គោលនយោបាយ -ការរស់នៅ គោលនយោបាយ

23/04/2018 - 20:33

ផ្ដើមអាជីពដោយខ្លួនឯង

បងស្រីថាច់ធីហាំង គឺយុវនារីគំរូលេចធ្លោម្នាក់ក្នុងចលនាយុវជន – យុវនារីផ្ដើមអាជីវពដោយខ្លួនឯងរបស់ភូមិឡុងថាញ់ ឃុំតឹងឡុង ទីរួមខេត្តង៉ាណាម ខេត្តសុកត្រាំង។

ការជួបជុំសមាជិកក្នុងគ្រួសាររបស់បងថាច់ធីហាំង។

រៀបមង្គលការនៅឆ្នាំ២០០៦ បងស្រីថាច់ធីហាំងផ្ដើមពីបាតដៃទទេ។ ឪពុកម្តាយទាំងសងខាងសុទ្ធតែក្រ គ្មានដីស្រែ ម្ល៉ោះហើយពីរនាក់ប្តីប្រពន្ធបងស្រីរស់នៅពឹងផ្អែកនៅលើការធ្វើឈ្នួលពីមួយថ្ងៃទៅមួយថ្ងៃ។ ឆ្នាំ២០០៨ ពីរនាក់ប្តីប្រពន្ធបងហាំងបានទៅដល់ខេត្តប៊ិញទ្វឹង ដើម្បីធ្វើការឈ្នួលឲ្យម្ចាស់កសិដ្ឋានចិញ្ចឹមជ្រូកដោយកម្រិតប្រាក់ខែពី៤ដល់៥លានដុង/នាក់/ខែ។ ទោះប្រឹងប្រែងយ៉ាងណាក៏នៅតែខ្វះមុខខ្វះក្រោយ បានជានៅឆ្នាំ២០១៤ ពីរនាក់ប្តីប្រពន្ធបងសម្រេចចិត្តវិលមករស់នៅភូមិកំណើតបង្កើតរបររកស៊ី។

ដំបូងឡើយ បងថាច់ធីហាំងបានទៅរកបុលខ្ចីទុនខ្លះៗអំពីបងប្អូនអ្នកភូមិ ដើម្បីទិញត្រីមកលក់រាយនៅផ្សារឃុំតឹងឡុង។ អាស្រ័យមានល្វែងលក់ដូរទើបការជួញដូររបស់បងស្រីពីមួយថ្ងៃទៅមួយថ្ងៃកាន់តែរីកចម្រើន។ បងស្រីថាច់ធីហាំង ឲ្យដឹង៖ “ដំបូងនាងខ្ញុំមានដើមទុនប្រមាណ១លានដុងប៉ុណ្ណោះ។ ក្រោយមកអាស្រ័យភូមិភាគពិនិត្យឲ្យបុលទុន៥៥លានដុងសម្រាប់បើកទូលាយទម្រង់ចិញ្ចឹមសត្វ លក់ដូរនិងសង់ផ្ទះ ទើបនាងខ្ញុំមានឱកាសពង្រីករបររកស៊ី។ ទន្ទឹមនឹងនោះ ពួកអាជីវករនៅខេត្តបាកលីវសុកត្រាំងទុកចិត្ត ម្ល៉ោះហើយការងាររកស៊ីរបស់នាងខ្ញុំក៏មានភាពងាយស្រួល”។ សព្វថ្ងៃ បងហាំង តែងបោះម៉ូយត្រីពី៤០០ដល់៥០០គីឡូក្រាម ក្នុងមួយថ្ងៃជួនកាលដល់រដូវត្រីច្រើនអាចកើនឡើងជាង១តោន/ថ្ងៃក៏សឹងមាន។ ក្រោយពីគិតគូរចំណូលចំណាយរួចបងស្រីរកបានប្រាក់ចំណេញពី៧០០ដល់៩០០ពាន់ដុង/ថ្ងៃ។ ក្រៅពីនោះ បងស្រីហាំងថែមទាំងចិញ្ចឹមមាន់ ទា រកប្រាក់ចំណូលបន្ថែមទៀតផងអាស្រ័យធ្វើការរកស៊ីចេះតែកាក់កបសន្សំបានប្រាក់កាស បងសង់បានផ្ទះថ្មីសមរម្យដោយតម្លៃជិត១០០លានដុង។ ឆ្នាំ២០១៦ គ្រួសារបងហាំងបានរដ្ឋអំណាចភូមិភាគទទួលស្គាល់ជាគ្រួសារចាកផុតពីភាពក្រីក្រដោយចីរភាព។

អ្នកស្រីត្រឹងធីធ្វីដាក លេខាសម្ព័ន្ធយុវជនឃុំតឹងឡុង ឲ្យដឹង៖ “បងស្រីថាច់ធីហាំងធ្លាប់ជាយុវនារីខ្មែរក្រីក្រមួយរូប ខ្នះខ្នែងធ្វើការងាររកស៊ីឆ្លងកាត់លំបាក ផ្ដើមពីលក់ដូរត្រីតិចតួច រហូតក្លាយជាឈ្មួញជួញដូរត្រីធំនៅផ្សារតឹងឡុង។ ឆ្នាំ២០១៧ បងស្រីបានសម្ព័ន្ធយុវជនខេត្តសុកត្រាំង ជូនប័ណ្ណសរសើរជាយុវនារីលេចធ្លោចាកផុតពីភាពក្រីក្រដោយចីរភាព”៕

ត្រឿងផល -សេរី

ចែករំលែកអត្ថបទ

ពាក្យគន្លឹះ