ព្រឹត្តិការណ៍ - នយោបាយ នយោបាយ

15/01/2018 - 16:30

ជំនួបមុខអតីតកម្មាភិបាលក្រុមអ្នកជំនាញការ និងក្រុម៩៩០២ បំពេញកាតព្វកិច្ចអន្តរជាតិនៅព្រះរាជាណាចក្រកម្ពុជា

គណៈអចិន្ត្រៃយ៍នៃគណៈកម្មាធិការបក្សខេត្តសុកត្រាំង ទើបបានរៀបចំពិធីជំនួបមុខ អតីតកម្មាភិបាលក្រុមអ្នកជំនាញការឯកភាព និងក្រុម៩៩០២ បានបំពេញកាតព្វកិច្ចអន្តរជាតិនៅព្រះរាជាណាចក្រកម្ពុជា (ដំណាក់កាលពីខែ១ ឆ្នាំ១៩៧៩ដល់ខែ១២ ឆ្នាំ១៩៨៩)។

ថ្នាក់ដឹកនាំខេត្តសុកត្រាំងថតរូបអនុស្សាវរីយ៍ជាមួយនឹងថ្នាក់ដឹកនាំខេត្តកែប
ខេត្តកំពង់ឆ្នាំង ព្រះរាជាណាចក្រកម្ពុជា។

ក្នុងពិធីជំនួបមុខនេះ លោកកែនសត្ថា អភិបាលខេត្តកែប ព្រះរាជាណាចក្រកម្ពុជា សម្ដែងនូវសេចក្តីអំណរគុណ ដឹងគុណយ៉ាងជ្រាលជ្រៅចំពោះបក្សនិងរដ្ឋាភិបាលវៀតណាម។ ពិសេសគឺកងទ័ពស្ម័គ្រចិត្តវៀតណាម ព្រមទាំងសាច់ញាតិរបស់យោធាដែលបានពលីកម្ម ដើម្បីបុព្វហេតុរំដោះកម្ពុជា។ ទន្ទឹមនឹងនោះ បានអំណះអំណាងថាប្រទេសកម្ពុជាតែងត្រៀមជាស្រេចធ្វើសហប្រតិបត្តិការជាមួយនឹងស្ថាប័នសមត្ថកិច្ចរបស់វៀតណាម ដើម្បីស្វែងរកប្រមូលអដ្ឋិធាតុសមមិត្ត មិត្តរួមកងដែលបានពលីកម្មនៅលើទឹកដីកម្ពុជា។ ជំរុញនូវចំណងសាមគ្គីមិត្តភាព រវាងប្រជាជនវៀតណាមនិងប្រជាជនកម្ពុជាឲ្យរឹត តែជ្រាលជ្រៅប្រកបដោយមនោសញ្ចេតនាស្អិតល្មួតជាងទៀត។

មានប្រសាសន៍ក្នុងឱកាសជំនួបមុខ សមមិត្ត ឡឹមវុាំងម៉ឹង សមាជិកបម្រុងនៃគណៈប្រតិបត្តិការមជ្ឈិមបក្ស អនុលេខានៃគណៈកម្មាធិការបក្សខេត្ត ប្រធានក្រុមប្រឹក្សាប្រជាជនខេត្តសុកត្រាំង ប្រធានសមាគមមិត្តភាពវៀតណាម-កម្ពុជា សង្ឃឹមថា រដ្ឋអំណាចនិងប្រជាជនខេត្តកែប ខេត្តកំពង់ឆ្នាំងបន្តការពង្រីកទំនាក់ទំនងដោះដូរ សហប្រតិបត្តិការជាមួយនឹងរដ្ឋអំណាច និងប្រជាជនខេត្តសុកត្រាំង ខេត្តហូវយ៉ាង និងក្រុងកឹងធើ រួមចំណែកផ្សព្វផ្សាយ អប់រំប្រវេណីបដិវត្តន៍ ធ្វើឲ្យស៊ីជម្រៅជាងទៀតនូវទំនាក់ទំនងមិត្តភាព ប្រទេសជិតខាងល្អប្រសើរ៕

ត្រឿងផល-វិមាន

ចែករំលែកអត្ថបទ

ពាក្យគន្លឹះ