សុខភាព - អប់រំ អប់រំ

26/09/2017 - 14:02

ខិតខំបង្រៀននិងរៀនល្អ

ដោយការខ្នះខ្នែងរបស់លោកគ្រូអ្នកគ្រូ និងសិស្សរួមជាមួយនឹងការយកចិត្តទុកដាក់របស់គណៈកម្មាធិការបក្ស រដ្ឋអំណាច អង្គការមហាជន គណៈ ផ្នែកនៅភូមិភាគគ្រប់លំដាប់ថា្នក់ ក៏ដូចជាការប្រកៀកស្មារបស់គណៈតំណាងអាណាព្យាបាលសិស្ស ម៉្លោះហើយសាលាបឋមសិក្សាដាយតឹម២ ឃុំដាយតឹមស្រុកម៉ីស្វៀង ខេត្តស្រុកត្រាំងទទួលបានលទ្ធផលគួរឲ្យកត់សម្គាល់។

ម៉ោងរៀនហាត់ប្រាណរបស់សិស្សសាលាបឋមសិក្សាដាយតឹម២។

ជាសាលាមានកូនចៅជនរួមជាតិខ្មែរ ចូលរៀនស្រូបអត្រា៩៧,៧% ជាមួយនឹងការខិតខំដោយឥតឈប់ឈររបស់លោកគ្រូអ្នកគ្រូនិងប្អូនៗសិស្សានុសិស្ស ម៉្លោះហើយ សាលាបានសម្រេចបទដ្ឋានជាតិមុនដំបូងបង្អស់របស់ស្រុកម៉ីស្វៀងនៅឆ្នាំ២០១៣។ បច្ចុប្បន្ន សាលាបឋមសិក្សាដាយតឹម២មានមណ្ឌលធំមួយនៅភូមិតឹមកៀង និងមណ្ឌលសាខាចំនួន២ នៅភូមិតឹមភឿក តឹមឡុក; ដោយមានកម្មាភិបាលគ្រូបង្រៀន បុគ្គលិកចំនួន៣៦រូប; រួមមាន៥ថ្នាក់ សរុបសិស្ស៤០៩រូប ថ្នាក់ទី១ មាន១០១រូប ថ្នាក់ទី២មាន៧២រូប ថ្នាក់ទី៣ មាន៧៦រូប ថ្នាក់ទី៤ មាន៨៣រូប ថ្នាក់ទី៥ មាន៧៧រូប។ ឆ្នាំសិក្សា២០១៦- ២០១៧កន្លងហើយ សាលាសម្រេចអត្រាសិស្សជាប់ថ្នាក់សម្រេច៩៧,៧៦%។

លោកគ្រូត្រឹងឌឹកវុាំង នាយករងសាលាបឋមសិក្សាដាយតឹម២ ឲ្យដឹង៖ “ឆ្នាំសិក្សាកន្លងហើយសាលាសម្រេចកិត្តិនាម “សមូហភាពឆ្នើម” មានគ្រូបង្រៀនពូកែថ្នាក់សាលា១២រូប ថ្នាក់មូលដ្ឋាន៤រូបនិងកម្មាភិបាល គ្រូបង្រៀនសម្រេចយុទ្ធជនប្រឡងប្រណាំងថ្នាក់មូលដ្ឋាន៦រូប។កងជួរគ្រូបង្រៀនតែងសកម្មផ្លាស់ថ្មី វិធីសាស្រ្តបង្រៀន សកម្មកៀកជិតការបង្រៀននិងរៀនតាមវិធីសាស្រ្តថ្មី។ សាលាតែងគិតគូរកសាងកែលម្អ ជួសជុលមូលដ្ឋានសម្ភារៈបំពាក់ឧបករណ៍ថ្នាក់រៀន ដើម្បីបម្រើការបង្រៀននិងរៀនប្រកបដោយប្រសិទ្ធភាព”។ ក្រៅពីនោះ សាលានៅទាំងចលនាសប្បុរសជនបង្កើតមូលនិធិ អាហារូបរណ៍ជូនអាហារូបករណ៍៥ចំណែកដល់សិស្សក្រីក្រចំនួន៥រូប ឆ្លងកាត់លំបាក រៀនពូកែមួយចំណែកៗតម្លៃ៥០០.០០០ដុង។ ប្អូនថាច់ធីម៉ីលិន រៀនថ្នាក់ទី៣B ឲ្យដឹង៖ “ផ្ទះក្រទទួលបានអាហារូបករណ៍ប្អូនត្រេកអរខ្លាំងណាស់ ឆ្នាំសិក្សាថ្មីនេះ ប្អូនទិញបានសម្លៀកបំពាក់និងសំពៀតថ្មី”។ ចំណែកប្អូនយ័ញថាញ់ខាងថ្នាក់ទី៣A រៀបរាប់៖ “ទទួលបានអាហារូបករណ៍នេះ ប្អូនកាន់តែខិតខំប្រឹងរៀនឲ្យបានពូកែថែមទៀត”។

“សាលាទទួលបានលទ្ធផលល្អដូចសព្វថ្ងៃ អាស្រ័យការយកចិត្តទុកដាក់ចង្អុលការនិងលើកទឹកចិត្តទាន់ពេលរបស់ថ្នាក់ដឹកនាំការិយាល័យអប់រំម៉ីស្វៀង និងគណៈ ផ្នែក ភូមិភាគ គណៈតំណាងអាណាព្យាបាលសិស្ស។ ពិសេសគឺការខិតខំដោយអស់ពីចិត្តរបស់សមូហភាពកម្មាភិបាល គ្រូបង្រៀនបុគ្គលិកនិងសិស្សរបស់សាលា” -លោកគ្រូត្រឹងឌឹកវុាំង ឲ្យដឹងដូច្នេះ៕

ត្រឿងផល-ទីទុយ

ចែករំលែកអត្ថបទ

ពាក្យគន្លឹះ