គោលនយោបាយ -ការរស់នៅ គោលនយោបាយ

10/01/2017 - 10:42

រៀនសូត្រតាមគំរូសីលធម៌ហូជីមិញ

ក្រោយពី៥ឆ្នាំអនុវត្តបទបញ្ជា០៣របស់ការិយាល័យនយោបាយ "ស្តីពីបន្តការជម្រុញខ្លាំងក្លាការរៀនសូត្រនិងធ្វើតាមសតិអារម្មណ៍ គំរូសីលធម៌ហូជីមិញ "ស្រុកកូវកែ (ខេត្តត្រាវិញ) មានទម្រង់រូបភាពសមូហភាពចំនួន២០និងទម្រង់រូបភាពបុគ្គលឆ្នើមគំរូចំនួន៤៥។ ក្នុងនោះ មានទម្រង់រូបភាព និងរបៀបធ្វើល្អៗជាច្រើន ដែលកំពុងសាយភាយក្នុងជីវភាពសង្គម។

អតីតយុទ្ធជនភូមិចុងផ្នោរទី១ ដោះដូរយោបល់អំពីសកម្ម ភាពរបស់សមាគម។

តួយ៉ាងដូច ទម្រង់រូបភាពក្រុមហ៊ុនទុនរបស់សាខាសមាគមកសិករភូមិហ្វាអាង ឃុំអាងភូតឹង។ នេះជាគំរូមួយក្នុងចំណោមគំរូឆ្នើមបំផុតដែល បានទទួលប័ណ្ណសរសើររបស់គណៈកម្មាធិការប្រជាជនខេត្ត ក្នុងការរៀនសូត្រនិងធ្វើតាមសតិអារម្មណ៍ គំរូសីលធម៌ហូជីមិញ ដំណាក់កាល២០១១-២០១៥។ ផ្តើមពីភាពជាក់ស្តែងនោះ មានសមាជិកជាច្រើនត្រូវការប្រភពទុនដើម្បីអភិវឌ្ឍសេដ្ឋកិច្ចគ្រួសារ ម៉្លោះហើយទើបសាខាសមាគមបង្កើតក្រុមហ៊ុនទុនក្នុងឆ្នាំ២០០៩ ដោយរូបភាពសមាជិកម្នាក់ៗត្រូវបង់ពី២០-៥០ពាន់ដុង ជារៀងរាល់ខែ ដើម្បីបង្កប្រភពទុនវិលជុំសម្រាប់ជួយដល់សមាជិកវិនិយោគចិញ្ចឹមសត្វ លក់ដូរឬក៏ដាំដំណាំឈើហូបផ្លែ។ មកទល់បច្ចុប្បន្ន សាខាសមាគមបង្កើតបានក្រុម ហ៊ុនទុនចំនួន៣ដោយមានប្រាក់ប្រិតសំចៃជិត១៦០លានដុង ប្រយោជន៍បង្កប្រភពទុនជួយឲ្យសមាជិកបង្កើនប្រាក់ចំណូលលើកស្ទួយជីវភាពគ្រួសារ។ ផ្តើមពីប្រភពទុននោះ សាខាសមាគមក៏បានជួយសមាជិក១១/១៣បានចាកផុតពីភាពក្រីក្រ។

លោកថាច់រិន ប្រធានសាខាសមាគមអតីតយុទ្ធជនភូមិចុងផ្នោរទី១ ឃុំហ្វាតឹង ជាគំរូក្នុងការចលនារៀនសូត្រនិងធ្វើតាមសតិអារម្មណ៍ គំរូសីលធម៌ហូជីមិញ។ ក្រៅពីការយកចិត្តទុកដាក់ជួយគិតគូរឲ្យសមាជិកអតីតយុទ្ធជនក្នុងភូមិ លោកគឺជាអ្នកនាំមុខរបស់ឃុំហ្វាតឹងក្នុងការផ្សព្វ ផ្សាយចលនាប្រជាជន កសាងស្ពាន ផ្លូវគមនាគមន៍និងស្តារប្រឡាយ វាលស្រែដើម្បីបម្រើឲ្យការផលិតកសិកម្មរបស់ភូមិភាគ។ លោកថាច់រិន ឲ្យដឹង៖ "រៀនសូត្រនិងធ្វើតាមគំរូសីលធម៌ហូជីមិញ ក្រៅពីការជួយ គ្នាអភិវឌ្ឍសេដ្ឋកិច្ចគ្រួសារទៅវិញទៅមក សមាជិកម្នាក់ៗនៅទាំងយក ចិត្តទុកដាក់សួរសុខទុក្ខគ្នាទៅវិញទៅមក នៅពេលមានជម្ងឺឈឺថ្កាត់ម្តងៗ ឆ្លងតាមរយៈនោះ បានបង្ហាញនូវស្មារតីសាមគ្គីភាព ពីមួយថ្ងៃទៅមួយថ្ងៃកាន់តែស្អិតល្មួតជាងទៀតរវាងសមាជិកនិងសមាជិក"។

វាយតម្លៃពីការចលនារៀនសូត្រនិងធ្វើតាមគំរូសីលធម៌ហូជីមិញ លោកទ្រឿងថាញ់ឡុង អនុលេខាអចិន្រៃ្តយ៍នៃគណៈកម្មាធិការបក្ស ស្រុកកូវកែ ឲ្យដឹង៖ "ផ្តើមពីចលនានេះ មានទម្រង់រូបភាពជាច្រើនបាន រួមចំណែកយ៉ាងសំខាន់ក្នុងការជម្រុញអភិវឌ្ឍសេដ្ឋកិច្ច-វប្បធម៌ សន្តិសុខការពារប្រទេស កសាងកងជួរកម្មាភិបាលបក្ខជនមានស្មារតីគោ រពវិន័យម៉ឺងម៉ាត់ ទន្ទឹមនឹងនោះ ក៏នៅទាំងកសាងអង្គការមូលដ្ឋានបក្ស ស្អាតស្អំរឹងមាំទៀតផង"៕

សើុងម៉ាល័យ-សុផល

ចែករំលែកអត្ថបទ

ពាក្យគន្លឹះ