គោលនយោបាយ -ការរស់នៅ ច្បាប់

18/10/2022 - 09:04

គប្បីកត់ចំណាំអំពីកិច្ចសន្យាកក់ប្រាក់

ខណៈពេលកក់ប្រាក់ផ្ទេរកម្មសិទ្ធិផ្ទះ ដីធ្លី ប្រសិនបើក្តាប់មិនច្បាស់ពីសេចក្ដីកំណត់នៃច្បាប់ ភាគីទទួលប្រាក់កក់អាចនឹងយកកច្រក“អន្ទាក់” ក្នុងនោះ មានករណីខ្លះមិនអាចនឹងធ្វើកិច្ចសន្យាផ្ទេរកម្មសិទ្ធិបាន ខណៈដែលភាគីកក់ប្រាក់បដិសេធន៍ចុះកិច្ចសន្យា អនុវត្តកិច្ចសន្យា ដែលកិច្ចសន្យាកក់ប្រាក់ នោះមិនទាន់មោឃភាព។

ប្រជាជនអនុវត្តសំណុំបែបបទនីត្យានុកូលកម្មកិច្ចសន្យាកក់ប្រាក់នៅគណៈកម្មាធិការប្រជាជនសង្កាត់តឹងហ៊ឹង ខណ្ឌថូកណូក។

កក់ប្រាក់ គឺកិច្ចការដែលភាគីម្ខាង (ភាគីកក់ប្រាក់) ប្រគល់ឱ្យភាគីម្ខាងទៀត (ភាគីទទួលប្រាក់កក់) ជាចំនួនទឹកប្រាក់ឬវត្ថុមានតម្លៃផ្សេងៗ មានមាសពេជ្រជាដើម (ទ្រព្យសម្បត្តិប្រាក់កក់) តាមពេលវេលាកំណត់ ដើម្បីធានាការចុះកិច្ចសន្យា ឬអនុវត្តកិច្ចសន្យា។ ករណីដែលបដិសេធន៍ចុះកិច្ចសន្យា អនុវត្តកិច្ចសន្យា ភាគីខាងមានកាតព្វកិច្ច យោងតាមប្រការ ២ មាត្រា ៣២៨ នៃក្រមរដ្ឋប្បវេណីឆ្នាំ ២០១៥។ ឆ្លងតាមរយៈនោះ ប្រសិនបើភាគីកក់ប្រាក់បដិសេធន៍ចុះកិច្ចសន្យា អនុវត្តកិច្ចសន្យា នោះគឺទ្រព្យសម្បត្តិឬប្រាក់កក់នឹងបានទៅលើភាគីទទួលប្រាក់កក់; ប្រសិនបើភាគីទទួលប្រាក់កក់បដិសេធន៍ចុះកិច្ចសន្យា អនុវត្តកិច្ចសន្យា នោះត្រូវសងទៅឱ្យភាគីកក់ប្រាក់នូវទ្រព្យសម្បត្តិដែលបានកក់រួច និងចំនួនទឹកប្រាក់ប្រហាក់ប្រហែលទ្រព្យសម្បត្តិដែលបានកក់នោះ វៀរលែងតែមានកិច្ចព្រមព្រៀងដោយឡែកផ្សេងទៀត។

លោកមេធាវី ដោវិញក្វាង គណៈមេធាវីក្រុងកឹងធើ ឱ្យដឹង៖ “យោងតាមសេចក្ដីកំណត់ខាងលើ កាតព្វកិច្ច (កម្រិតពិន័យប្រាក់កក់) អាចនឹងមានកិច្ចព្រមព្រៀងផ្សេងទៀត (កិច្ចព្រមព្រៀងផ្សេងទៀតក្នុងទីនេះ គឺកម្រិតនៃការពិន័យលើប្រាក់កក់ដែលខ្ពស់ជាង ឬទាបជាង បើប្រៀបនឹងបទប្បញ្ញត្តិ ឬកិច្ចព្រមព្រៀងដែលមិនពិន័យលើប្រាក់កក់។ល។)។ ការកក់ប្រាក់ អាចលាយលក្ខណ៍ជាអក្សរ ឬជាពាក្យសម្តី។ ដោយឡែករូបភាពដែលលាយលក្ខណ៍ជាអក្សរ រួមមានច្រើនប្រភេទផ្សេងៗគ្នាគឺ៖ កិច្ចសន្យា កក់ប្រាក់ដែលសាការីបានបញ្ជាក់កិច្ចសន្យា កក់ប្រាក់ដែលមាននីត្យានុកូលកម្ម កិច្ចសន្យាដោយមានអ្នកធ្វើសាក្សី ឬកិច្ចសន្យាកក់ប្រាក់ ដែលគ្មានអ្នកធ្វើសាក្សី”។

បើតាមក្រុមអ្នកឯកទេសផ្នែកខាងច្បាប់ ដើម្បីចៀសវាងកុំឱ្យជួបបញ្ហាស្មុគ្រស្មាញមិនគួរកើតមាន ប្រជាជនមិនត្រូវមានកិច្ចព្រមព្រៀងបន្ថែមលើមាត្រាផ្សេងៗ ក្នុងករណីដែលភាគីកក់ប្រាក់បដិសេធន៍ចុះកិច្ចសន្យា អនុវត្តកិច្ចសន្យា ពិសេសគឺខណៈពេលដែលមិនយល់ច្បាស់ពីច្បាប់លើវិស័យនេះ; ត្រូវអានច្បាស់លាស់ខ្លឹមសារលើមាត្រាផ្សេងៗមុននឹងចុះហត្ថលេខា។ ទន្ទឹមនឹងនោះ កិច្ចសន្យាកក់ប្រាក់ត្រូវកត់ត្រាច្បាស់លាស់ពេលវេលា; ពេលផុតកំណត់នៃកិច្ចសន្យានេះ គឺសិទ្ធិកាតព្វកិច្ចរបស់ភាគីទាំងពីរ អនុវត្តតាមបទប្បញ្ញត្តិដែលមានចែងក្នុងប្រការ ២ មាត្រា ៣២៨ នៃក្រមរដ្ឋប្បវេណីឆ្នាំ ២០១៥៕

វ៉ាន់ត្រៀង-លីសៀ

ចែករំលែកអត្ថបទ

ពាក្យគន្លឹះ