គោលនយោបាយ -ការរស់នៅ គោលនយោបាយ

19/06/2018 - 09:29

ភាពពុះពោរនៃវិស្សមកាលស្ម័គ្រចិត្ត

ជាមួយនឹងគោលលំនាំ “ជាក់ស្តែង ប្រសិទ្ធភាព សុវត្ថិភាព” យុទ្ធនាការយុវជនស្ម័គ្រចិត្តរដូវវិស្សមកាល យុវវ័យក្រុងកឹងធើ អនុវត្តនូវគម្រោងសំខាន់ៗនិងការងាររបស់យុវជនប្រកបដោយភាពពុះពោរ។ នៅតាមមូលដ្ឋានសម្ព័ន្ធយុវជន សមាគមនិស្សិតបានផ្តុំកម្លាំងជួយភូមិភាគក្នុងការកសាងជនបទថ្មី ផ្សព្វផ្សាយអំពីផ្នត់រស់នៅអារ្យធម៌ ព្រមទាំងចាត់ចែងនូវសកម្មភាពជាច្រើន ដើម្បីសុខុមាលភាពសង្គម។

និស្សិតសកលវិទ្យាល័យកឹងធើ ធ្វើឡជីវឧស្ម័នចំនួន២ ជូនប្រជាជននៅឃុំថាញ់ម៉ី ស្រុកវិញថាញ់។

នៅឃុំថាញ់ម៉ី ស្រុកវិញថាញ់ យុវវ័យក្រុង បានបើកយុទ្ធនាការដាំដើមឈើ៧០០ដើម ធ្វើឡជីវឧស្ម័ន២កន្លែង ព្រមទាំងជូនអំណោយជាច្រើនចំណែកដល់គ្រួសារក្រីក្រនិងសិស្សដែលមានស្ថានភាពលំបាក។ តាំងពីព្រលឹម និស្សិតនៃសកលវិទ្យាល័យកឹងធើ ប្រមាណ៣០រូប បានជួបជុំគ្នានៅផ្ទះអ្នកមីងផាមធីកុកនៅភូមិឡុងថាញ់ ឃុំថាញ់ម៉ី។ បែងចែកភារកិច្ចជាក់ស្តែង ខ្លះរៀបចំលីសែងទព្វសម្ភារៈខ្លះទៀតជីកដីធ្វើឡជីវឧស្ម័នឲ្យគ្រួសារអ្នកមីងកុក។ មីងកុក ចែករំលែក៖ “គ្រួសារខ្ញុំចិញ្ចឹមជ្រូកមេនិងជ្រូកសាច់ជាង១០ឆ្នាំកន្លងហើយ ដោយទ្រង់ទ្រាយចិញ្ចឹមពី៤០ដល់៥០ក្បាល។ គ្រួសារខ្ញុំឆ្លៀតយកលាមកជ្រូកដើម្បីចិញ្ចឹមត្រី។ ឥឡូវបានក្មួយៗនិស្សិតមកជួយធ្វើឡជីវឧស្ម័ន ខ្ញុំសប្បាយរីករាយណាស់ ពីព្រោះការពារបានទាំងបរិស្ថាននិងមានឧស្ម័នដុតក្នុងការដណ្តាំស្ល ប្រិតសំចៃក្នុងការចាយវាយ”។ តាមការឲ្យដឹងរបស់មិត្តឡេហ្វាងមួងនិស្សិតផ្នែកវិទ្យាសាស្រ្តបរិស្ថាន (សកលវិទ្យាល័យកឹងធើ) នៅឃុំថាញ់ម៉ី និស្សិតស្ម័គ្រចិត្តបានធ្វើឡជីវឧស្ម័នចំនួន២ជូនប្រជាជន។ រដូវវិស្សមកាល មួងតែងចូលរួមនឹងក្រុមយុវជនស្ម័គ្រចិត្តធ្វើឡជីវឧស្ម័ន ឡនីមួយៗតម្លៃពី២-១០លានដុង។ ទន្ទឹមនឹងនោះ ខ្ញុំនៅទាំងចូលរួមសកម្មភាពការពារបរិស្ថាន បរិច្ចាគឈាម មនុស្សធម៌ចែកចាយប័ណ្ណផ្សព្វផ្សាយពីសុវត្ថិភាពចរាចរ ជួសជុលផ្លូវគមនាគមន៍ជនបទ...។

តាមប្រសាសន៍បងហាមិញថុង អនុប្រធានសមាគមនិស្សិតនៃសកលវិទ្យាល័យណាមកឹងធើ៖ ទន្ទឹមនឹងសកម្មភាពជំនួយកម្លាំងរដូវប្រឡង សម្ព័ន្ធយុវជនសមាគមនិស្សិតនៃសកលវិទ្យាល័យណាមកឹងធើ នៅទាំងរៀបចំយុទ្ធនាការ “រដូវវិស្សមកាលបៃតង”ដោយមានសកម្មភាពជាក់ស្តែងជាច្រើន មានដូច៖ លាបពណ៌សាលារៀន ផ្គុំដំឡើងភ្លើង កង្ហារជួសជុលបន្ទប់អនាម័យនៅតាមសាលាដែលមានភាពលំបាក ចាត់ចែងដាំដើមឈើ កាប់ឆ្ការព្រៃគុម្ពោត ជួយភូមិភាគ បង្កើនកម្រិតហេដ្ឋារចនាសម្ព័ន្ធជនបទ...។

យុទ្ធនាការយុវជនស្ម័គ្រចិត្តរដូវវិស្សមកាលឆ្នាំ២០១៨ ប្រព្រឹត្តទៅចាប់ពីថ្ងៃទី១ ខែមិថុនាដល់ចុងខែសីហា ដោយមានកម្មវិធីចំនួន១និងយុទ្ធនាការចំនួន៤ រួមមាន៖ កម្មវិធី “ជំនួយកម្លាំងរដូវប្រឡង” សម្រាប់និស្សិត យុវជនលើភូមិសាស្រ្តនានា យុទ្ធនាការ“ផ្កាក្ងោកក្រហម” សម្រាប់សិស្ស និងកម្មាភិបាល គ្រូបង្រៀនវ័យក្មេង យុទ្ធនាការ“រដូវវិស្សមកាលបៃតង” សម្រាប់និស្សិត សាស្រ្តចារ្យវ័យក្មេង យុទ្ធនាការ“រដូវសម្រាកស៊ីជំពូ”សម្រាប់បុគ្គលិក អ្នករដ្ឋការ យុទ្ធនាការ “ចេញប្រតិបត្តិការបៃតង” សម្រាប់យុវជនប្លុកកងកម្លាំងប្រដាប់អាវុធ៕

ក្វឹកថាយ-មុនី

ចែករំលែកអត្ថបទ

ពាក្យគន្លឹះ