វប្បធម៌-សិល្បៈ សិល្បៈ

19/05/2015 - 15:44

ស្នងមរតកចម្រៀងចាប៉ីដងវែងនៅតំបន់បៃណូយ

ពេលឃើញចូវធូហានិងចៅសម្អាតចេះចម្រៀងចាប៉ីដងវែងអ្នកណាក៏មានការចាប់អារម្មណ៍និងមានសេចក្តីត្រេកអរពន់ពេកពីព្រោះទម្រង់សិល្បៈប្រជាប្រិយនេះត្រូវបានបងទាំងពីរស្នងបន្តហើយសុទ្ធសឹងជាអ្នកមានស្រុកកំណើតនៅអូរឡឹម។

ចូវធូហានិងចៅសម្អាតកំពុងសម្ដែងចម្រៀងចាប៉ីដងវែង។

អភិរក្សសិល្បៈប្រជាប្រិយចាប់ពីពាក់កណ្តាលខែមិថុនាឆ្នាំ២០១៤មន្ទីរវប្បធម៌កីឡានិងទេសចរណ៍ខេត្តអាងយ៉ាងបានរៀបចំបើកថ្នាក់ចម្រៀងចាប៉ីដងវែងដោយមានការណែនាំរបស់សិល្បករចៅហ្នឹងនៅឃុំអូរឡឹមស្រុកទ្រីតូងខេត្តអាងយ៉ាងជនរួមជាតិខ្មែរនៅទីនេះមានសេចក្តីត្រេកអរក្រៃលែង។ ថ្ងៃដែលយើងខ្ញុំទៅសួរសុខទុក្ខសិល្បករចៅហ្នឹងមានក្ដីរំភើបចិត្តយ៉ាងខ្លាំងពីព្រោះមានយុវវ័យរៀនបន្តនូវទម្រង់សិល្បៈប្រជាប្រិយ។ ម្យ៉ាងទៀត៥-៦ខែមកនេះលោកមានជំងឺក្នុងកាយហេតុនោះធ្វើដំណើរទៅមកមានការលំបាកមិនបានងាយស្រួលដូចមុន។ "ក្មួយៗដែលចូលមករៀនសុទ្ធតែអាចច្រៀងនិងដេញចាប៉ីបានទាំងអស់។ ពេលចូវធូហានិងចៅសម្អាតទៅហាណូយសម្តែងបានជោគជ័យខ្ញុំមានសេចក្តីត្រេកអរខ្លាំងណាស់"-សិល្បករចៅហ្នឹង ឲ្យដឹងដូច្នេះ។ តាមប្រសាសន៍របស់បងង្វៀនថាញ់វៀតប្រធានគណៈកម្មការវប្បធម៌ -សង្គមឃុំអូរឡឹមចំនួនយុវជនចូលរូមរៀនច្រៀងនិងដេញចាប៉ីមានភាពកុះករហើយលទ្ធផលសាកល្បងចុងវគ្គសិក្សាសុទ្ធតែសម្រេចតាមតម្រូវការប៉ុន្តែលេចធ្លោបំផុតគឺចូវធូហា (កម្មាភិបាលគតិយុត្តិ) និងចៅសម្អាត (គ្រូបង្រៀនសាលាបឋមសិក្សា) ។ "កន្លងហើយបងទាំងពីរបានចាត់ទៅសម្តែងនៅភូមិវប្បធម៌បណ្តាជនជាតិភាគតិចវៀតណាមនៅហាណូយមានភ្ញៀវនិងមហាជនឲ្យតម្លៃខ្ពស់" -បងវៀតអំនួតដូច្នេះ។ចូវធូហាមានទេពកោសល្យខាងចម្រៀងរបាំ ទើបបានទទួលចូលរួមសកម្មភាពទេសចរណ៍កសិករ។ ចំណែកចៅសម្អាតមានការចេះដឹងខ្លះៗខាងចម្រៀងចាប៉ីដងវែង។ អាស្រ័យហេតុនោះពេលបើកថ្នាក់បង្រៀនចម្រៀងចាប៉ីដងវែងបងទាំងពីរបានចុះឈ្មោះចូលរៀន។ អ្នកទាំងពីរមានចំណូលចិត្តនិងក្ដីប្រាថ្នាដូចគ្នានោះគឺចង់បានរួមចំណែកក្នុងការអភិរក្សទម្រង់ចម្រៀងប្រជាប្រិយរបស់ជនរួមជាតិខ្មែរតំបន់បៃណូយដែលកំពុងរងការបាត់បង់ក្រោយមកក៏ចង់សាកល្បងសមត្ថភាពចម្រៀងចាប៉ីដងវែង។ ពីព្រោះសម័យទំនើបសព្វថ្ងៃមិនសូវមានអ្នកណាចូលចិត្តប្រភេទសិល្បៈបុរាណនេះទេ។

ភាពផ្លាស់ប្តូរនៅតំបន់បៃណូយបច្ចុប្បន្នក្នុងភូមិសាស្រ្តអូរឡឹមមានទម្រង់សិល្បៈខ្មែរចំនួន៣នោះគឺយីកេ (ក្រុមគ្រួសារសិល្បករចៅចាប) ភ្លេងពិណពាទ្យ (វត្តត្នោតជ្រំ) និងចម្រៀងចាប៉ីដងវែង (សិល្បករចៅហ្នឹង)។ ពិសេសសិល្បៈចម្រៀងចាប៉ីនាបច្ចុប្បន្នមានចូវធូហានិងចៅសម្អាតជាអ្នកបន្តវេន។ "ទម្រង់សិល្បៈនេះមិនត្រឹមតែត្រូវបានអភិរក្សប៉ុណ្ណោះទេតែនៅទាំងបានពង្រីកឆ្លងតាមរយៈការដោះដូរសិល្បៈនៅបណ្តាពិធីជួបជុំផ្សេងៗព្រមទាំងឧទ្ទេសនាមជូនភ្ញៀវទេសចរមកទស្សនាទៀតផង" -បងង្វៀនថាញ់វៀតមានប្រសាសន៍បន្ថែមដោយសេចក្តីសង្ឃឹមដូច្នេះ។ ពីព្រោះទីនេះជាកន្លែងទេសចរណ៍មួយក្នុងចំណោមកន្លែង "ទេសចរណ៍កសិករ" ទាំង១៥នៅអាងយ៉ាង។

ចម្រៀងចាប៉ីធម្មតាគឺអ្នកច្រៀងគេច្រៀងបណ្តើរដេញចាប៉ីអមបណ្តើរមានសូរសៀងដ៏ពីរោះរណ្តំពិសេសគឺនៅពេលច្រៀងពណ៌នាពីរឿងរ៉ាវអ្វីមួយ។ បងចូវធូហានិងចៅសម្អាតឲ្យដឹងដូច្នេះ។ "នៅពេលច្រៀងបទ "ជនបទអូរឡឹមផ្លាស់ថ្មី" នៅភូមិវប្បធម៌បណ្តាជនជាតិវៀតណាមនៅហាណូយអ្នកណាក៏ចាប់អារម្មណ៍ពីព្រោះឃើញប្លែកពេក។ ខ្ញុំទាំងពីរនាក់ខិតខំសម្តែងអស់ពីសមត្ថភាព"-បងចូវធូហាឲ្យដឹងដូច្នេះ។ ខ្លឹមសារនៃចម្រៀងគឺរៀបរាប់អំពីភូមិស្រុកផ្លាស់ថ្មីដោយសារការយកចិត្តទុកដាក់របស់បក្សនិងរដ្ឋ។

ចូវធូហានិងចៅសម្អាតកើតនិងធំដឹងក្តីនៅអូរឡឹមហេតុនោះបានឃើញនឹងភ្នែកនូវការលំបាករបស់ឃុំតំបន់ភ្នំតំបន់ដាច់ស្រយាល។ បានជាខ្លឹមសារនៃបទចម្រៀងកាន់តែញ៉ាំងឲ្យបងទាំងពីរចូលចិត្តសិល្បៈចម្រៀងចាប៉ីនិងធ្វើឲ្យអ្នកស្តាប់បានយល់ដឹងខ្លះៗអំពីឃុំមួយដែលមានជនរួមជាតិខ្មែររស់នៅជាង៨៥%។ កន្លែងដែលមានយុទ្ធជននារីខ្មែរមួយរូបពលីជីវិតនិងកងទ័ពប្រជាជនភូមិភាគបានផ្តល់កិត្តិយសជា "វីរកងកម្លាំងប្រដាប់អាវុធប្រជាជន" ក្នុងការតស៊ូប្រឆាំងអាមេរិកសង្គ្រោះជាតិ៕

ផាងត្រុងអឹង-វិមាន

ចែករំលែកអត្ថបទ

ពាក្យគន្លឹះ