សុខភាព - អប់រំ អប់រំ

15/07/2014 - 10:15

ជំនួយកម្លាំងបេក្ខសិស្សក្នុងរដូវប្រឡងរបស់វត្តពិទូរ្យឃោសរង្សី

អស់រយៈពេលជាង២០ឆ្នាំមកហើយ វត្តពិទូរ្យឃោសរង្សីបានរក្សាខ្ជាប់សកម្មភាព ជំនួយកម្លាំងដោយផ្ទាល់កន្លែងស្នាក់នៅសម្រាប់បេក្ខសិស្សពីខេត្តនានាឡើងមកក្រុងកឹងធើ ចូលរួមប្រឡងមហាវិទ្យាល័យ។

ព្រះតេជព្រះគុណលីហ៊ុង ឧទេ្ទសនាមនិងណែនាំបេក្ខសិស្សទាំងឡាយ ប្រើប្រាស់បណ្ណាល័យរបស់វត្ត សម្រាប់រំលឹកមេរៀនប្រឡង ។

វត្តពិទូរ្យឃោសរង្សី ស្ថិតនៅក្នុងមជ្ឈមណ្ឌលក្រុងកឹងធើ ម៉្លោះហើយ តែងមានភាពងាយស្រួលសម្រាប់បេក្ខសិស្សស្នាក់នៅ និងធ្វើដំណើរទៅកាន់មណ្ឌលប្រឡងនានា។ ឆ្នាំនេះ បើគិតទាំងពីរលើកប្រឡង វត្តទទួលបេក្ខសិស្សជាង១០០នាក់ ប្អូនៗភាគច្រើនមានទាំងអាណាព្យាបាលមកតាមជាមួយក៏បានរៀបចំឲ្យស្នាក់នៅក្នុងវត្តផងដែរ។ ពិសេស វត្តបានរៀបចំការហូបចុក កន្លែងដេកនៅ អគ្គិសនី ទឹកប្រើប្រាស់ ក៏ដូច ទោចក្រយានយន្តជូនប្អូនៗ ទៅកាន់មណ្ឌលប្រឡង គឺត្រូវបានវត្តជំនួយទាំងស្រុង។

ក្នុងរយៈពេល៤ឆ្នាំមកអាយ វត្តពិទូរ្យឃោសរង្សីបានសហការជាមួយ នឹងសមាគមពុទ្ធសាសនាវៀតណាម ទទួលប្អូនៗបន្ថែមមកពីខេត្ត ក្រុងនានានៅតំបន់ណាមបូ ដែលមានតម្រូវការស្នាក់នៅ។ ម្យ៉ាងទៀតប្អូន ៗត្រូវបានទៅទទួលដល់ចំណត់រថយន្ត ដោយមានសមាជិក-ជិកាស្ម័គ្រចិត្តចំនួន២០នាក់ ភាគច្រើនគឺជានិស្សិតស្នាក់នៅនឹងវត្ត។ ជាពិសេស សោហ៊ុយចំណាយទៅលើប្រេងសាំង និងទូរស័ព្ទទាំងប៉ុន្មាន ក្នុងទំនាក់ទំនងជូននាំបេក្ខសិស្ស ត្រូវបានប្អូនៗសមាជិក-ជិកាស្ម័គ្រចិត្តទទួលរ៉ាប់ រងដោយមិនគិតប្រាក់កម្រៃនោះទេ។សមាជិក-ជិកាស្ម័គ្រចិត្តទាំងឡាយ ក្រោកតាំងពីម៉ោង៤ទាបភ្លឺ រួចដាស់ក្រោកបេក្ខសិស្សដើម្បីទៅកាន់បន្ទប់ប្រឡងឲ្យបានទាន់ពេល។ ប្អូនឡេវុាំងយ័ញ នៅស្រុកវិញធ្វឹង ខេត្តគៀងយ៉ាង គឺជានិស្សិតប្រឡងបញ្ចប់វិញ្ញាបនប័ត្រ ហើយក៏បានវិលត្រឡប់មកវត្តជួយបំពេញការងារសង្គហធម៌ ឲ្យដឹងៈ "កាលពីមុនរូបខ្ញុំក៏ដូចជាប្អូនៗដែរ ដំបូងឆ្ងាយពីផ្ទះ នៅរងេរងើ ដោយសារបានបងៗស្នាក់ នៅមុនៗជួយណែនាំ។ អាស្រ័យហេតុនោះ ឆ្នាំណាក៏ដូចឆ្នាំណា រដូវប្រឡង ប្អូនតែងប្រមូលមិត្តភ័ក្តិចូលរួមក្រុមស្ម័គ្រចិត្ត ជំនួយកម្លាំងបេក្ខសិស្សរដូវប្រឡងដើម្បីជួយបន្តវេនគ្នា ទុកដូចជាការងារមួយដ៏មានប្រយោជន៍"។
ក្នុងមួយថ្ងៃៗ វត្តពិទូរ្យឃោសរង្សី ផ្គត់ផ្គង់បាយម្ហូបជាង១០០ចំណែក ផ្តល់ជូនបេក្ខសិស្សនិងទាំងអាណាព្យាបាល។ បន្ទប់ស្នាក់នៅក្នុងវត្ត ស្ទើរតែទាំងអស់ត្រូវបានរៀបចំឲ្យប្អូនៗ មានទាំងកន្លែងស្នាក់នៅនិងរំលឹកមេរៀន។ ព្រះវិហារទាំង៣ជាន់ តែងមានកង្ហារ ភ្លើងអគ្គិសនីគ្រប់សព្វ បង្កលក្ខណសម្បត្តិងាយស្រួលបំផុតសម្រាប់ប្អូនៗ។ ព្រះតេជព្រះគុណលីហ៊ុង ព្រះចៅអធិការវត្តពិទូរ្យឃោសរង្សី មានព្រះថេរដីកាៈ "ពី មួយឆ្នាំទៅមួយឆ្នាំចំនួនបេក្ខសិស្សមកស្នាក់នៅវត្តកាន់តែច្រើនឡើងៗ ប៉ុន្តែទឹកចិត្តរបស់ពុទ្ធបរិស័ទពីមួយថ្ងៃទៅមួយថ្ងៃក៏កាន់តែមានសទ្ធាជំនួយខ្លាំងណាស់ដែរ។ ចាប់តាំងពីទឹកហូបរហូតដល់បន្លែផ្លែឈើនិងម្ហូបអាហារផ្សេងៗដទៃទៀត ត្រូវបានពុទ្ធបរិស័ទជំនួយនាំយកមកប្រគេនដល់វត្ត។ ទឹកចិត្តរបស់ពុទ្ធបរិស័ទ ដើម្បីអនាគតយុវវ័យជំនាន់ក្រោយគួរឲ្យកោតសរសើរខ្លាំងណាស់"។
បងស្រីង្វៀងធីមើុយ នៅស្រុកឡាយវ៉ុង ខេត្តដុងថាប ឲ្យដឹងៈ "នាងខ្ញុំនឹងកូនស្រីមកប្រឡងទាំងពីរលើក។ ការប្រឡងលើកដំបូង នាងខ្ញុំជួលផ្ទះសំណាក់នៅ ឃើញថាការប្រើប្រាស់ចាយវាយបង់ខាតច្រើនណាស់។ លើកនេះ ដឹងថាវត្តមានកម្មវិធីជំនួយកម្លាំងរដូវប្រឡង បានជានាងខ្ញុំមកសុំស្នាក់នៅក្នុងវត្ត។ នាងខ្ញុំនឹងមិនភ្លេចគុណចំពោះការជួយអស់ពីព្រះទ័យរបស់ព្រះសង្ឃនិងប្អូនៗសមាជិក-ជិកាស្ម័គ្រចិត្តទេ"។ នោះក៏ ជាមនោសញ្ចេតនារបស់អាណាព្យាបាលសិស្សជាច្រើនឯទៀតដែល នាំកូនឡើងរួមប្រឡង ឪពុកម្តាយណាក៏រំភើបចិត្តចំពោះការអស់ពីចិត្តរបស់វត្តដែរ។ ប្អូនៗភាគច្រើនតែងមកពីតំបន់ឆ្ងាយ ជីវភាពគ្រួសារជួបការលំបាក ម្ល៉ោះហើយមានការហូបចុក ស្នាក់នៅ រៀនសូត្រ ដូច្នេះប្អូនៗស្ងប់ចិត្ត មានអារម្មណ៍នឹងនរ ដើម្បីចូលរួមប្រឡងនឹងគេ។ ព្រះតេជព្រះគុណលីហ៊ុង មានព្រះថេរដីកាបន្ថែមៈ "វត្តក៏ដូចជាពុទ្ធបរិស័ទដែល មានសទ្ធាជ្រះថ្លា សង្ឃឹមថាប្អូនៗនឹងប្រឡងបានល្អ ដើម្បីមានអនាគតភ្លឺស្វាងនឹងគេ។ អាត្មាភាពតែងរៀបរាប់ឲ្យប្អូនៗស្តាប់អំពីជំនាន់បេក្ខសិស្សមុនៗ ជាអ្នកមានជីវភាពគ្រួសារក្រលំបាក ធ្លាប់ស្នាក់នៅវត្ត សព្វថ្ងៃបានជោគជ័យ។ បច្ចុប្បន្ន មូលដ្ឋានសម្ភារៈដែលប្អូនប្រើប្រាស់នេះ គឺបានមកពីបេក្ខសិស្សមុនៗបន្សល់ទុកមក។ ផ្តើមពីនោះ បង្កបានជាកម្លាំងចលករ ដើម្បីប្អូនៗខិតខំរៀនសូត្រ ឆ្លងកាត់ការលំបាក ប្រឡង បានសម្រេចជោគជ័យល្អ"៕

ថាច់ថាញ់ភូ- លីសៀ

ចែករំលែកអត្ថបទ

ពាក្យគន្លឹះ