គោលនយោបាយ -ការរស់នៅ ការរស់នៅ

26/07/2016 - 10:16

ចាកផុតពីភាពក្រីក្រដោយសាររៀនរបរ

អាស្រ័យកំណត់ទិសវិជ្ជាជីវៈឲ្យកូនបានល្អ និងខិតខំរកស៊ីផងនោះ បានជាគ្រួសារពូដាវសុខ នៅភូមិឌិញខាញ់ ឃុំឌិញម៉ូង ស្រុកថើយឡាយ ក្រុងកឹងធើ បានចាកផុតពីភាពក្រីក្រឈានឡើងធូរធារ។

ពូដាវសុខ និងកូនប្រុសដាវតារា។

គ្រួសារពូដាវសុខ ពីដើមគឺជាគ្រួសារក្រីក្រ គ្មានដីផលិតកម្ម ថែមទាំងមានកូនច្រើនទៀតរបរសំខាន់របស់ពូគឺដើរធ្វើការឈ្នួល។ កូនធំៗរបស់ពូចាំបាច់ត្រូវឈប់រៀនពាក់កណ្តាលការ ដើម្បីជួយគ្រួសារចិញ្ចឹមប្អូនៗ នៅតូច។ ក្តីសង្ឃឹមទាំងប៉ុន្មានរបស់គ្រួសារបង្អែកលើកូនពៅ គឺដាវតារា ដែលជាកូនលុះក្នុងដំបូន្មាននិងរៀនពូកែ។

ឆ្នាំ២០០៨ បន្ទាប់ពីកូនប្រុសពៅដាវតារាប្រឡងបញ្ចប់មធ្យមសិក្សាចំណេះទូទៅ ពូដាវសុខឲ្យកូនជ្រើសរើសដោយខ្លួនឯង៖ រៀនមហាវិទ្យាល័យឬក៏រៀនរបរ។ បងដាវតារា ឲ្យដឹង៖ "កាលនោះ ខ្ញុំយល់ឃើញថាប្រសិនបើរៀនមហាវិទ្យាល័យនឹងត្រូវបង់ខាតថវិកាសិក្សាច្រើន ឪពុកនិងបងៗពិតជានឿយហត់ជាងទៀត។ ខ្ញុំសូមឪពុកទៅរៀនមធ្យមសិក្សា វិជ្ជាជីវៈផ្នែកគ្រឿងយន្ត"។ ពីរឆ្នាំក្រោយមកបងដាវតារា បានប្រឡងបញ្ចប់កម្មសិក្សានិងឆ្លងតាមរយៈការប្រឡងជម្រើសសហការពលកម្មនៅប្រទេសជប៉ុន។ បេីពិនិត្យស្ថានភាពគ្រួសារ គឺជាគ្រួសារខ្មែរមានជីវភាពទល់ក្រ ហេតុនោះបងតារាមិនបង់ថវិកាអ្វីទាំងអស់ ហើយថែមទាំងបានរដ្ឋអំណាចឃុំជួយឧបត្ថម្ភបែបបទទៅពលកម្មនៅបរទេសទៀតផង។ ពូដាវសុខ ឲ្យដឹង ៖ "កាលតារាទើបទៅពលកម្មនៅបរទេសបានជាង១ខែ ផ្ញើប្រាក់មកផ្ទះបានជិត២០លានដុង។ យប់នោះ គ្រួសារខ្ញុំត្រេកអរគ្មានអ្នកណាដេកបាន។ ខ្ញុំតាំងចិត្តថា មិនប្រើប្រាស់ទឹកប្រាក់ នេះដោយខ្ជះខ្ជាយឡើយខ្ញុំយកធ្វើដើមទុនរកស៊ី ដើម្បីចាកផុតពីជីវភាពក្រីក្រ"។

ពេលវេលាចេះតែកន្លងទៅបីឆ្នាំ ចុះកិច្ចសហការពលកម្មនៅប្រទេសជប៉ុន ក៏បានកន្លងផុតទៅតាមការប៉ាន់ស្មានបងដាវតារាបានប្រិតសំចៃប្រាក់និងផ្ញើមកជូនគ្រួសារសរុបជាង៩០០លានដុង។ ទឹកប្រាក់ទាំងនេះ ពូដាវសុខវិនិយោគទុនសម្រាប់អភិវឌ្ឍសេដ្ឋកិច្ចគ្រួសារ។ ដំបូងពូបើកហាងលក់កាហ្វេក្នុងសួនច្បារ និងលក់គ្រឿងសារពើភណ្ឌ ក្រោយមកពូវិនិយោគទុនព្រលានបាល់ទាត់ដើម្បីបម្រើយុវជននៅភូមិភាគ។ ផ្តើមពីនោះ សេដ្ឋកិច្ចគ្រួសារពូដាវសុខបានធូរធារឡើង។

បច្ចុប្បន្ន ប្រាក់ចំណូលពីលក់ហាងកាហ្វេលក់សារពើភណ្ឌ និងមណ្ឌលកុមារកម្សាន្តសប្បាយគ្រួសារពូរកបានប្រាក់ចំណូលប្រចាំថ្ងៃ។ កូនៗ របស់ពូសុទ្ធតែបានចេញនៅដោយឡែក មានដើមទុនរកស៊ី មានជីវភាពលំនឹង។ អាស្រ័យកំណត់ទិសរៀនរបរសមស្របឲ្យកូន ព្រមទាំងខិតខំរកស៊ី បច្ចុប្បន្ន គ្រួសារពូដាវសុខ ជាគ្រួសារគំរូបានមាមីងជាច្រើននៅភូមិភាគកោតសរសើរនិងយកតម្រាបតាម៕

ថាច់ថាញ់ភូ-វិមាន

ចែករំលែកអត្ថបទ

ពាក្យគន្លឹះ