គោលនយោបាយ -ការរស់នៅ ការរស់នៅ

20/04/2016 - 15:08

ពង្រីកតួនាទីរបស់នារីក្នុងការកសាងជនបទថ្មី

ដើម្បីពង្រីកតួនាទីរបស់នារីក្នុងការកសាងជនបទថ្មី សមាគមសហព័ន្ធ នារី ស្រុកឡុងភូ ខេត្តសុកត្រាំង ទើបតែផ្សព្វផ្សាយយ៉ាងទូលំទូលាយ ជូនសមាជិកទាំងឡាយយល់ច្បាស់អំពីទិសដៅអត្ថន័យនៃការកសាងជនបទថ្មី។ ហេតុនោះ ឆ្នាំ២០១៥ ស្រុកមានឃុំចំនួន២ត្រូវបានទទួលស្គាល់សម្រេចបទដ្ឋានជនបទថ្មី។

ត្បាញកន្រ្តកនីឡុងជារបរមួយជួយឲ្យបងប្អូននារីជនបទនៅឡុងភូមានប្រាក់ចំណូលលំនឹង។

សមាគមសហព័ន្ធនារីស្រុកឡុងភូ បានរៀបចំផ្សព្វផ្សាយយ៉ាងទូលំទូ លាយលក្ខឋានជនបទថ្មីទាំង១៩ដល់សមាជិកាគ្រប់លំដាប់ថ្នាក់ ដើម្បីដាស់តឿន និងពង្រីករាល់សក្តានុភាពដ៏ធំធេងរបស់នារីជនបទ។ សមាគមបានបញ្ជាក់ច្បាស់ថា នារីជាកងកម្លាំងយ៉ាងសំខាន់រួមចំណែកធ្វើឲ្យផ្លាស់ប្តូរមុខមាត់ជនបទថ្មី និងកសាងជីវភាពថ្មី ឆ្លងតាមរយៈការផ្សព្វផ្សាយ និងអនុវត្តនូវការចលនានានា មានដូច៖ នារីផលិត ធ្វើពាណិជ្ជកម្មពូកែ លុបបំបាត់ភាពអត់ឃ្លាន កាត់បន្ថយភាពក្រីក្រ ចលនាកសាងគ្រួសារវប្បធម៌ បង្ការបង្រ្កាបអំពើហិង្សាក្នុងគ្រួសារ ការជួញដូរស្រី្តនិងកុមារ។ល។ បងស្រីត្រឹងធីថាញ់ញ៉ាញ់ អនុប្រធានសមាគមសហព័ន្ធនារីស្រុកឡុងភូ ឲ្យដឹង៖" បច្ចុប្បន្ន បងប្អូននារីនៅជនបទ ក្រៅពីការងារផ្ទះ និងការងារស្រែចំការ បងប្អូននារីនៅទាំងចូលរួមរាល់សកម្មភាពនៅភូមិភាគ។ ពិសេស បងប្អូននារីនៅជនបទតែងសកម្មក្នុងការផ្សព្វផ្សាយគោលនយោបាយរបស់បក្ស និងច្បាប់របស់រដ្ឋ មានដូច៖ គ្រួសារមិនកើតកូនទី៣ ចិញ្ចឹមកូនល្អ ទូន្មានកូនចេះគោរពសុភាពរាបសា គ្រួសារគ្មានញាតិសន្តានបំពានច្បាប់ និងជាប់ពាក់ព័ន្ធបាបគ្រោះសង្គម។ល។ ឆ្លងតាមរយៈនោះ បានរួមចំណែកក្នុងការសម្រេចរាល់លក្ខឋានកសាងជនបទថ្មី"។

បងស្រីហាថាញ់ថង ប្រធានសមាគមសហព័ន្ធនារីឃុំតឹងថាញ់ ឲ្យដឹង៖" បច្ចុប្បន្ន លក្ខឋានចំនួន១៩អំពីការកសាងជនបទថ្មីសុទ្ធតែបានសមាគមផ្សព្វផ្សាយយ៉ាងទូលំទូលាយដល់សមាជិកាគ្រប់រូប ដូច្នេះរាល់សមាជិកបានយល់ច្បាស់ពីទិសដៅ អត្ថន័យក្នុងការកសាងជនបទថ្មី និងគ្រួសារទាំងឡាយសុទ្ធតែបានចុះឈ្មោះអនុវត្តបានល្អរាល់លក្ខឋាន។ បណ្ដាលក្ខឋានដែលនារីធ្វើបាន និងសម្រេចប្រសិទ្ធភាពខ្ពស់ មានដូច៖ លក្ខឋាន បរិស្ថានប្រាក់ចំណូល គ្រួសារក្រីក្រ។ល។ ពិសេសសំណង់នានា នៅជនបទតែងបានបងប្អូននារីចលនារួមគ្នាបរិច្ចាគដីស្រែដីចំការ ដើម្បីកសាងសំណង់សម្រេចទៅតាមការកំណត់។ អាស្រ័យហេតុនោះ ឃុំតឹងថាញ់បានទទួលស្គាល់សម្រេចបទដ្ឋានជនបទថ្មីក្នុងឆ្នាំ២០១៥" ។

តាមបងស្រីត្រឹងធីថាញ់ញ៉ាញ់ នារីមិនត្រឹមតែមានភារកិច្ចជាប្រពន្ធជាម្តាយល្អប៉ុណ្ណោះទេ ថែមទាំងជាកងជួរផ្សព្វផ្សាយដ៏មានប្រសិទ្ធភាពទៀតផង។ ដូច្នោះ សមាគមតែងបញ្ជាក់ច្បាស់នារីជនបទជាឧត្តមភាពមួយ អនុវត្តបានល្អនូវតួនាទីចលនាក្នុងចលនាការកសាងជនបទថ្មី និងមានភាពសាយភាយ។ មកទល់នឹងបច្ចុប្បន្ន សមាជិកានៃសមាគមក៏ បានធ្វើការចលនារួមវិភាគទានជាទឹកប្រាក់បានរាប់រយលានដុង ដើម្បីកសាងសំណង់នៅភូមិភាគឆ្លងតាមរយៈការបរិច្ចាគដីស្រែ ដីចំការសម្រាប់កសាងផ្លូវសាលារៀន ដំណាក់សុខាភិបាល។ល។៕

យ្វីអាញ់ - សុផល

ចែករំលែកអត្ថបទ

ពាក្យគន្លឹះ