គោលនយោបាយ -ការរស់នៅ គោលនយោបាយ

02/06/2015 - 09:03

អស់ពីចិត្តដើម្បីភូមិស្រុក

មាមីងខ្មែរនៅភូមិព្រែកពិន្ទង ឃុំភូមី ស្រុកមីទូ ខេត្តសុកត្រាំង តែងមាន ការគោរពរាប់អានលោកអ៊ំតាំងហឿហានជានិច្ច ពីព្រោះលោកជាអ្នកមានប្រជាប្រិយភាពមួយរូបតែងមានសន្ដានចិត្តជួយអ្នកក្រ។

អ៊ំតាំងហឿហាន សំណេះសំណាលជាមួយនឹងព្រះសង្ឃក្នុងបន្ទប់រៀនក្នុងវត្តដែលគាត់ជំហរចលនាកសាង។

លោកថាច់តា ប្រធានការិយាល័យជនជាតិស្រុកមីទូ ឲ្យដឹង៖ "អ៊ំហាន ជាអ្នកមានប្រជាប្រិយភាពម្នាក់ តែងបានមាមីងនៅភូមិព្រែកពិន្ទងជឿទុកចិត្ត។ គាត់មានអត្តចរិតស្លូតបូតមិនសូវវោហារ តែបើនិយាយគឺធ្វើ ពិសេសគឺការកសាងស្ពានបេតុង ផ្លូវគមនាគមន៍ជនបទបង្គោលទង់ជូនអំណោយដល់សិស្សានុសិស្ស ឧបត្ថម្ភអ្នកក្រ។ល។ "។

ព្រែកពិន្ទង ជាភូមិតំបន់ជ្រៅរបស់ឃុំភូមី ខណៈពេលបានរដ្ឋកសាងផ្លូវគមនាគមន៍ជនបទ តភ្ជាប់ទៅដល់ឃុំនិងភូមិនៅក្បែរៗ ប្រជាជននៅទីនេះមានការត្រេកអរខ្លាំងណាស់។ រួមជាមួយនឹងរដ្ឋកសាងផ្លូវ អ៊ំហានបានជំហរចលនាសប្បុរសជននៅក្នុងនិងក្រៅប្រទេស រួមវិភាគទានរាប់រយលានដុងដើម្បីកសាងផ្លូវគមនាគមន៍ជនបទ។ ហេតុនេះហើយ បច្ចុប្បន្នរាល់ច្រកចូលទៅកាន់ភូមិព្រែកពិន្ទង សុទ្ធសឹងបានក្រាលបេតុងចូលទៅដល់ផ្ទះប្រជាជន។ អ៊ំហាន នៅទាំងចលនាកសាងស្ពានបេតុងបាន៧ខ្សែ, ចលនាកសាងបង្គោលទង់របង។ល។ រួមចំណែកក្នុងការកសាងភូមិស្រុកឲ្យកាន់តែស្រស់បំព្រង។ ឆ្នាំ២០១៤ អ៊ំហានចលនាទឹកប្រាក់បានរាប់រយលានដុង ដើម្បីដាក់អំពូលភ្លើងនៅតាមដងផ្លូវក្នុងភូមិ ព្រែកពិន្ទង។ សព្វថ្ងៃនេះ នៅពេលរាត្រីមានអគ្គិសនីភ្លឺប្រុះពេញភូមិ ព្រែកពិន្ទង រួមចំណែករក្សាសន្តិសុខក្នុងភូមិ។

ជារៀងរាល់ឆ្នាំ អ៊ំតាំងហឿហាន នៅទាំងចលនាសប្បុរសជនរួមវិភាគទានជាសៀវភៅប៊ិច និងលុយកាក់ដើម្បីឧបត្ថម្ភសិស្សក្រីក្រនៅភូមិភាគ។ មិនត្រឹមតែប៉ុណ្ណោះ គាត់នៅទាំងចលនាកសាងបន្ទប់រៀនក្នុងវត្ត សរុបទឹកប្រាក់ជាង៤០០លានដុង។ អ៊ំហាន ឲ្យដឹង៖ "នេះជាបន្ទប់រៀនសម្រាប់ព្រះសង្ឃ និងសិស្សានុសិស្សជាកូនចៅមាមីងក្នុងភូមិចូលមករៀនអក្សរខ្មែរ។ ដោយឡែកនៅថ្ងៃធម្មតា វត្តឲ្យគណ:កម្មការប្រជាជន ភូមិខ្ចីធ្វើជាកន្លែងប្រជុំ"។ ទន្ទឹមនឹងនោះ គាត់នៅទាំងចលនាក្រុមញាតិ ឧបត្ថម្ភអង្ករជាង២តោនជួយដល់អ្នកក្រ។

ប៉ុន្មានឆ្នាំមកអាយ រាល់ទង្វើរបស់អ៊ំតាំងហឿហាន តែងមានអត្ថន័យជាក់ស្ដែងក្នុងការរួមចំណែកកសាងភូមិព្រែកពិន្ទង។ សកម្មភាពទាំងនេះ ផុសចេញពីសន្ដានចិត្តហេតុនេះមាមីងនៅទីនេះតែងជឿទុកចិត្ត និងសាមគ្គីព្រួតដៃគ្នាកសាង។ ទោះបីឆ្នាំនេះគាត់មានអាយុ៦៧ឆ្នាំ ក៏ដោយ ប៉ុន្តែអ៊ំហាននៅតែខិតខំអស់ពីចិត្តដើម្បីភូមិស្រុកដើម្បីមាមីងខ្មែរ ៕

យ្វីអាញ់- ពេជ្រសឿន

ចែករំលែកអត្ថបទ

ពាក្យគន្លឹះ