សុខភាព - អប់រំ សុខភាព

17/08/2020 - 16:46

ដំណាក់សុខាភិបាលឌិញអាង

វេជ្ជបណ្ឌិតលឿងវ៉ាន់ហាញ់ ប្រធានដំណាក់សុខាភិបាលឃុំឌិញអាង ស្រុកហ្គវ៉ាវ ខេត្តគៀងយ៉ាង ឱ្យដឹង៖ ក្រៅពីផ្ដោតអារម្មណ៍ពិនិត្យព្យាបាល និងផ្សព្វផ្សាយបង្ការប្រឆាំងរោគរាលដាល កម្មាភិបាលដំណាក់សុខាភិបាល ខិតខំសិក្សាស្រាវជ្រាវបង្កើនចំណេះដឹងដោយឥតឈប់ឈរ ដើម្បីបម្រើប្រជាជនឱ្យកាន់តែល្អប្រសើរជាងទៀត។

ឆ្លៀតពេលទំនេរ បងយ័ញធ្វី (កម្មាភិបាលដំណាក់សុខាភិបាលឌិញអាង) ថែទាំចម្ការថ្នាំស្រុកក្នុងដំណាក់សុខាភិបាល។

តាមប្រសាសន៍វេជ្ជបណ្ឌិតហាញ់ ក្នុងដំណាក់កាលកសាងឃុំឌិញអាងសម្រេចបទដ្ឋានជនបទថ្មី ឃើញថាមូលដ្ឋានសម្ភារៈនិងគ្រឿងបរិក្ខារពេទ្យរបស់ដំណាក់សុខាភិបាលត្រូវបានវិនិយោគជាបន្តបន្ទាប់។ ទន្ទឹមនឹងការវិនិយោគ មូលដ្ឋានសម្ភារៈ កងជួរកម្មាភិបាលពេទ្យរបស់ដំណាក់សុខាភិបាល ក៏បានរៀនសូត្របង្កើនចំណេះដឹងផងដែរ។ មកទល់ពេលនេះ ដំណាក់សុខាភិបាលមានកម្មាភិបាលទទួលបន្ទុករាល់ផ្នែកជំនាញ ដូច៖ ផ្នែកសម្ភព វេជ្ជសាស្រ្តជនជាតិ ផ្នែកឱសថ និងបុគ្គលិកបច្ចេកទេសឆ្លុះអេកូ។ល។ ខណៈពេលមានសម្ភារៈពេទ្យគ្រប់សព្វ កងជួរកម្មាភិបាលក៏ឆ្លើយតបទៅនឹងតម្រូវការពិនិត្យព្យាបាលប្រជាជន ក៏មានទំនុកចិត្តជាងនិងមកពិនិត្យព្យាបាលកាន់តែច្រើនឡើងៗ។ បងស្រីធីផឹង នៅភូមិ ៣ ឃុំឌិញអាង ឱ្យដឹង៖ “ម្តាយនាងខ្ញុំវ័យចាស់ ហូបចុកមិនសូវបាន សុខភាពចុះខ្សោយ។ ខណៈពេលទៅពិនិត្យជំងឺនៅដំណាក់សុខាភិបាល វេជ្ជបណ្ឌិត លឿងវ៉ាន់ហាញ់ ពន្យល់ប្រាប់ច្បាស់លាស់អំពីជំងឺរបស់ម្តាយនាងខ្ញុំ ម្ល៉ោះហើយគ្រួសារសម្រេចចិត្តឱ្យម្តាយស្នាក់នៅព្យាបាលក្នុងដំណាក់សុខាភិបាល មិនបាច់បញ្ជូនទៅមន្ទីរពេទ្យថ្នាក់លើ។ល។ បន្ទប់អ្នកជំងឺស្អាតបាត ស្រឡះស្រឡំ អ្នកជំងឺស្រាលមិនបាច់បញ្ជូនទៅមន្ទីរពេទ្យខេត្ត នាំឱ្យបង់ខាត”។

វេជ្ជបណ្ឌិតលឿងវ៉ាន់ហាញ់ ឱ្យដឹងបន្ថែម៖ “ឌិញអាងគឺជាឃុំមួយក្នុងចំណោមឃុំមានជនរួមជាតិខ្មែររស់នៅកុះកររបស់ស្រុកហ្គវ៉ាវ ម្ល៉ោះហើយ ក្រៅពី ១/៣ ចំនួនកម្មាភិបាលជាជនជាតិខ្មែរ ដំណាក់សុខាភិបាលក៏បានកសាងកងជួរសហការីជាជនជាតិខ្មែរនៅតាមភូមិដែលមានជនរួមជាតិខ្មែររស់នៅកុះករផងដែរ”។ កងជួរសហការីទាំងនេះ យល់ពីទំនៀមទម្លាប់និងចេះភាសាជនជាតិ ដូច្នេះការងារផ្សព្វផ្សាយ បង្ការប្រឆាំងរោគរាលដាលមានប្រសិទ្ធភាពជាង។ បងស្រីធីសូយ នៅភូមិ ៤ ឃុំឌិញអាង ឱ្យដឹង៖ “កាលពីមុន នាងខ្ញុំផឹកតែទឹកភ្លៀង ប៉ុន្តែពេលបានស្តាប់កម្មាភិបាលពន្យល់ប្រាប់ថា មិនគួរដងទឹកភ្លៀងក្នុងពាងផឹកភ្លាមដូច្នេះទេ ទើបសព្វថ្ងៃ នាងខ្ញុំដាំឱ្យពុះស្រួលបួលទើបផឹក”៕

ហាថាញ់-លីសៀ

ចែករំលែកអត្ថបទ

ពាក្យគន្លឹះ