មហាសាមគ្គីជនជាតិ គំរូក្នុងសហគមន៍

04/08/2026 - 08:46

ព្រះតេជព្រះគុណអស់ពីព្រះទ័យ ដើម្បីមាមីងពុទ្ធបរិស័ទ

អស់រយៈពេលជាង ៣១ ព្រះវស្សាសាងផ្នួសបួសរៀន ព្រះតេជព្រះគុណ ស៊ើងសាង ព្រះចៅ អធិការវត្តពោធិផ្តោក ឃុំកេសាត់ ទីក្រុងកឹងធើ អនុវត្តល្អការងារសាសនានិងសង្គម ខ្នះខ្នែងចលនាមាមីងពុទ្ធបរិស័ទខ្មែរ រួមកម្លាំងកសាងវត្តអារាមកាន់តែមានភាពសមរម្យ។

ព្រះតេជព្រះគុណ ស៊ើងសាង ព្រះចៅអធិការវត្តពោធិផ្តោក ឃុំកេសាត់។

ឆ្នាំ១៩៩៥ ព្រះតេជព្រះគុណស៊ើងសាង បានឪពុកម្តាយនាំចូលវត្តពោធិផ្តោកសាងផ្នួសបួសរៀន។ ក្នុងរយៈពេលបួសរៀន ព្រះតេជព្រះគុណ ស៊ើងសាង តែងរួមជាមួយគណៈកម្មការវត្ត ចលនាមាមីងពុទ្ធបរិស័ទជួយឧបត្ថម្ភព្រះសង្ឃរៀនសូត្រនិងកសាងវត្តអារាម។ ឆ្នាំ២០០៥ ព្រះតេជព្រះគុណ ស៊ើងសាង បានគណៈកម្មការវត្តនិងមាមីងពុទ្ធបរិស័ទមានទំនុកចិត្តតែងតាំងជាព្រះចៅអធិការស្តីទី លុះដល់ឆ្នាំ ២០១៤ ព្រះអង្គកាន់តំណែងជាព្រះចៅអធិការវត្តពេញសិទ្ធិ រហូតមកទល់សព្វថ្ងៃ។ ផ្តើមពីនោះ ព្រះតេជព្រះគុណស៊ើងសាង បានយកព្រះទ័យទុកដាក់កសាងវត្តអារាម គិតគូរការរៀនសូត្ររបស់ព្រះសង្ឃ ចលនាមាមីងពុទ្ធបរិស័ទសាមគ្គីព្រួតដៃកសាងវត្តអារាមកាន់តែមានភាពសមសម្យ។ ព្រះតេជព្រះគុណស៊ើងសាង មានថេរដីកា៖ “ក្នុងនាមជាព្រះចៅអធិការវត្ត ត្រូវមានការទទួលខុសត្រូវក្នុងការកសាងវត្តអារាម យកព្រះទ័យទុកដាក់ដល់ការសិក្សារបស់ព្រះសង្ឃ ចលនាមាមីងពុទ្ធបរិស័ទខ្នះខ្នែងគិតគូរអភិវឌ្ឍសេដ្ឋកិច្ច ដើម្បីលើកស្ទួយជីវភាព។ ពិសេសគឺចលនាពុទ្ធបរិស័ទរស់នៅសាមគ្គី រួមគ្នាអភិវឌ្ឍសេដ្ឋកិច្ច។ រយៈពេលកន្លង អាត្មាភាពរួមជាមួយគណៈកម្មការវត្តបានចលនាមាមីងពុទ្ធបរិស័ទរួមវិភាគទានប្រាក់និងកម្លាំងពលកម្ម ដើម្បីកសាងនិងជួសជុលសំណង់ជាច្រើនក្នុងវត្ត មានដូច៖ ជួសជុល ព្រះវិហារ គិតជាទឹកប្រាក់សរុបជាង ១ ពាន់លានដុង សមណកុដិ គិតជាទឹកប្រាក់សរុប ៨០០ លានដុង សាលាមួយខ្នងតម្លៃ ៥០០ លានដុង ឈាបនដ្ឋានគិតជាទឹកប្រាក់សរុប ២៧០ លានដុង រោងភត្តតម្លៃជាង ២ ពាន់លានដុង និងសំណង់ផ្សេងៗទៀត គិតជាទឹកប្រាក់ជាង ១ ពាន់លានដុង”។

ជាមួយនឹងការទំនុកចិត្តរបស់មាមីងពុទ្ធបរិស័ទ និងការយកព្រះទ័យទុកដាក់របស់ព្រះតេជ ព្រះគុណ ស៊ើងសាង ដូច្នេះ ផ្នែកសំណង់ជាច្រើន មានដូច៖ ព្រះវិហារ កុដិ សាលា ខ្លោងទ្វារ ទីធ្ល។ល។ ក្នុងវត្តពោធិផ្តោក ត្រូវបានសាងសង់ ជួសជុលមានភាពសមរម្យ ស្រស់ស្អាត។ ទន្ទឹមនឹងនោះ ព្រះតេជព្រះគុណស៊ើងសាង ថែមទាំងចលនាពុទ្ធបរិស័ទក្នុងចំណុះជើងវត្តអនុវត្តល្អនូវគោលការណ៍ គោលមាគ៌ារបស់បក្ស គោលនយោបាយនិងច្បាប់របស់រដ្ឋ ផ្សព្វផ្សាយដល់ព្រះសង្ឃនិងមាមីងពុទ្ធបរិស័ទ ចូលរួមជាមួយរដ្ឋអំណាចរក្សារឹងមាំស្ថានភាពសន្តិសុខសណ្តាប់ធ្នាប់ អភិរក្សតម្លៃវប្បធម៌ប្រពៃណីរបស់ជនរួមជាតិខ្មែរ។ ពិសេស រៀងរាល់ថ្ងៃសីល ពេលមាមីងខ្មែរមកវត្ត ព្រះតេជព្រះគុណស៊ើងសាង គួបផ្សំការផ្សព្វផ្សាយ ចលនាមាមីងចូលរួមចលនាទូទាំងប្រជាជនការពារសន្តិសុខមាតុភូមិ និងប្រុងប្រយ័ត្នចំពោះឧបាយកលញុះញង់របស់អានុភាពអមិត្ត។ លោក ឡឹមសាវេត ប្រធានគណៈកម្មការវត្ត ឱ្យដឹង៖ “វត្តកសាងសមរម្យជាមួយស្ថាបត្យកម្មដែលបានតុបតែងលើផ្នែក សំណង់ជាច្រើន មានភាពប្រណីតដូចសព្វថ្ងៃនេះ អាស្រ័យភាពសាមគ្គីរវាងព្រះសង្ឃនិងគណៈកម្មការវត្ត ក្នុងនោះ មានព្រះតេជព្រះគុណស៊ើងសាង តែងមានគំនិតផ្តួចផ្តើម ខ្នះខ្នែងក្នុងការកសាងផ្នែកសំណង់ជាច្រើនក្នុងវត្ត ម៉្លោះហើយបានមាមីងពុទ្ធបរិស័ទគាំទ្រ ឧបត្ថម្ភទាំងថវិកានិងកម្លាំងពលកម្ម ដើម្បីកសាងសម្រេចនូវផ្នែកសំណង់ជាច្រើនក្នុងវត្ត”។

ជាមួយនឹងការរួមចំណែកជាក់ស្តែងរបស់ព្រះតេជព្រះគុណស៊ើងសាង ក្នុងការផ្សព្វផ្សាយ ណែនាំ មាមីងជនរួមជាតិខ្មែរគោរពតាមបទប្បញ្ញត្តិនៃច្បាប់ ខ្នះខ្នែងចលនាជនរួមជាតិខ្មែររក្សាសន្តិសុខសណ្តាប់ធ្នាប់នៅភូមិភាគ កសាងវត្តអារាមនិងការងារសុខុមាលភាពសង្គម ព្រះតេជ ព្រះគុណ មានកិត្តិយសទទួលលិខិតសរសើរជាច្រើនពីគ្រប់គណៈផ្នែក និងគណៈកម្មាធិការប្រជាជនស្រុកកេសាត់ (ចាស់) និងប័ណ្ណសរសើររបស់គណៈកម្មាធិការប្រជាជនខេត្តសុកត្រាំង (ចាស់)៕

ដាលីន-មុនី

ចែករំលែកអត្ថបទ

ពាក្យគន្លឹះ