ព្រឹត្តិការណ៍ - នយោបាយ នយោបាយ

17/01/2017 - 09:22

ពេលគោលនយោបាយឆ្ពោះទៅតំបន់ជនរួមជាតិខ្មែរ

ប៉ុន្មានឆ្នាំកន្លង ជីវភាពសម្ភារៈស្មារតីរបស់ជនរួមជាតិខ្មែរនៅស្រុកថើយឡាយ (ក្រុងកឹងធើ) បានកែលម្អជាសន្សឹមៗមុខមាត់ជនបទក៏មានភាពផ្លាស់ថ្មី។

សមមិត្តង្វៀនង៉ុកតឹម លេខាបក្ស ស្រុកថេីយឡាយ ប្រទាន លិខិតសរសេីរដល់ព្រះសង្ឃ។ រូបៈ Cantho.gov.vn

បច្ចុប្បន្ន ស្រុកថើយឡាយមានគ្រួសារជនរួមជាតិខ្មែរ៩៨៣គ្រួសារ ដោយមានមនុស្សចំនួន៤.០៨០នាក់ ស្រូបអត្រា២,៥%នៃចំនួនប្រជាជនទូទាំងស្រុក។ ប៉ុន្មានឆ្នាំកន្លង ស្រុកបានផ្តុំកម្លាំងផ្សព្វផ្សាយគោលនយោបាយ គម្រោងនានារបស់រដ្ឋាភិបាលជូនជនរួមជាតិនៅតំបន់ជនរួមជាតិខ្មែរ។ល។ អាស្រ័យហេតុនោះ បានរួមចំណែកជួយឲ្យមាមីងកែលម្អជីវភាព ឈានឡើងចាកផុតពីភាពក្រីក្រ។ តួយ៉ាងដូចគ្រួសារបងដាវវ៉ាំងឌឹក នៅភូមិឌិញម៉ី ឃុំឌិញម៉ូង ស្ថានភាពគ្រួសារជួបការលំបាក ក្រោយពីបានចូលរួមវគ្គបណ្តុះបណ្តាលវិជ្ជាជីវៈខាងជាងសំណង់ អាស្រ័យភូមិ ភាគរៀបចំឡើង បងបានឧទ្ទេសនាមចូលធ្វើការនៅក្រុមហ៊ុន សំណង់មួយនៅលើភូមិភាគ។ ចំណែកប្រពន្ធបងក៏បានជំនួយទុនសម្រាប់លក់ដូរកំប៉ិកកំប៉ុក ហើយកូនទាំង២នាក់ក៏បានជម្រើសចូលរៀននៅសាលា ចំណេះទូទៅជនជាតិអន្តេវាសិកក្រុងកឹងធើផងដែរ។ល។ បងឌឹក អំណួត៖ "ខ្ញុំបានចូលរួមវគ្គបណ្តុះបណ្តាលវិជ្ជាជីវៈជាងសំណង់ ម៉្លោះហើយមានការងារធ្វើលំនឹង អាស្រ័យហេតុនោះ ទើបគ្រួសារខ្ញុំសន្សែសន្សំប្រាក់សង់បានផ្ទះមួយខ្នង មានលក្ខណៈឈានឡើងចាកផុតពី ភាពក្រីក្រ និងគិតគូរឲ្យកូនៗរៀនមហាវិទ្យាល័យទៀតផង"។ ចំណែកបងលីវយ៉ែន នៅភូមិថើយធ្វឹងB ទីប្រជុំជនថើយឡាយមានកូនទើបតែ រៀនបញ្ចប់សាលាអនុមហាវិទ្យាល័យសុខាភិបាលផ្នែកឧបដ្ឋាក ហើយបានចូលធ្វើការនៅមន្ទីរពេទ្យពហុព្យាលមជ្ឈិមកឹងធើ កូនប្រុសពៅទើបចេញពីកងជួរទ័ពវិលមកផ្ទះ បានភូមិភាគឧទ្ទេសនាមរៀនរបរបើករថយន្តB2 សព្វថ្ងៃមានការងារធ្វើលំនឹង។ បងយ៉ែន ឲ្យដឹង៖ "ចាប់តាំងពីមានគោលនយោបាយចំពោះជនរួមជាតិភាគតិចជួយឲ្យកូនៗរបស់ខ្ញុំ បានរៀនសូត្រចប់ចុងចប់ដើម និងមានការងារធ្វើលំនឹងជីវភាពគ្រួសារបានធូរធារជាងមុនច្រើន"។

មកទល់នឹងបច្ចុប្បន្ន ស្រុកថើយឡាយជំនួយបុលទុនជាង៧ពាន់លានដុង ជូនគ្រួសារក្រីក្រ ជិតក្រជាជនជាតិខ្មែរបានផ្លាស់ប្តូរមុខរបរ អនុវត្តកម្មវិធីប្រើប្រាស់ទឹកស្អាត និងឧបត្ថម្ភសិស្សនិស្សិតបុលទុន។ល។ ដល់គ្រួសារចំនួន៧៤២ សាងសង់ផ្ទះឧបការគុណ២ខ្នង ផ្ទះមហាសាមគ្គី៣ខ្នង ឧទ្ទេសនាមការងារធ្វើជូនពលករ៣៥២នាក់ រួមចំណែកកាត់បន្ថយ អត្រាគ្រួសារក្រីក្រក្នុងជនរួមជាតិខ្មែរចុះនៅតែ១៨០គ្រួសារ ស្រូបអត្រា១៨,៣% ថយចុះជាង២%បើប្រៀបធៀបនឹងឆ្នាំកន្លង។ល។ បច្ចុប្បន្ន ឃុំទាំង១០០% ដែលមានជនរួមជាតិខ្មែររស់នៅកុះករសុទ្ធតែមានអគ្គិសនីប្រើប្រាស់ ផ្លូវគមនាគមន៍ ដំណាក់សុខាភិបាលនិងមធ្យោបាយស្តាប់មើល។ ចំពោះអគារវប្បធម៌ជាច្រើនតែងបានវិនិយោគទុនកសាងយ៉ាងសមរម្យ ឆ្លើយតបនឹងតម្រូវការទទួលប្រយោជន៍ រួមចំណែកពង្រីកសិទ្ធិ សេរីជំនឿសាសនារបស់មាមីង។ លោកលីវឃឿង អនុប្រធានការិយាល័យជនជាតិស្រុកថើយឡាយ ឲ្យដឹងបន្ថែម៖ "អាស្រ័យអនុវត្តល្អនូវគោលនយោបាយជនជាតិរបស់បក្ស និងរដ្ឋចំពោះជនរួមជាតិភាគតិចផ្សំនឹងការស៊ូទ្រាំលំបាក ខិតខំឈានឡើងរបស់ជនរួមជាតិខ្មែរ ម៉្លោះហើយទើបជីវភាពជនរួមជាតិខ្មែរនៅស្រុកថើយឡាយ បានប្តូរផ្លាស់តាមទិសដៅឆ្ពោះទៅមុខ និងពីមួយថ្ងៃទៅមួយថ្ងៃកាន់តែអភិវឌ្ឍប្រកបដោយចីរភាព"៕

កុសល-សុផល

ចែករំលែកអត្ថបទ

ពាក្យគន្លឹះ