សុខភាព - អប់រំ សុខភាព

31/10/2022 - 14:23

ហ៊ឹងហោយ ថែទាំសុខភាពប្រជាជនបានល្អ

ដំណាក់សុខាភិបាលឃុំហ៊ឹងហោយ ស្រុកវិញឡើយ ខេត្តបាកលីវ ត្រូវបានវិនិយោគមូលដ្ឋាន សម្ភារៈ គ្រឿងបរិក្ខារពេទ្យគ្រប់គ្រាន់ ដូច្នេះអនុវត្តល្អការងារថែទាំសុខភាពប្រជាជន។

វេជ្ជបណ្ឌិតដំណាក់សុខាភិបាលហ៊ឹងហោយ កំពុងពិនិត្យជំងឺឱ្យប្រជាជន។

ឆ្នាំ ២០១៩ ដំណាក់សុខាភិបាលឃុំហ៊ឹងហោយ ត្រូវបានវិនិយោគកសាងយ៉ាងរឹងមាំដោយមានបន្ទប់មុខងារចំនួន ១៣ បំពាក់គ្រឿងបរិក្ខារពេទ្យគ្រប់គ្រាន់។ ពិសេស មានកម្មាភិបាលពេទ្យ ៩នាក់ ក្នុងនោះ មានវេជ្ជបណ្ឌិតម្នាក់ និងកម្មាភិបាលពេទ្យឯទៀតតែងបានបណ្តុះបណ្តាលជំនាញវិជ្ជាជីវៈជាប្រចាំ ដើម្បីធានាការពិនិត្យ និងព្យាបាលជំងឺដល់ប្រជាជន។ បច្ចុប្បន្ន មធ្យមក្នុងមួយខែ ដំណាក់សុខាភិបាលពិនិត្យ និងផ្តល់ថ្នាំដល់មាមីងជិត ១.០០០ លើកនាក់។

វេជ្ជបណ្ឌិតពុងវ៉ាន់វ៉ូវ ប្រធានដំណាក់សុខាភិបាល ឱ្យដឹង៖ “ជាឃុំមួយដែលមានជនរួមជាតិខ្មែររស់នៅកុះករ ម៉្លោះហើយបុគ្គលិកតែងមានអាកប្បកិរិយាបម្រើការងារល្អអស់ពីចិត្តពីថ្លើមក្នុងការពិនិត្យ និងព្យាបាលជំងឺ។ ក្នុងការពិនិត្យជំងឺ ពេលឃើញករណីជំងឺធ្ងន់ធ្ងរ គឺដំណាក់ធ្វើលិខិតបញ្ជូនទៅថ្នាក់ខេត្តភ្លាម។ ក្រៅពីនេះ ក្នុងការពិនិត្យជំងឺ ដំណាក់តែងអាទិភាពដល់មនុស្សចាស់ កុមារ និងអ្នកឈឺធ្ងន់ ម៉្លោះហើយបង្កបានទំនុកចិត្តដល់ប្រជាជន”។ ទន្ទឹមនឹងនោះ ដំណាក់សុខាភិបាលនៅទាំងអនុវត្តល្អនូវការចាក់ថ្នាំបង្ការដល់កុមារអាយុក្រោម ១ ឆ្នាំសម្រេចជាង ៩៧%; សម្រាប់កុមារចាប់ពី ០- ៣៦ ខែផឹកវីតាមីនA សម្រេចអត្រា ៩៨,៥%; អត្រានៃការចាក់វ៉ាក់សាំងបង្ការជំងឺ COVID-១៩ គ្រប់វ័យសម្រេចតាមភាគកម្រិតដែលផ្នែកសុខាភិបាលបានកំណត់។ ក្រៅពីនេះ ដំណាក់នៅទាំងសហការជាមួយនឹងសហការី ១៦ នាក់ អនុវត្តការផ្សព្វផ្សាយបង្ការ ប្រឆាំងជំងឺដូចជា៖ គ្រុនឈាម ពងដៃ-ជើង-មាត់… រួមចំណែកកាត់បន្ថយការផ្ទុះឡើង ឆ្លងរាលដាលនៃជំងឺគ្រប់ប្រភេទ។

អ្នកមីងថាច់ធីណុល នៅភូមិសុកដូង ឱ្យដឹង៖ “ខ្ញុំទើបបានគ្រូពេទ្យពិនិត្យឃើញថាកើតជំងឺទឹកនោមផ្អែមប្រហែល ២ ខែមកនេះ ដូច្នេះរវាង ១០ ថ្ងៃគឺត្រូវទៅដំណាក់សុខាភិបាលម្តង ដើម្បីពិនិត្យកម្រិតជាតិស្ករ និងយកថ្នាំមកផ្ទះលេប។ រាល់ពេលមកពិនិត្យជំងឺ វេជ្ជបណ្ឌិតតែងណែនាំយ៉ាងហ្មត់ចត់ពីរបៀបហូបចុក និងលេបថ្នាំឱ្យបានសមស្រប។ ស្ដាប់តាមការណែនាំរបស់វេជ្ជបណ្ឌិត ក្រោយពីព្យាបាលមួយរយៈពេល កម្រិតជាតិស្ករថយចុះ ដូច្នេះខ្ញុំសប្បាយចិត្តណាស់”។ ចំណែកលោកត្រឹងថាញតុង មកពិនិត្យជំងឺ ឱ្យដឹង៖ “ជាង ២ ឆ្នាំមកនេះ ខ្ញុំទៅដំណាក់សុខាភិបាលរៀងរាល់ ១០ ថ្ងៃម្តង ដើម្បីយកថ្នាំមកលេបព្យាបាលសម្ពាធឈាមនិងទឹកនោមផ្អែម។ វេជ្ជបណ្ឌិតដំណាក់ពិនិត្យ និងពិគ្រោះយ៉ាងហ្មត់ចត់ ពិសេសតែងអាទិភាពចំពោះមនុស្សចាស់ និងណែនាំយ៉ាងយកចិត្តទុកដាក់ពីរបៀបលេបថ្នាំ សម្រាកហូបចុក និងធ្វើលំហាត់ប្រាណដោយចលនាស្រាលៗដើម្បីធានាសុខភាព។

វេជ្ជបណ្ឌិតពុងវ៉ាន់វ៉ូវ ឱ្យដឹងបន្ថែម៖ “បច្ចុប្បន្ន មាមីងជនរួមជាតិខ្មែរមានការយល់ដឹងខ្ពស់ក្នុងការបង្ការជំងឺ។ ដើម្បីឆ្លើយតបទៅនឹងតម្រូវការពិនិត្យជំងឺ គឺដំណាក់គប្បីបង្កើនក្រមសីលធម៌គ្រូពេទ្យ និងជំនាញវិជ្ជាជីវៈ មានតែដូច្នេះ ទើបកម្មាភិបាលពេទ្យបម្រើអ្នកជំងឺដោយអស់ពីចិត្តពីថ្លើម។ ទន្ទឹមនឹងនោះ ក៏សំណូមពរដល់ផ្នែកសុខាភិបាលបំពេញបន្ថែមគ្រឿងបរិក្ខារពេទ្យសម្រាប់ពិនិត្យប៉ារ៉ាគ្លីនិក ជំនួសម៉ាស៊ីនចាស់ ដើម្បីបម្រើឱ្យបានល្អការពិនិត្យ និងព្យាបាលជំងឺជូនប្រជាជនភូមិភាគ៕

យ៉ីអាញ-ទីទុយ

ចែករំលែកអត្ថបទ

ពាក្យគន្លឹះ