សន្តិសុខ - ការពារប្រទេស សន្តិសុខ

06/05/2014 - 09:24

បង្កើនការបង្ការប្រឆាំង ឧក្រិដ្ឋកម្មនិងបាបគ្រោះសង្កម

នោះគឺយោបល់ចង្អុលការរបស់លោកង្វៀងតៀងហាយ អនុប្រធានគណៈកម្មាធិការប្រជាជនខេត្ត ប្រធានគណៈចង្អុលការ បង្ការប្រឆាំងឧក្រិដ្ឋកម្ម និងបាបគ្រោះសង្គមកសាងការចលនាទូទាំងប្រជាជនការ ពារសន្តិសុខមាតុភូមិខេត្តកាម៉ាវ នៅសន្និបាតផ្សព្វផ្សាយការងារបង្ការប្រឆាំងឧក្រិដ្ឋកម្ម បាបគ្រោះសង្គម និងកសាងចលនាទូទាំងប្រជាជនការពារសន្តិសុខមាតុភូមិឆ្នាំ២០១៤។

នគរបាលខេត្តកាម៉ាវ ចូលរួមជាមួយនឹងអង្គការមហា ជនជួបសំណេះសំណាលនឹងប្រជាជន ដេីម្បីបង្កា ឧក្រិដ្ឋកម្ម បាប់គ្រោះសង្គម។

ទោះបីបណ្តាថ្នាក់បណ្តាផ្នែកភូមិភាគ មានការខ្នះខ្នែងយ៉ាងច្រើនក្នុងការតស៊ូបង្ការបង្រ្កាបឧក្រិដ្ឋកម្មគ្រប់ប្រភេទ ប៉ុន្តែសង្កេតរួមករណីឧក្រិដ្ឋកម្មឆ្នាំ២០១៣ នៅតែកើនឡើងច្រើនជាង បើប្រៀបធៀបជាមួយឆ្នាំ២០១២។ ជាក់ស្តែងបំផុត គឺករណីប្រព្រឹត្តបំពានច្បាប់ព្រហ្មទណ្ឌមួយចំ នួនត្រូវបានប្រទះឃើញនិងវិនិច្ឆ័យរួចរាល់ក្នុងឆ្នាំ២០១៣ ចំនួន៦៣៤ករណី ដោយមានការជាប់ពាក់ព័ន្ធនឹងមុខសញ្ញាចំនួន៨២៣នាក់ កើន៥២ករណី បើប្រៀបធៀបនឹងឆ្នាំមុនឧក្រិដ្ឋកម្មខាងគ្រឿងញៀនត្រូវបានប្រទះឃើញ និងវិនិច្ឆ័យរួចរាល់ចំនួន១៨២ករណី ដោយមានការពាក់ព័ន្ធដល់មុខសញ្ញាចំនួន២៨៦នាក់។ វត្ថុតាងត្រូវបានដកហូតរួមមាន heroinជាង៤៣ក្រាមនិងកញ្ឆាជាង២គីឡូក្រាម។ នៅឆ្នាំ២០១៣ ដដែល ក៏កើតមានករណីប្រព្រឹត្តល្មើសខាងសេដ្ឋកិច្ចចំនួន១៤៦ ដោយមានការជាប់ពាក់ព័ន្ធនឹងមុខសញ្ញាចំនួន១៥០នាក់ កើន៤៣ករណី បើប្រៀបធៀបនឹងឆ្នាំ២០១២ មានករណីចំនួន១៧៣ប្រព្រឹត្តល្មើសខាងបរិស្ថាន ដែលស្ថាប័នសមត្ថកិច្ចប្រទះឃើញ រួចបានវិនិច្ឆ័យទាន់ពេល និងពិន័យ រដ្ឋបាលជាង៥០០លានដុង។

យោងតាមវរសេនីយ៍ឯកង្វៀងវាំុងតឺយ នាយកនគរបាលខេត្តកាម៉ាវ ស្ថានភាពឧក្រិដ្ឋកម្ម និងបាបគ្រោះសង្គមមានការប្រព្រឹត្តឡើងយ៉ាងស្មុគស្មាញនិងបង្កើនចំនួនករណី គឺអាស្រ័យដោយសកម្មភាពផ្សព្វ ផ្សាយត្រួតពិនិត្យដាស់តឿនក្រើនរំលឹកមិនទាន់ពេល ការចលនាទូទាំងប្រជាជនចូលរួមបង្ការបង្រ្កាបឧក្រិដ្ឋកម្មមិនទាន់រវាសរវៃ ច្នៃប្រតិដ្ឋ។ រូបភាពវិធីសាស្រ្តបង្ការបង្រ្កាប់មិនទាន់ស្រប និងស្ថានភាពជាក់ស្តែងនៅ រាល់ភូមិភាគរាល់មុខសញ្ញា។ល។

យើងខ្ញុំបានចលនាទាំងប្រព័ន្ធនយោបាយ និងប្រជាជនចូលរួមបង្ការនូវរាល់ឧក្រិដ្ឋកម្ម។ នេះគឺជាជោគជ័យដ៏ធំ ប៉ុន្តែដើម្បីរុញច្រានឲ្យថយ ក្រោយប្រភេទឧក្រិដ្ឋកម្ម នោះគឺជារឿងមួយផ្សេងដោយឡែក។ បើចង់ ឲ្យមានការផ្លាស់ប្តូរឆាប់រហ័ស គឺត្រូវផ្លាស់ប្តូរបណ្តារូបភាពផ្សព្វផ្សាយ ហើយត្រូវតែរវៀសរវៃក្នុងវិជ្ជាជីវៈលោកវរសេនីយ៍ឯកង្វៀងវាំុងតឺយ ឲ្យដឹងដូច្នេះ។ យោងតាមវរសេនីយ៍ឯកង្វៀងវាំុងតឺយ លក្ខណៈដោយឡែករបស់ខេត្តកាម៉ាវ គឺតំបន់ព្រែកទន្លេភូមិសាស្រ្តធំទូលាយថែមទាំងមានជនជាតិភាគតិចរស់នៅកុះករ ម្ល៉ោះហើយការចាំបាច់ត្រូវតែចលនាឲ្យបាននូវការចូលរួមរបស់សហគមន៍បណ្តាជនជាតិក្នុងការបង្ការបង្រ្កាប ឧក្រិដ្ឋកម្មគ្រប់ប្រភេទ។ "និយាយថាចូលរួមតែមិនចាំបាច់ព័ទ្ធចាប់ឧក្រិដ្ឋជនដោយផ្ទាល់ទាំងអស់នោះទេ គឺគ្រាន់តែត្រូវការនូវពត៌មានបរិហាយ៉ាងសកម្ម ឬក៏សកម្មភាពផ្សព្វផ្សាយដើម្បីជនរួមជាតិនិងបណ្តាជនជាតិភាគតិចចៀសឲ្យឆ្ងាយពីបាបគ្រោះសង្គម អប់រំនិងចិញ្ចឹមកូនចៅឲ្យជាមនុស្សល្អក្នុងសង្គម។ល។ គឺត្រូវមានការគាំទ្រដោយពេញ ទំហឹងពីសំណាក់អ្នកមុខអ្នកការសាសនា អ្នកមានប្រជាប្រិយភាពក្នុងចំណុះជើងវត្ត"លោកវរសេនីយ៍ឯកតឺយបានបញ្ជាក់ដូច្នេះ។

យោងតាមលោកង្វៀងតៀងហាយ ផ្នែកសមត្ថកិច្ចគ្រប់លំដាប់ថ្នាក់នៅខេត្តកាម៉ាវ គប្បីដំណើរការរៀបចំឡើងវិញឲ្យបានរឹងមាំនូវគណៈចង្អុលការបង្ការបង្រ្កាបឧក្រិដ្ឋកម្ម និងបាបគ្រោះសង្គមនិងជំរុញឲ្យបាន សកម្មជាងទៀតនូវការចលនាទូទាំងប្រជាជន ចូលរួមការពារសន្តិសុខ មាតុភូមិរីឯកងកម្លាំងទទួលបន្ទុកគប្បីជំរុញយ៉ាងឆាប់រហ័សនូវដំណើរការស៊ើបបអង្កេតបណ្តាសំណុំរឿងដែលនៅសល់និងអូសអន្លាយ ដើម្បីបង្កក្តីទុកចិត្តនិងជាទីបង្អែកសម្រាប់ប្រជាជន បណ្តាផ្នែកសមត្ថកិច្ច ធ្វើសេនាធិការនិងអនុវត្តឲ្យបានល្អនូវបណ្តាបទបញ្ជារបស់មជ្ឈិម អំពីការបង្ការបង្រ្កាបស្រ្តីរកស៊ីផ្លូវភេទ ផ្តាច់គ្រឿងញៀន លើកកម្ពស់ជាងទៀត នូវប្រសិទ្ធភាពការងារពិនិត្យព្យាបាលជំងឺជូនអ្នកផ្តាច់គ្រឿងញៀន ស្រ្តីរកស៊ីផ្លូវភេទជំរុញការងារបង្ការបង្រ្កាបគ្រឿងញៀនក្នុងសិស្សសាលា។ល។

លោកង្វៀងតៀងហាយ មានការយកចិត្តទុកដាក់ចំពោះតំបន់មានជនរួមជាតិជាជនជាតិភាគតិចរស់នៅកុះករ គណៈកម្មាធិការបក្ស រដ្ឋអំណាច់គ្រប់លំដាប់ថ្នាក់ អង្គការមហាជនត្រូវទំនាក់ទំនងនិងធ្វើកិច្ចសហការជិតស្និទ្ធជាមួយនឹងមហាជន ប្រជាជន ពិសេសគឺព្រះសង្ឃ គណៈកម្មការ អាចារ្យវត្ត បណ្តាអ្នកមានប្រជាប្រិយភាពក្នុងតំបន់ជនជាតិភាគតិច។ ពីព្រោះទាំងនេះជាអ្នកមានឋានៈមានប្រជាប្រិយភាពក្នុងជនជាតិភាគតិច ប្រសិនបើបានអ្នកទាំងនោះចូលរួមដោយស្មោះស្ម័គ្រការងារ ផ្សព្វផ្សាយចលនាប្រជាជន កម្ចាត់បាបគ្រោះសង្គមនឹងនាំមកនូវប្រសិទ្ធភាពជាក់ស្តែងនិងឆាប់រហ័សជាពុំខាន៕

ហឺវតុង-សឺនម៉ាល័យ

ចែករំលែកអត្ថបទ

ពាក្យគន្លឹះ