មហាសាមគ្គីជនជាតិ គំរូក្នុងសហគមន៍

06/04/2020 - 14:30

“អនុប្រធានភូមិ សារ៉ួ”

បងប្អូននារីនៅភូមិព្រែកនិស្ស័យ ឃុំតឹងមី ស្រុកត្រាអូង ខេត្តវិញឡុង តែងហៅបងស្រីថាច់ធីសារ៉ួ ថា “អនុប្រធានភូមិសារ៉ួ ” ពីព្រោះគាត់តែងជិតដិតនិងខ្នះខ្នែងសកម្មភាពនៅភូមិដោយអស់ពីចិត្តពីថ្លើម។

បងស្រីសារ៉ួ មកសួរសុខទុក្ខគ្រួសារលំបាកនៅក្នុងភូមិ។

បងង៉ោវិញត្វឹង អនុប្រធានគណៈកម្មាធិការប្រជាជនឃុំតឹងមី បញ្ជាក់ឱ្យដឹង៖ “ បងស្រីថាច់ធីសារ៉ួ តែងអស់ពីចិត្តពីថ្លើមនឹងកិច្ចការរបស់ភូមិ មិនត្អូញត្អែរឡើយ។ គាត់តែងអស់ពីចិត្តជាមួយនឹងមាមីងផង និងជាគំរូឈានឡើងផ្តើមពីភាពលំបាកលំបិនផង ម្ល៉ោះហើយចលនាគ្រួសារក្រីក្រ រួមគ្នាឆ្លងកាត់លំបាកប្រកបដោយប្រសិទ្ធភាព”។

ដោយសារគ្រួសារក្រីក្រ ម្ល៉ោះហើយបងស្រីសារ៉ួ បានឈប់រៀនពាក់កណ្តាលការ ដើម្បីទៅធ្វើការឈ្នួលជួយផ្គត់ផ្គង់ជីវភាពគ្រួសារ។ ពេលធំដឹងក្តីបន្តិច ក៏តាមមិត្តភ័ក្តិទៅធ្វើកម្មករនៅខេត្តប៊ិញយឿង។ ប្រិតសំចៃដើមទុនបានមួយចំនួន គាត់វិលមកជួសជុលផ្ទះឱ្យឪពុកម្ដាយ រួចទៅធ្វើការឈ្នួលបន្តរហូតដល់ពេលរៀបការជាមួយនឹងគូសង្សារដែលនៅភូមិជាមួយគ្នា។ បងស្រីសារ៉ួ ឱ្យដឹង៖ “ ប្តីខ្ញុំក៏ជាកម្មករ ពេលបុណ្យចូលឆ្នាំវៀតណាមវិលមកផ្ទះនៅសល់ ប្រាក់ទិញអំណោយជូនម្ដាយឪពុកបាន២ចំណែក និងទិញមាសបាន១ ជីប៉ុណ្ណោះ។ ក្រោយពីមួយឆ្នាំទៅធ្វើការឆ្ងាយ ធ្វើឱ្យខ្ញុំមានការត្រិះរិះច្រើន។ ពីព្រោះអនាគតនៅមានកូនទៀត តើត្រូវគិតគូរឱ្យពួកវាយ៉ាងម៉េចទៅ?។ ឃើញគេហៅលក់ដីនៅមុខវត្តតាធាយ ខ្ញុំពឹងម្ដាយឪពុកសួររកទិញបានដោយតម្លៃថោក រួចសម្រេចចិត្តវិលមកស្រុកសាងអាជីពវិញ ” ។

ផ្ទះបងស្រី សារ៉ួ បានឧបត្ថម្ភពីកម្មវិធី ១៦៧ របស់រដ្ឋាភិបាល បានគាត់ជួសជុលឡើងវិញយ៉ាងសមរម្យ។

ដីដែលបងស្រីទិញនោះ គឺជាអណ្ដូងរាក់មួយ ហេតុនោះពីរនាក់ប្តីប្រពន្ធក៏ដើរសូមដីគេ រួចអូសមកចាក់លុប។ មានដីធារផ្ទះ ពីរនាក់ប្ដីប្រពន្ធក៏ទៅសុំឈើនិងស្លឹកចាស់ៗ ដែលគេរុះរើផ្ទះចេញសង់ផ្ទះថ្មី រួចយកមកសង់ផ្ទះស្នាក់នៅបណ្ដោះអាសន្ន។ ក្ដីលំបាកនៅតែមិនលើកលែងឱ្យបី្តប្រពន្ធវ័យក្មេងនេះ។ ខ្យល់កំបុតត្បូងបានកួចបើុងដំបូលផ្ទះរបស់គាត់ទៅ។ បងស្រីសារ៉ួ រៀបរាប់ឱ្យដឹង៖ “ ខណៈពេលគ្រួសារខ្ញុំបិទបាំងផ្ទាំងកៅស៊ូស្នាក់នៅបណ្ដោះអាសន្ត ស្រាប់តែបានទទួលដំណឹងថា រដ្ឋយល់ព្រមពិនិត្យឧបត្ថម្ភ គ្រួសារខ្ញុំផ្ទះមួយខ្នងតាមកម្មវិធី ១៦៧ ។ ខ្ញុំមិនមែន យំដោយសារដំបូលផ្ទះបើុងទេ តែខ្ញុំយំដោយសារត្រេកអរពេកពេលបានរដ្ឋឧបត្ថម្ភសង់ផ្ទះឱ្យ ” ។

ផ្តើមពីផ្ទះដែលរដ្ឋឧបត្ថម្ភ បងស្រីសារ៉ួ បានបើកហាងលក់ភេសជ្ជៈ លក់គ្រឿងទេស ចំណែកប្ដីគាត់ទៅធ្វើការឈ្នួល។ អាស្រ័យខ្នះខ្នែងពលកម្ម ម្ល៉ោះហើយប្ដីប្រពន្ធគាត់រកស៊ីមានបាន ជួសជុលផ្ទះឡើងវិញយ៉ាងសមរម្យ ។ មិនយូរប៉ុន្មាន គ្រួសារគាត់ក៏បានចាកផុតពីភាពក្រីក្រ។

បងស្រីសារ៉ួ ប្រិតសំចៃទិញដីបានជិត១០កុង។ ទន្ទឹមនឹងនោះ ចិញ្ចឹមគោបាន៤ក្បាល។ ពេលគ្រួសារមានសេដ្ឋកិច្ចលំនឹង គាត់ចូលរួមសកម្មភាពនៅភូមិ។ បងស្រី ឱ្យដឹង៖ “ ខ្ញុំដើរធ្វើដូច្នេះ ដោយសង្ឃឹមថា អាចជួយដល់មនុស្សជាច្រើនប្រើប្រាស់ការឧបត្ថម្ភរបស់រដ្ឋមានប្រសិទ្ធភាព ដើម្បីចាកភាពផុតក្រីក្រ”។ រួចបងស្រីបានអួតប្រាប់ថា នៅភូមិព្រែកនិស្ស័យ មានគ្រួសារវ័យក្មេងចំនួន២ គឺគ្រួសារថាច់កឹងនិងវីរ៉ា បានចាកផុតពីភាពក្រីក្រ៕

ហាថាញ់-វិមាន

ចែករំលែកអត្ថបទ

ពាក្យគន្លឹះ