាក់ក្បូរក្បាច់រចនាដ៏ប្រណីត។ល។

ឆ្នាំ ២០២២ មូលដ្ឋានមុខរបរជនបទទាំងអស់លើភូមិសាស្រ្តខេត្ត រកបានប្រាក់ចំណូលសរុប ៨១០ ពាន់លានដុង (បើប្រៀបនឹងឆ្នាំ ២០២១ គឺបានតែ ៦៩០ ពាន់លានដុងប៉ុណ្ណោះ)។ ទូទាំងខេត្តមានភូមិរបរចំនួន ២៩ ដូច្នេះភូមិរបរប្រពៃណីត្រូវបានគណៈកម្មាធិការប្រជាជនខេត្ត ទទួលស្គាល់សម្រេច “លក្ខឋានភូមិរបរឧស្សាហកម្មខ្នាតតូចខេត្តអាងយ៉ាង” ក្នុងនោះ មានភូមិរបរចំនួន ១៤ និងរបរប្រពៃណីចំនួន ១៥ មានប្រជាជនចូលរួមផលិត-ធ្វើអាជីវកម្មចំនួន ៣.៧០៦ គ្រួសារ បង្កើតការងារធ្វើដល់ពលករជាង ១២.២០០ នាក់។ ផ្សារភ្ជាប់ជាមួយនឹងភូមិរបរទាំងនេះ មានពលករជាង ១០.២០០ នាក់ មានការធ្វើជាប្រចាំ។ ឆ្នាំកន្លង ប្រាក់ចំណូលរបស់ភូមិរបរទាំងនេះ សម្រេចបាន ១៦៨ ពាន់លានដុង ដំណើរការផលិតខួបប្រាំងវស្សាគ្រាន់ តែមានភូមិរបរមួយចំនួនដែលផលិតតាមរដូវកាល។

តាមប្រសាសន៍លោកត្រឹងអាញធឺ អនុប្រធានគណៈកម្មាធិការប្រជាជនខេត្តអាងយ៉ាង ទន្ទឹមនឹងទិសដៅបន្តផលិត-ធ្វើអាជីវកម្មនិងលើកកម្ពស់គុណភាពផលិតផលមុខរបរជនបទភូមិរបរ ភូមិរបរប្រពៃណី ថែមទាំងមានផែនការឆ្ពោះទៅរកទិសដៅឧបត្ថម្ភកសាងយីហោ ផ្លាកសញ្ញាផលិតផល រួមចំណែកអនុវត្តជោគជ័យកម្មវិធីកសាងជនបទថ្មី និងកម្មវិធីឃុំមួយផលិតផលមួយលើភូមិសាស្រ្តខេត្តទៀតផង៕

យោង៖ កាសែតអាងយ៉ាង - លីសៀ

ចែករំលែកអត្ថបទ

ពាក្យគន្លឹះ