គោលនយោបាយ -ការរស់នៅ គោលនយោបាយ

07/11/2016 - 17:09

លោកដាវធើយ បានប្រជាជនស្រឡាញ់រាប់អាន

លោកដាវធើយ នៅភូមិង៉ុកវិញ ឃុំង៉ុកធ្វឹង ស្រុកយង់រៀង ខេត្តកៀងយ៉ាង តែងខ្នះខ្នែងរួមជាមួយនឹងរដ្ឋអំណាចភូមិភាគ ចលនាមាមីងរួមវិភាគទានទឹកប្រាក់កសាងស្ពាននិងផ្លូវជនបទ។ អាស្រ័យហេតុនោះ បានជាការធ្វើដំណើរទៅមករបស់មាមីងនៅតំបន់ដាច់ឆ្ងាយទាំងនេះ បានផ្លាស់ថ្មីយ៉ាងពិតប្រាកដ។

លោកដាវធើយ (អ្នកឈរទីពីរខាងស្តាំ) ទៅដល់ផ្ទះប្រជាជនចលនាចូលរួមកសាងស្ពានផ្លូវគមនាគមន៍ជនបទ។

អាស្រ័យភូមិសាស្រ្តនៅដាច់ឆ្ងាយ មានព្រំប្រទល់ជាប់នឹងភូមិនានា តម្រូវការទៅមករបស់មាមីងពីមួយថ្ងៃទៅមួយថ្ងៃកាន់តែច្រើនឡើង។ លោកដាវធើយ ក្នុងនាមជាអ្នកមានប្រជាប្រិយភាពតែងព្យាយាមទៅដល់ផ្ទះមាមីង ចលនាចូលរួមយោងតាមជីវភាពសេដ្ឋកិច្ចគ្រួសារ ដើម្បីចលនាក្នុងគោលបំណងរួមវិភាគទានសមល្មមនឹងកម្លាំងប្រជាជន។ ចំពោះគ្រួសារមាមីងខ្មែរក្រីក្រ ជិតក្រ លោកដាវធើយធ្វើបញ្ជីរាយនាមពឹងរដ្ឋអំណាចជំនួយជាបន្ត។ ផ្តើមពីរបៀបធ្វើទាំងនេះ បានជាបច្ចុប្បន្ន ដងផ្លូវនានាឆ្លងកាត់ភូមិត្រូវបានតភ្ជាប់គ្នាការធ្វើដំណើរទៅមកបានងាយស្រួលបើធៀបនឹងពីមុននេះ។ មិនត្រឹមតែចលនាកសាងស្ពាន ផ្លូវថ្នល់នៅភូមិស្រុកប៉ុណ្ណោះទេ លោកដាវធើយ ថែមទាំងចលនាសប្បុរសជន ដើម្បីកសាងស្ពាន ផ្លូវថ្នល់របស់ភូមិនានានៅក្នុងឃុំទៀតផង។ដោយឃើញការធ្វើដំណើរទៅមករបស់មាមីងនៅទីនេះ ជួបការលំបាកច្រើន ផ្លូវភក់ជ្រាំស្ពានស្នួរពិបាកឆ្លងទៅមក។ លោកដាវធើយ ប្តេជ្ញាជំហរចលនា មាមីងអ្នកមានទ្រព្យជួយទ្រព្យ អ្នកមានកម្លាំជួយកម្លាំងដើម្បីកសាងស្ពាននិងផ្លូវថ្នល់។ ដោយឃើញការងាររបស់លោកប្រកបដោយអត្ថន័យ ទោះបីមាមីងមួយចំនួនមានការលំបាកក៏ពិតមែន ប៉ុន្តែតែងខ្នះខ្នែងចូលរួមជាមួយដែរ។ ពិសេសគឺដងផ្លូវចូលភូមិង៉ុកវិញ ទើបកសាងសម្រេចជាស្ថាពរ ហើយបានដាក់ឲ្យប្រើប្រាស់ដោយមានប្រវែង២.៣០០ម៉ែត្រ រួមចំណែកបង្កលក្ខណសម្បត្តិសម្រាប់មាមីងនិងសិស្សានុសិស្សធ្វើដំណើរទៅមកបានងាយស្រួល។ ពូដាវរៀង នៅភូមិង៉ុកវិញ ឲ្យដឹង៖ "ដោយឃើញលោកដាវធើយ មានការខ្នះខ្នែងចលនាមាមីង សូម្បីមាមីងនៅភូមិដទៃ ក៏បានស្ម័គ្រចិត្តចូលរួមវិភាគទានទឹកប្រាក់កម្លាំងកាយ ដើម្បីកសាងស្ពាន ផ្លូវថ្នល់សម្រាប់ធ្វើដំណើរទៅមកបានងាយស្រួល"។

លោកហាវាំុងក្វាង ប្រធានភូមិង៉ុកវិញ ឲ្យដឹង ៖"ទងេ្វីដ៏ល្អរបស់លោកដាវធើយ បានរួមចំណែកជាមួយនឹងភូមិភាគ បំបាត់ជាសន្សឹមៗនូវផ្លូវភក់ ជ្រាំទាំងនោះក្លាយជាផ្លូវក្រាលបេតុងជាស្ពានរឹងមាំ"។ "លោកដាវធើយ គឺជាកសិករបង្កបង្កើនផលពូកែមួយរូបនៅក្នុងឃុំ ពិសេសគឺចំពោះភូមិ ស្រុកក្នុងតួនាទីជាប្រធានក្រុមប្រជាជនស្វ័យគ្រប់គ្រងភូមិង៉ុកវិញ។ ប៉ុន្មានឆ្នាំកន្លង លោកមិនត្រឹមតែចលនាសម្រាប់តែភូមិរបស់ខ្លួនប៉ុណ្ណោះទេ លោកនៅទាំងចលនាសម្រាប់ភូមិដទៃរបស់ឃុំផងដែរ" -លោកផាមថាញ់ហាយ ប្រធានសមាគមកសិករឃុំង៉ុកធ្វឹង បានឲ្យដឹងដូច្នេះ។

គោលបំណងរបស់លោក ប្រសិនបើនៅមានកម្លាំងនិងមានពេលវេលា លោកនឹងបន្តការចលនាមាមីងចូលរួមកសាងស្ពាន ថ្នល់លើភូមិសាស្រ្តឲ្យបានសម្រេច១០០% ធានាការធ្វើដំណើរទៅមកបានងាយស្រួលខួបប្រាំងវស្សា។ ចំពោះការងារដ៏ល្អរបស់លោកដាវធើយ ក្នុងការចលនាកសាងគមនាគមន៍ជនបទនិងឆន្ទៈឈានឡើងធ្វើសេដ្ឋកិច្ចពូកែ ប៉ុន្មានឆ្នាំកន្លង លោកបានរដ្ឋអំណាចគ្រប់លំដាប់ថ្នាក់ ស្ងើចសរសើរជូនរង្វាន់និងជូនកិត្តិនាមគំរូឆ្នើមជាច្រើន៕

ឡេស៊ាង-លីសៀ

ចែករំលែកអត្ថបទ

ពាក្យគន្លឹះ