ព្រឹត្តិការណ៍ - នយោបាយ ព្រឹត្តិការណ៍

22/08/2022 - 15:28

អាងយ៉ាង ថវិកាប្រមាណ ២៨៧ ពាន់លានដុង អនុវត្ត ៧ គម្រោងក្នុងកម្មវិធីកាត់បន្ថយភាពក្រីក្រប្រកបដោយចីរភាព

គណៈកម្មាធិការប្រជាជនខេត្តអាងយ៉ាង មានសេចក្ដីសម្រេចដាក់ចេញផែនការអនុវត្តកម្មវិធីទិសដៅជាតិកាត់បន្ថយភាពក្រីក្រប្រកបដោយចីរភាពនៅខេត្តអាងយ៉ាង ដំណាក់កាល ២០២១-២០២៥ (ហៅកាត់ថា កម្មវិធី)។

របររម្ងាស់ស្ករត្នោតរបស់ជនជាតិខ្មែរនៅស្រុកទ្រីតូង ខេត្តអាងយ៉ាង។

យោងតាមកម្មវិធី ខេត្តអាងយ៉ាងបានផ្សព្វផ្សាយអនុវត្តគម្រោងចំនួន ៧ ដោយសរុបទុន អប្បបរមាប្រមាណ ២៨៧ ពាន់លានដុង។ ជាក់ស្ដែង មានដូចជា៖ ឧបត្ថម្ភវិនិយោគអភិវឌ្ឍហេដ្ឋារចនាសម្ព័ន្ធសេដ្ឋកិច្ច-សង្គមស្រុកក្រីក្រ; ពិពិធកម្មមុខរបររកស៊ីចិញ្ចឹមជីវិត អភិវឌ្ឍន៍ទម្រង់កាត់បន្ថយភាពក្រីក្រ; ឧបត្ថម្ភអភិវឌ្ឍផលិតកម្ម កែលម្អអាហារូបត្ថម្ភ; អភិវឌ្ឍន៍អប់រំវិជ្ជាជីវៈ ការងារធ្វើប្រកបដោយចីរភាព; ឧបត្ថម្ភផ្ទះដល់គ្រួសារក្រីក្រ គ្រួសារប្រកៀកបន្ទាត់ក្រ លើភូមិសាស្រ្តស្រុកក្រីក្រ; សារគមនាគមន៍និងកាត់បន្ថយភាពក្រីក្រអំពីព័ត៌មាន; បង្កើនសមត្ថភាពនិងត្រួតពិនិត្យ វាយតម្លៃកម្មវិធី។

ការអនុវត្តកម្មវិធី រហូតដល់ឆ្នាំ ២០២៥ ខេត្តអាងយ៉ាងខិតខំប្រឹងប្រែង៖ អត្រាគ្រួសារក្រីក្រតាមបទដ្ឋានក្រីក្រពហុទិស កាត់បន្ថយមធ្យមភាគពី ១-១,២%/ឆ្នាំ។ អត្រាគ្រួសារជនជាតិភាគតិចក្រីក្រកាត់បន្ថយពី ៣-៤%/ឆ្នាំ។ រហូតដល់ចុងឆ្នាំ ២០២៥ ស្រុកក្រីក្រចាកផុតពីស្ថានភាពក្រីក្រ ការលំបាកខ្លាំង; អត្រាគ្រួសារក្រីក្រ នៅស្រុកក្រីក្រកាត់បន្ថយមធ្យមភាគ ២%/ឆ្នាំ។

គ្រួសារក្រីក្រ គ្រួសារប្រកៀកបន្ទាត់ក្រ គ្រួសារទើបចាកផុតពីភាពក្រីក្រ (ក្នុងរង្វង់ ៣៦ ខែ រាប់ត្រឹមពេលគ្រួសារត្រូវបានថ្នាក់មានសមត្ថកិច្ចទទួលស្គាល់ចាកផុតពីភាពក្រីក្រ) ភូមិសាស្រ្តខេត្តអាងយ៉ាង គឺមុខសញ្ញាចម្បងក្នុងការអនុវត្តកម្មវិធី។ ក្រៅពីនោះ ខេត្តអាងយ៉ាង អាទិភាពឧបត្ថម្ភគ្រួសារក្រីក្រជនជាតិភាគតិច គ្រួសារក្រីក្រដែលមានសមាជិកមានសគុណចំពោះបដិវត្តន៍; កុមារ ជនពិការ ស្រ្តីស្ថិតក្នុងក្របខ័ណ្ឌគ្រួសារក្រីក្រ គ្រួសារប្រកៀកបន្ទាត់ក្រ គ្រួសារទើបចាកផុតពីភាពក្រីក្រ; ស្រុកក្រីក្រ។ល។ ៕

ថាញ់ឡុង - ថាច់ធី

ចែករំលែកអត្ថបទ

ពាក្យគន្លឹះ