ព្រឹត្តិការណ៍ - នយោបាយ នយោបាយ

08/07/2014 - 09:54

នាយករដ្ឋមន្រ្តីកម្ពុជា សម្តេចហ៊ុនសែន ទទួលជួបគណៈ ប្រតិភូតំណាងសមាគមមិត្តភាពវ

កន្លងហើយ នៅវិមានសន្តិភាពរាជធានីភ្នំពេញ នាយករដ្ឋមន្រ្តីកម្ពុជា សម្តេចហ៊ុនសែន បានទទួលជួបគណៈប្រតិភូតំណាងសមាគមមិត្តភាព វៀតណាម-កម្ពុជា ដឹកនាំដោយលោក វ៉ូម៉ៅ ប្រធានសមាគមមិត្តភាព វៀតណាម-កម្ពុជា បានអញ្ជើញទៅបំពេញទស្សកិច្ច និងធ្វើការនៅប្រទេសកម្ពុជាចាប់ពីថ្ងៃ២៥ដល់ថ្ងៃ២៧ ខែមិថុនាកន្លងហើយ។

ទិដ្ឋភាពអង្គប្រជុំរវាងសមាគមមិត្តភាពវៀតណាម-កម្ពុ ជា ( រូបៈ ស្វឹងឃូ /ទីភ្នាក់ងារសារពត៌មានវៀតណាម)

នៅក្នុងជំនួបនេះ នាយករដ្ឋមន្រ្តីកម្ពុជា សម្តេចហ៊ុនសែន បានឲ្យតម្លៃខ្ពស់ចំពោះដំណើរទស្សនកិច្ច និងធ្វើការរបស់គណៈប្រតិភូតំណាងសមាគមមិត្តភាពវៀតណាម-កម្ពុជា។ នាយករដ្ឋមន្រ្តី សម្តេចហ៊ុនសែន បានរំលឹកឡើងវិញពីអនុស្សាវរីយ៍ ដែលសម័យយុទ្ធជនកងទ័ពស្ម័គ្រ ចិត្តវៀតណាម មិនធុញទ្រាន់លំបាក ពលីជីវិតជួយប្រជាជនកម្ពុជា ប្រឆាំងរបបប្រល័យពូជសាសន៍ខ្មែរក្រហម។ នាយករដ្ឋមន្រ្តី សម្តេចហ៊ុន សែន បានបញ្ជាក់ពីភាពជាក់ស្តែងដែលពុំអាចច្រានចោលបាននោះគឺ ការឧបត្ថម្ភដោយអស់ពីចិត្តពីថ្លើមនិងពលីសាច់ឈាមរបស់យុទ្ធជនកង ទ័ពស្ម័គ្រចិត្តវៀតណាម បានជួយឲ្យប្រទេសកម្ពុជារស់ឡើងវិញ និងមានការរីកចម្រើនដូចសព្វថ្ងៃ។

នាយករដ្ឋមន្រ្តី សម្តេចហ៊ុនសែន បានសម្តែងនូវសេចក្តីរីករាយចំពោះ សកម្មភាពដ៏សកម្មរបស់សមាគមមិត្តភាពប្រទេសទាំងពីរ រួចសំណូមពរភាគីទាំងសងខាង គប្បីបន្តការជំរុញយ៉ាងខ្លាំងក្លាបណ្តាសកម្មភាព សហប្រតិបត្តិការដូចៈ ដោះដូរក្រុមប្រតិភូទៅវិញទៅមកបង្កើនបណ្តាសកម្មភាព ទំនាក់ទំនងរវាងប្រជាជនទាំងពីរប្រទេស រវាងភូមិភាគនានា ដែលនៅជាប់បន្ទាត់ព្រំដែនរួម ពិសេសគឺយកចិត្តទុកដាក់ក្នុងការអប់រំ ស្រទាប់យុវវ័យទាំងពីរប្រទេសអំពីទំនាក់ទំនងប្រពៃណីល្អរវាងប្រទេសទាំងពីរ ប្រជាជនទាំងពីរដែលបានពូនជ្រុំដោយសាច់ និងឈាមនៃ រៀមច្បងយើង។

តំណាងគណៈប្រតិភូ លោកវ៉ូម៉ៅ បានថ្លែងអំណរគុណនាយករដ្ឋមន្រ្តី សម្តេចហ៊ុនសែន ដែលបានឆ្លៀតពេលទទួលជួបគណៈប្រតិភូវិសេស គឺអបអរសាទរនាយករដ្ឋមន្រ្តី សម្តេចហ៊ុនសែន និងប្រជាជនកម្ពុជា ដែលកសាងបាននូវសមិទ្ធផលជាច្រើននាពេលកន្លង លើវិស័យសេដ្ឋកិច្ច សង្គមកិច្ចសន្តិសុខការពារប្រទេស។ លោកវ៉ូម៉ៅបានគូសបញ្ជាក់៖ប្រជាជនវៀតណាម តែងអំណរគុណដល់ការឧបត្ថម្ភដ៏ថ្លៃថ្លារបស់ប្រជាជន កម្ពុជា ចំពោះបុព្វហេតុតស៊ូឯកភាពទឹកដីកាលពីមុននិងក្នុងការកសាង អភិវឌ្ឍមាតុភូមិវៀតណាមនាសព្វថ្ងៃ។ សមាគមមិត្តភាពវៀតណាម-កម្ពុជាផ្តុំកម្លាំង ជំរុញទំនាក់ទំនងរវាងប្រជាជនទាំងពីរប្រទេស ឲ្យកាន់តែប្រសើរ ដើម្បីរួមចំណែកពូនជ្រុំចំណងមិត្តភាពដ៏ល្អប្រសើររវាងប្រទេសទាំងពីរប្រជាជនទាំងពីរ ពីមួយថ្ងៃទៅមួយថ្ងៃកាន់តែ ស្ថិរភាព ឋិតថេរចីរកាល។

ស្របឱកាសនេះ គណៈប្រតិភូតំណាងសមាគមមិត្តភាពវៀតណាម-កម្ពុជា បានមានកិច្ចពិគ្រោះយោបល់ជាមួយនឹងថ្នាក់ដឹកនាំសមាគមមិត្តភាពកម្ពុជា-វៀតណាម អាស្រ័យលោកជំទាវ ម៉ែនសំអន ឧបនាយករដ្ឋមន្រ្តីកម្ពុជា ជាប្រធានសមាគម។

ថ្នាក់ដឹកនាំសមាគមទាំងពីរប្រទេសបានឯកភាព បន្តការជំរុញយ៉ាងខ្លាំងក្លា បណ្តាសកម្មភាពសហប្រតិបត្តិការដោយវិធីច្រើនយ៉ាង ដើម្បីពង្រឹងនិងពង្រីកទំនាក់ទំនងមិត្តភាពជិតខាងល្អ បង្កើនការយល់ដឹងរវាង ប្រជាជនទាំងពីរប្រទេសពង្រឹង និងពង្រីកទំនាក់ទំនងមិត្តភាព និងសហប្រតិបត្តិការលើគ្រប់វិស័យ រវាងប្រទេសទាំងពីរ។

មុននោះ គណៈប្រតិភូតំណាងសមាគមមិត្តភាពវៀតណាម-កម្ពុជា បានអញ្ជើញទៅសួរសុខទុក្ខថ្នាក់ដឹកនាំ បុគ្គលិកស្ថានទូតប្រទេសយើងប្រចាំនៅប្រទេសកម្ពុជា ព្រមទាំងអញ្ជើញចូលអុជធូប និងដាក់កម្រងផ្កា នៅស្តូបរំលឹកកងទ័ពស្ម័គ្រចិត្តវៀតណាមនៅក្រុងភ្នំពេញ៕

យោងៈ(ទីភ្នាក់ងារសារពត៌មានវៀតណាម)-មុនី

ចែករំលែកអត្ថបទ

ពាក្យគន្លឹះ