គោលនយោបាយ -ការរស់នៅ គោលនយោបាយ

23/10/2017 - 16:13

ពិនិត្យឧបត្ថម្ភកម្រៃសិក្សាដល់សិស្សានុសិស្ស និស្សិតជនជាតិភាគតិចក្រីក្រ

គណៈកម្មាធិការប្រជាជន ក្រុងកឹងធើ ទើបដាក់ចេញផែនការលេខ៦១៧ នៅថ្ងៃទី៨ ខែកញ្ញា ឆ្នាំ២០១៧ ស្ដីពីការរៀបចំអនុវត្តគោលនយោបាយឧបត្ថម្ភ កម្រៃសិក្សាដល់សិស្សានុសិស្ស និស្សិតជនជាតិភាគតិច ឆ្នាំសិក្សា២០១៧–២០១៨។ ព្រមជាមួយនោះ មុខសញ្ញាត្រូវបានឧបត្ថម្ភ គឺសិស្សានុសិស្សនិស្សិតជនជាតិភាគតិច ចំណុះក្របខ័ណ្ឌគ្រួសារក្រីក្រ គ្រួសារជិតក្រ។ល។

សមមិត្តឡេវុាំងតឹម អនុប្រធានប្រចាំការនៃគណៈកម្មាធិការប្រជាជនក្រុងកឹងធើ
ជូនអំណោយដល់សិស្សានុសិស្ស ដែលមានស្ថានភាពក្រលំបាកនៅស្រុកថើយឡាយ។

មានបញ្ជីគ្រួសារស្នាក់នៅក្រុងកឹងធើ និងកំពុងរៀននៅមធ្យមសិក្សាវិជ្ជា ជីវៈរយៈពេលវែង មធ្យមសិក្សាជំនាញអនុមហាវិទ្យាល័យ មហាវិទ្យាល័យ តាមប្រពន្ធរៀបរយទាំងក្នុងនិងក្រៅក្រុង។ ចំពោះនិស្សិតជនជាតិ កម្រិតឧបត្ថម្ភកម្រៃសិក្សាត្រូវបានគិតស្មើរ៦០% នៃកម្រិតប្រាក់បៀវត្សមូលដ្ឋាន(ប្រហាក់ប្រហែល៦០%នៃចំនួនទឹកប្រាក់១.៣០០.០០០ដុង)និងស្មើ៤៥% នៃកម្រិតប្រាក់បៀវត្សមូលដ្ឋានចំពោះមុខសញ្ញាជាសិស្សានុសិស្ស ចំណុះសាលាមធ្យមសិក្សាវិជ្ជាជីវៈ មធ្យមសិក្សាជំនាញ។ មុខសញ្ញាទាំងពីរនេះសុទ្ធតែបានពិនិត្យឧបត្ថម្ភថវិកាក្នុងរង្វង់១០ខែ/ឆ្នាំសិក្សា។

ក្រុមប្រឹក្សាពិនិត្យបញ្ជាក់ឧបតម្ភកម្រៃសិក្សានៅក្រុងកឹងធើ នឹងទទួលលិខិតស្នើរបស់មុខសញ្ញាខាងលើចាប់ពីពេលនេះរហូតដល់ដាច់ថ្ងៃ៣០ ខែតុលា ឆ្នាំ២០១៧ នៅស្ថាប័នគណៈជនជាតិក្រុងកឹងធើ ផ្ទះលេខ១០ វិថីវ៉ធីសាវ សង្កាត់អាងហោយ ខ័ណ្ឌនិញកេវ ឬការិយាល័យជនជាតិនៅបណ្តាខ័ណ្ឌ ស្រុករបស់ក្រុងកឹងធើ៕

កុសល – សេរី

ចែករំលែកអត្ថបទ

ពាក្យគន្លឹះ