សន្តិសុខ - ការពារប្រទេស សន្តិសុខ

19/03/2018 - 16:35

នគរបាលក្រុងកឹងធើសម្ពោធនិងដាក់ឲ្យប្រើប្រាស់ស្ពានជនបទ

នគរបាលក្រុងកឹងធើ ទើបចាត់ចែងពិធីសម្ពោធនិងដាក់ឲ្យប្រើប្រាស់ស្ពានជនបទប្រឡាយA៩ (ភូមិ៣ ឃុំថើយហឹង ស្រុកកើ-ដ)។ អញ្ជើញចូលរួមក្នុងពិធីនេះ មានសមមិត្តវរសេនីយ៍ឯក ង្វៀនវុាំងធ្វឹង សមាជិកគណៈកម្មាធិការបក្សក្រុង អនុលេខាគណៈកម្មាធិការបក្ស នាយករងនគរបាលក្រុងកឹងធើ និងជាសមាជិកចង្អុលការកសាងជនបទថ្មីឃុំថើយហឹង។

អ្នកតំណាងទាំងឡាយចូលរួមក្នុងពិធីកាត់ខ្សែបូសម្ពោធនិងដាក់ឲ្យប្រើប្រាស់ស្ពានជនបទ។

ក្រោយពីដំណើរការកសាងរយៈពេល២ខែ មកទល់នឹងពេលនេះ ស្ពានប្រឡាយ A៩ ត្រូវបានកសាងសម្រេចរួចរាល់និងដាក់ឲ្យប្រើប្រាស់។ ការកសាងស្ពានប្រឡាយ A៩ សំដៅជួយប្រជាជននៅទីនេះងាយស្រួលក្នុងការធ្វើដំណើរទៅមក រួមចំណែកជំរុញការអភិវឌ្ឍសេដ្ឋកិច្ចសង្គមរបស់ភូមិភាគ។ នេះជាស្ពានទី៥ដែលនគរបាលក្រុង កឹងធើជំហរចលនាថវិកាកសាងលើភូមិសាស្រ្តឃុំថើយហឹង រួមចំណែកជួយភូមិភាគធ្វើឲ្យសុក្រឹតលក្ខឋាននានានិងបានទទួលស្គាល់ជាឃុំជនបទថ្មីក្នុងឆ្នាំ២០១៨។ ស្ពានត្រូវបានកសាងដោយបេតុង មានប្រវែង២៧ម៉ែត្រ ទទឹង៣,១ម៉ែត្រ ចំណុះ១,៥តោន កម្ពស់៣,៥ម៉ែត្រ ល្វែងកណ្តាលទំហំ៨ម៉ែត្រ។ សរុបថវិកាកសាងចំនួន២១០លានដុង។ ប្រភពថវិកាត្រូវបានចលនារួមវិភាគទានពីនគរបាលក្រុងកឹងធើ គណៈកម្មាធិការប្រជាជនស្រុកកើ-ដ និងសប្បុរសជនរួមកម្លាំងពលកម្មរបស់ប្រជាជននៅភូមិភាគ។

អ្នកតំណាងទាំងឡាយថតរូបអនុស្សាវរីយ៍ជាមួយនឹងថ្នាក់ដឹកនាំភូមិភាគនៅក្នុងពិធីប្រ

គល់ស្ពានជនបទ។

នៅក្នុងពិធីសម្ពោធ វរសេនីយ៍ឯកង្វៀនវុាំងធ្វឹង នាយករងនគរបាលក្រុងកឹងធើ ឲ្យដឹង៖ “កសាងស្ពានជនបទបម្រើប្រជាសុខុមាលភាព រួមចំណែកជំរុញការអភិវឌ្ឍលើគ្រប់វិស័យនៅភូមិភាគ ជំរុញល្បឿនសម្រេចរួចរាល់លក្ខឋានកសាងជនបទថ្មី"។ ទន្ទឹមនឹងនោះ សំណូមពរគណៈកម្មាធិការបក្ស គណៈកម្មាធិការប្រជាជនឃុំថើយហឹង គប្បីពង្រីកឲ្យអស់លទ្ធភាពនៃស្ពាននេះ និងថែរក្សាជួសជុលដោយវិធីល្អបំផុត៕

យ៉ាត្វង-ត្រឹងលិន(cantho.gov.vn)-មុនី

ចែករំលែកអត្ថបទ

ពាក្យគន្លឹះ