ព្រឹត្តិការណ៍ - នយោបាយ ព្រឹត្តិការណ៍

28/12/2020 - 08:58

វិធានការមូលដ្ឋាននិងចាំបាច់ ស្ដីពីការថែទាំសុខភាពជនជាតិភាគតិចនៅប្រទេសយើងនាបច្ចុប្បន្ន

នៅទីស្តីការគណៈកម្មាធិការជនជាតិ ការិយាល័យកម្មវិធីវិទ្យាសាស្រ្តនិងបច្ចេកវិទ្យាថ្នាក់ជាតិ ដំណាក់កាល ២០១៦-២០២០ (CTDT/ ១៦-២០) ទើបចាត់តាំងកិច្ចប្រជុំក្រុមប្រឹក្សា ពិគ្រោះយោបល់ វាយតម្លៃ ពិនិត្យទទួលនូវប្រធានបទថ្នាក់ជាតិ “វិធានការមូលដ្ឋាននិងចាំបាច់ ស្ដីពីការថែទាំសុខភាពជនជាតិភាគតិចប្រទេសយើងនាបច្ចុប្បន្ន” (ប្រធានបទ) ។ សាស្រ្តាចារ្យ បណ្ឌិតឡេក្វាងកឿង អនុប្រធានក្រុមប្រឹក្សាវេជ្ជសាស្រ្តជាតិ អតីតអនុរដ្ឋមន្ត្រី ក្រសួងសុខាភិបាលជាប្រធានក្រុមប្រឹក្សា។

ទិដ្ឋភាពនៃកិច្ចប្រជុំ។

ប្រធានបទមានលេខកូដ CTDT.៤៦.៤៨/១៦-២០ អាស្រ័យសាស្រ្តាចារ្យរង បណ្ឌិតហ្វាងវ៉ាន់មិញ ជាប្រធានក្រុមប្រឹក្សាមហាវិទ្យាល័យសុខាភិបាលសហគមន៍ ចាត់តាំង ដឹកនាំផ្សព្វផ្សាយអនុវត្ត។ ការផ្សព្វផ្សាយអនុវត្តភារកិច្ចសិក្សាស្រាវជ្រាវ ប្រធានបទបានកសាងក្របខណ្ឌទ្រឹស្តីសម្រាប់ការសិក្សាស្រាវជ្រាវខាងសុខភាព និងការថែទាំសុខភាពជូនជនជាតិភាគតិច។ ក្នុងនោះ ប្រមូលផ្តុំការសិក្សាស្រាវជ្រាវទៅលើសន្ទស្សន៍ ដូចជា៖ គ្រប់គ្រងប្រព័ន្ធសុខាភិបាល អភិវឌ្ឍប្រភពធនធានមនុស្សផ្នែកសុខាភិបាល ធានាប្រភពហិរញ្ញវត្ថុសុខាភិបាល ធានាហេដ្ឋារចនាសម្ព័ន្ធ ឧបករណ៍ពេទ្យ ឱសថ អភិវឌ្ឍប្រព័ន្ធព័ត៌មាន សុខាភិបាល និងភាគកម្រិតមួយចំនួន ដូចជា៖ ជនជាតិ អាយុភេទ កម្រិតវប្បធម៌ វិជ្ជាជីវៈ សាសនា ប្រាក់ចំណូល។ កត្តាជះឥទ្ធិពល មានដូច៖ ចំណេះដឹង អាកប្បកិរិយា ការប្រព្រឹត្ត ទម្លាប់ និងផ្នត់រស់នៅទាក់ទងដល់សុខភាព។ល។ ប្រធានបទបានផ្សព្វផ្សាយអនុវត្តដោយត្រួតពិនិត្យនៅតាមខេត្តចំនួន ១២ ដែលមានជនជាតិភាគតិចរស់នៅកុះករ ដោយមានជនជាតិភាគតិចចូលរួមសិក្សាស្រាវជ្រាវសរុបប្រមាណ ៧.១៦០ នាក់។ ប្រធានបទបានធ្វើបទសម្ភាសន៍ស៊ីជម្រៅចំនួន ១២០ លើក និងធ្វើការពិភាក្សាជាក្រុមបាន ៥២ លើក។ ផ្តើមពីលទ្ធផលសិក្សាស្រាវជ្រាវ វិភាគ ពិនិត្យ ប្រធានបទបានដាក់ចេញនូវសំណើនិងវិធានការ រួមមាន៖ ពង្រឹងនិងអភិវឌ្ឍប្រព័ន្ធសុខាភិបាលមូលដ្ឋានលើគ្រប់វិស័យព្រមៗគ្នា អភិវឌ្ឍប្រភពធនធានមនុស្សផ្នែកសុខាភិបាល បង្កើនហេដ្ឋារចនាសម្ព័ន្ធ ឧបករណ៍ពេទ្យ និងឱសថ ពង្រឹងពង្រីកប្រព័ន្ធព័ត៌មាននិងលើកកម្ពស់ចំណេះដឹង អាកប្បកិរិយា និងការប្រព្រឹត្តដែលទាក់ទងដល់សុខភាពជាដើម។

រួមយោបល់ដើម្បីធ្វើឱ្យសុក្រឹតប្រធានបទ សមាជិកនៃក្រុមប្រឹក្សាបានដាក់សំណើ គប្បីធ្វើការវិភាគឱ្យកាន់តែស៊ីជម្រៅអំពីកិច្ចសហការអន្តរផ្នែកក្នុងការថែទាំសុខភាព ។ ប្រធានបទគប្បីមានការវិភាគវែកញែក ធ្វើការប្រៀបធៀបជាក់ស្តែងជាមួយនឹងតួលេខនៃលទ្ធផលពិនិត្យស្ថានភាពជាក់ស្តែងនៃសេដ្ឋកិច្ច-សង្គមរបស់ជនជាតិភាគតិចទាំង ៥៣ ជនជាតិ ឆ្នាំ ២០១៩ បង្ហាញច្បាស់នូវកត្តាសំខាន់ៗ ដើម្បីផ្តើមពីនោះ ដាក់សំណើនូវវិធានការចាំបាច់ សមស្របបំពេញបន្ថែមនូវសំណើជាក់ស្តែង ក្នុងការផ្សព្វផ្សាយអនុគម្រោងចំណុះកម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនជាតិភាគតិចនិងតំបន់ភ្នំ។

បិទកិច្ចប្រជុំ សមាជិកនៃក្រុមប្រឹក្សាទាំងឡាយ បានឯកភាពវាយតម្លៃប្រធានបទ ពិនិត្យទទួលដោយសម្រេចកម្រិត”ឆ្នើម”៕

យោង៖ កាសែតជនជាតិនិងអភិវឌ្ឍន៍- ប្រែសម្រួល៖ វិមាន

ចែករំលែកអត្ថបទ

ពាក្យគន្លឹះ