មហាសាមគ្គីជនជាតិ គំរូក្នុងសហគមន៍

06/11/2018 - 09:23

គំរូព្រះតេជគុណថាច់សល់

ផ្ដើមពីសាលាឆទានកសាងដោយឫស្សីប្រក់ស្លឹករាប់រយឆ្នាំ នៅភូមិអូរតាពៅ ឃុំដាឡុក ស្រុកចូវថាញ់ ខេត្តត្រាវិញ ឆ្នាំ២០១៤ សាលាឆទាននេះបានរដ្ឋអនុញ្ញាតកសាងវត្តសុវណ្ណនទីសិរីឧត្តម (អូរតាពៅ)។ ក្ដីរីករាយដូចបានទ្វេឡើង ព្រោះមាស្ពានផ្លូវក្រាលបេតុងបានរួចរាល់ បង្កលក្ខណសម្បត្តិជូនប្រជាជនធ្វើដំណើរទៅមកបានងាយស្រួលជាង។ល។ ទាំងអស់ហ្នឹង ភាគច្រើនគឺដោយស្នាព្រះហស្ថរបស់ព្រះតេជគុណថាច់សល់។

ព្រះតេជគុណតបោធរោ ថាច់សល់ជាមួយនឹងព្រះធម្មាចារ្យនិងគណៈកម្មការវត្តសុវណ្ណនទីសិរីឧត្តម (អូរតាពៅ) ។

ព្រះតេជគុណតបោធរោ ថាច់សល់ (កើតឆ្នាំ១៩៧៦)កើតនិងធំដឹងក្ដីក្នុងគ្រួសារកសិករមានបងប្អូន៦នាក់ នៅភូមិសំរោង សង្កាត់ទី៨ ក្រុងត្រាវិញ។ ពេលអាយុ១៧ឆ្នាំ យុវជនថាច់សល់ ក៏ដូចជាយុវជនខ្មែរឯទៀតដែរ បានម្ដាយឪពុកនាំចូលវត្តអង្គររាជបូរី (អង្គ) បួសរៀនធម៌វិន័យ អក្សរសាស្រ្តជាតិ។ ឆ្នាំ១៩៩៩ ព្រះតេជគុណប្រឡងបញ្ចប់ថ្នាក់មធ្យមសិក្សាទុតិយភូមិ។ ឆ្នាំ២០០៥ ព្រះអង្គក៏បានប្រឡងបញ្ចប់មហាវិទ្យាល័យច្បាប់។ ក្រោយមកធ្វើលេខាធិការនៅការិយាល័យ ព្រះសង្ឃសាមគ្គីស្នេហាជាតិខេត្ត ត្រាវិញ។ល។

ឆ្នាំ២០១៤ ព្រះតេជគុណតបោធរោ ថាច់សល់ បានពុទ្ធបរិស័ទនិមន្តមកគង់នៅសាលាឆទាននៅភូមិអូរតាពៅ។ ព្រះអង្គមានថេរដីកា៖ កាលនោះ នៅភូមិអូរតាពៅប្រជាជនធ្វើដំណើរទៅមកដោយទូកឬថ្មើរជើង ម៉្លោះហើយ ជីវភាពនៅជួបការលំបាកច្រើន។ ពិតមែនតែភូមិសាស្រ្តដែលមានជនរួមជាតិខ្មែររស់នៅច្រើនកុះករ ប៉ុន្តែមានតែសាលាឆទាន មួយខ្នងដែលកសាងជាងរយឆ្នាំតែប៉ុណ្ណោះ។ នៅក្នុងរយៈកាលនេះ ដោយបានការយកចិត្តទុកដាក់របស់បក្ស រដ្ឋ អនុញ្ញាតបង្កើនកម្រិត កសាងសាលាឆទានទៅជាវត្តសុវណ្ណនទីសិរីឧត្តម (អូរតាពៅ)។ ព្រះតេជគុណ តបោធរោថាច់សល់ដោយបានពុទ្ធបរិស័ទជំនឿទុកចិត្តតែងតាំងធ្វើជាព្រះចៅអធិការរហូតមកទល់បច្ចុប្បន្ន។

ក្នុងនាទីជាព្រះចៅអធិការ ព្រះតេជគុណតបោធរោ ថាច់សល់ មិនខ្លាចនឿយលំបាក ហើយសកម្មចលនាមាមីងពុទ្ធបរិស័ទ សប្បុរសជនក្នុងនិងក្រៅខេត្ត ចូលរួមវិភាគទាន ដើម្បីកសាងវត្តអារាម។ បច្ចុប្បន្ន វត្តសុវណ្ណនទីសិរីឧត្តម (អូរតាពៅ) មានភាពសមរម្យ ប្រកបដោយលក្ខណៈ ស្ថាបត្យកម្មដ៏ប្រណីតរបស់ខ្មែរណាមបូ រួមមាន៖ ព្រះវិហារសាលាឆទាន សាលារៀន។ល។ បង្កលក្ខណៈងាយស្រួលសម្រាប់មាមីងពុទ្ធបរិស័ទធ្វើបុណ្យសុន្ទទាន។

មិនត្រឹមតែកសាងវត្តអារាមប៉ុណ្ណោះទេ យោងប្រសាសន៍លោកថាច់ហ្វាង ប្រធានគណៈកម្មការវត្តសុវណ្ណនទីសិរីឧត្តម (អូរតាពៅ) ចាប់តាំងពីឆ្នាំ២០១៤មកទល់បច្ចុប្បន្ន ព្រះតេជគុណព្រះចៅអធិការ ថាច់សល់ នៅទាំងចលនាសប្បុរសជន មាមីងពុទ្ធបរិស័ទក្នុងនិងក្រៅខេត្ត កសាងស្ពាន បេតុងចំនួន១៤ខ្សែ ផ្លូវបេតុងជនបទរាប់រយម៉ែត្រ ជូនផ្ទះមេត្តាធម៌៣ខ្នងដល់គ្រួសារក្រីក្រ។ល។ សរុបទឹកប្រាក់ជាង១ពាន់លានដុង។ មិនតែ ប៉ុណ្ណោះ ព្រះតេជគុណថាច់សល់ នៅទាំងឧបត្ថម្ភអង្ករ ប្រាក់ សៀវភៅ សរសេរជូនអ្នកក្រីក្រ មនុស្សចាស់និងប្អូនៗសិស្សានុសិស្ស និស្សិត សាលាជនជាតិអន្តេវាសិកនិងសា លាមធ្យមសិក្សាបាលី-ខ្មែរត្រាវិញ រាប់រយលានដុង។ “ព្រះតេជគុណ ថាច់សល់តែងបង្កភាពសាមគ្គី ជួយគ្នាទៅវិញទៅមកក្នុងជនរួមជាតិខ្មែរ” លោកថាច់ហ្វាង ឱ្យដឹងដូច្នេះ។

យោងថេរដីកាព្រះធម្មាចារ្យសឺនហ្វី គង់នៅវត្តសុវណ្ណនទីសិរីឧត្តម (អូរតាពៅ) ព្រះតេជគុណ តបោធរោថាច់សល់ តែងយកព្រះទ័យទុកដាក់ បង្កលក្ខណសម្បត្តិជូនព្រះសង្ឃក្នុងវត្តសិក្សា ធម៌វិន័យ និងអក្សរសាស្រ្តជាតិដើម្បីបង្កើនចំណេះដឹង។ បច្ចុប្បន្នក្នុងវត្តមានព្រះសង្ឃ២អង្គកំពុងរៀនមហាវិទ្យាល័យនិងអនុបណ្ឌិតនៅសា កលវិទ្យាល័យត្រាវិញ។ មិនត្រឹមតែប៉ុណ្ណោះ ជារៀងរាល់ឆ្នាំ វត្តសុវណ្ណនទីសិរីឧត្តម (អូរតាពៅ) តែងបើកសាលាបង្រៀនអក្សរខ្មែរជូនកូនចៅពុទ្ធបរិស័ទនៅរដូវវិស្សមកាល រួមចំណែកក្នុងការអភិរក្សអក្សរសាស្រ្តភាសា វប្បធម៌របស់ជនរួមជាតិខ្មែរ។ ក្នុងឱកាសបុណ្យទានម្ដងៗ ព្រះតេជ គុណតបោធរោថាច់សល់ ទេសនាពន្យល់ណែនាំមាមីងពុទ្ធបរិស័ទឲ្យរស់នៅប្រកបដោយសីលធម៌និងអនុវត្តល្អគោលនយោបាយ ច្បាប់របស់បក្សនិងរដ្ឋ៕

អត្ថបទ៖ ទីទុយ

ចែករំលែកអត្ថបទ

ពាក្យគន្លឹះ