ព្រឹត្តិការណ៍ - នយោបាយ ព្រឹត្តិការណ៍

10/07/2026 - 18:43

គោលដៅកំណើនតួលេខ ២ ខ្ទង់ អាចសម្រេចទៅបាន លុះត្រាតែទូទាំងប្រព័ន្ធនយោបាយ និងសហគមន៍អាជីវកម្មរួមគ្នាធ្វើសកម្មភាព

គណៈកម្មាធិការប្រជាជនក្រុងកឹងធើ បានចាត់តាំងកិច្ចប្រជុំដើម្បីជួបជុំ និងលើកទឹកចិត្តអាជីវកម្មផលិតនៅលើភូមិសាស្ត្រក្រុងកឹងធើ ឆ្នាំ២០២៦។

កិច្ចប្រជុំដើម្បីជួបជុំ និងលើកទឹកចិត្តអាជីវកម្មផលិតនៅលើភូមិឋានក្រុងកឹងធើ ឆ្នាំ២០២៦។

លោក ឡេក្វាងទុង សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្សក្រុង ប្រធានគណៈប្រតិភូតំណាងរដ្ឋសភាក្រុងកឹងធើ; លោក ដុងវ៉ាំងថាញ់ សមាជិកគណៈប្រតិបត្តិការមជ្ឈិមបក្ស អនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជនក្រុង; លោក ត្រឿងកាញ់ត្វៀង អនុលេខាគណៈកម្មាធិការបក្សក្រុង ប្រធានគណៈកម្មាធិការប្រជាជនក្រុងកឹងធើ រួមចង្អុលការក្នុងកិច្ចប្រជុំ។ តំណាងបណ្តាមន្ទីរ ផ្នែកពាក់ព័ន្ធ និងអាជីវកម្មជាង ៥០ នៅលើភូមិឋានក្រុងបានអញ្ជើញចូលរួមក្នុងកិច្ចប្រជុំនេះ។

លោក ដុងវ៉ាំងថាញ់ សមាជិកគណៈប្រតិបត្តិការមជ្ឈិមបក្ស អនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជនក្រុង ថ្លែងមតិបញ្ជ្រាបតាមស្មារតីនៃកិច្ចប្រជុំ។

ថ្លែងមតិបញ្ជ្រាបតាមស្មារតីនៃកិច្ចប្រជុំ លោក ដុងវ៉ាំងថាញ់ បានសង្កត់ធ្ងន់ថា៖ ដើម្បីសម្រេចបាននូវគោលដៅកំណើនខ្ពស់ ក្រុងត្រូវតែបើកចំហរនូវរាល់ប្រភពធនធាន បង្កកម្លាំងចលករកំណើនថ្មី និងដោះស្រាយឱ្យបានទាន់ពេល នូវរាល់ចំណុចស្ទះ ដែលកំពុងរារាំងដល់សកម្មភាពផលិត និងអាជីវកម្ម។ ក្នុងនោះ សហគមន៍អាជីវកម្ម ជាពិសេសគឺវិស័យសេដ្ឋកិច្ចឯកជន ត្រូវបានកំណត់ថាជាកម្លាំងចលករដ៏សំខាន់នៃខឿនសេដ្ឋកិច្ច តាមស្មារតីនៃសេចក្តីសម្រេចចិត្តលេខ ៦៨-NQ/TW របស់ការិយាល័យនយោបាយ ស្តីពីការអភិវឌ្ឍសេដ្ឋកិច្ចឯកជន។

លោក ដុងវ៉ាំងថាញ់ បានមានប្រសាសន៍ កិច្ចប្រជុំនេះមិនត្រឹមតែដើម្បីស្តាប់នូវការលំបាក និងបញ្ហាប្រឈមប៉ុណ្ណោះទេ ប៉ុន្តែថែមទាំងដើម្បីកំណត់អត្តសញ្ញាណនូវរបាំងនៅក្នុងបរិយាកាសវិនិយោគ និងអាជីវកម្ម ផ្តើមពីនោះដាក់ចេញនូវដំណោះស្រាយ និងសេចក្តីសម្រេចឱ្យបានសមស្រប និងទាន់ពេលវេលា។ ថ្នាក់ដឹកនាំក្រុងមានបំណងចង់ឱ្យអាជីវកម្មឆ្លុះបញ្ចាំងដោយស្មោះត្រង់នូវភាពខ្វះចន្លោះក្នុងនីតិវិធីរដ្ឋបាល យន្តការ គោលនយោបាយ ការងារសហការ រវាងស្ថាប័ននានា ក៏ដូចជាចែករំលែកនូវរាល់អនុសាសន៍រយៈពេលយូរអំពីបរិយាកាសវិនិយោគ ហេដ្ឋារចនាសម្ព័ន្ធ ការផ្លាស់ថ្មីបច្ចេកវិទ្យា និងទិសដៅពង្រីកការផលិត។

អាជីវកម្មលើកឡើងនូវអនុសាសន៍ និងសំណើដល់ថ្នាក់ដឹកនាំទីក្រុង។

តំណាងមន្ទីរកសិកម្ម និងបរិស្ថានក្រុងកឹងធើ ឆ្លើយតបនូវរាល់ចម្ងល់របស់អាជីវកម្ម។

នៅក្នុងកិច្ចប្រជុំ អាជីវកម្មទាំងឡាយបានផ្តល់ព័ត៌មានសង្ខេបអំពីស្ថានភាពផលិត និងពាណិជ្ជកម្មក្នុងរយៈពេល ៦ ខែដើមឆ្នាំ ២០២៦; ទន្ទឹមនឹងនោះ បានលើកឡើងដោយត្រង់ៗនូវការលំបាក និងបញ្ហាប្រឈមពាក់ព័ន្ធនឹងនីតិវិធីដីធ្លី និងការវិនិយោគនៅអូសបន្លាយពេលយូរ។ ការប្រគល់ដី ការផ្លាស់ប្តូរគោលបំណងប្រើប្រាស់ដីធ្លី ការកែសម្រួលផែនការរៀបចំក្រុង និងការកំណត់តម្លៃដីធ្លី គឺមិនទាន់សមស្របជាមួយភាពជាក់ស្តែង ជះឥទ្ធិពលដល់ល្បឿនអនុវត្ត គម្រោងពង្រីកការផលិត។

អាជីវកម្មបានស្នើឱ្យក្រុងបន្តជំរុញការកែទម្រង់នីតិវិធីរដ្ឋបាល ដោះស្រាយឱ្យបានឆាប់នូវបញ្ហាស្មុគស្មាញខាងនីតិវិធីច្បាប់ក្នុងសកម្មភាពវិនិយោគ និងការនាំចេញ-នាំចូល; យកចិត្តទុកដាក់ឧបត្ថម្ភបើកទូលាយតំបន់វត្ថុធាតុដើម, បង្កលក្ខណៈខិតជិតប្រភពទុនអាទិភាព បង្កើនការជំរុញពាណិជ្ជកម្ម និងពង្រីកទីផ្សារនាំចេញ។ ទន្ទឹមនឹងនោះ វិនិយោគអភិវឌ្ឍហេដ្ឋារចនាសម្ព័ន្ធដឹកជញ្ជូន ឡូជីស្ទីក លើកកម្ពស់គុណភាពធនធានមនុស្ស និងមានគោលនយោបាយគាំទ្រអាជីវកម្ម ក្នុងការអនុវត្តវិទ្យាសាស្ត្រ បច្ចេកវិទ្យា និងផ្លាស់ប្តូរឌីជីថល...

លោក ត្រឿងកាញ់ត្វៀង អនុលេខាគណៈកម្មាធិការបក្សក្រុង ប្រធានគណៈកម្មាធិការប្រជាជនក្រុងកឹងធើ ថ្លែងមតិបូកសរុបកិច្ចប្រជុំ។

ថ្លែងមតិបូកសរុបកិច្ចប្រជុំ លោក ត្រឿងកាញ់ត្វៀង បានសង្កត់ធ្ងន់ថា៖ តាមរយៈមតិយោបល់នានានៅក្នុងកិច្ចប្រជុំ បានបង្ហាញឱ្យឃើញពីជំនឿទុកចិត្ត និងការប្តេជ្ញាចិត្តរួមដំណើររបស់សហគមន៍អាជីវកម្មចំពោះការអភិវឌ្ឍរបស់ក្រុងក្រោយពីរួមបញ្ចូល។ ប្រធានគណៈកម្មាធិការប្រជាជនក្រុងបានអះអាងថា គោលដៅកំណើនសេដ្ឋកិច្ចតួលេខ ២ ខ្ទង់ គឺអាចសម្រេចទៅបាន លុះត្រាតែប្រព័ន្ធនយោបាយទាំងមូល និងសហគមន៍អាជីវកម្មរួមគ្នាប្តេជ្ញាចិត្តធ្វើសកម្មភាព។

ចំពោះអនុសាសន៍ដែលអាជីវកម្ម បានលើកឡើងនៅក្នុងកិច្ចប្រជុំ ប្រធានគណៈកម្មាធិការប្រជាជនក្រុងបានប្រគល់ភារកិច្ចឱ្យការិយាល័យនៃគណៈកម្មាធិការប្រជាជនក្រុង ប្រញឹកធ្វើសេនាធិការក្នុងការចេញលិខិតណែនាំ បែងចែកការទទួលខុសត្រូវច្បាស់លាស់ដល់មន្ទីរ ផ្នែក និងភូមិភាគនីមួយៗ និងពេលវេលាដោះស្រាយជាក់លាក់។ រាល់ខ្លឹមសារដែលហួសពីសមត្ថកិច្ច ត្រូវតែពិនិត្យ និងបូកសរុបដើម្បីឱ្យក្រុងមានសំណើជូនស្ថាប័នមជ្ឈិមពិនិត្យ និងដោះស្រាយបានទាន់ពេល ។ បណ្តាស្ថាប័នជំនាញ បន្តកែទម្រង់នីតិវិធីរដ្ឋបាលយ៉ាងខ្លាំងក្លា កាត់បន្ថយតិចបំផុត ៣០% ពេលវេលាដោះស្រាយសំណុំឯកសារតាមកិច្ចចង្អុលការរបស់មជ្ឈិម; លើកកម្ពស់គុណភាពបម្រើប្រជាជន និងអាជីវកម្ម; ជំរុញអនុវត្តបច្ចេកវិទ្យាឌីជីថល និងបង្កើនការផ្សារភ្ជាប់គ្នាក្នុងការដោះស្រាយនីតិវិធីរដ្ឋបាល។

ប្រធានគណៈកម្មាធិការប្រជាជនក្រុងសង្ឃឹមថា សហគមន៍អាជីវកម្មនឹងបន្តកសាងយុទ្ធសាស្ត្រអភិវឌ្ឍន៍រយៈពេលយូរ បង្កើនការចងសម្ព័ន្ធ ពង្រីកទីផ្សារ វិនិយោគលើការផ្លាស់ថ្មីបច្ចេកវិទ្យា ជំរុញការផ្លាស់ប្តូរឌីជីថល លើកកម្ពស់ទិន្នផល គុណភាព សមត្ថភាពប្រកួតប្រជែង និងកសាងម៉ាកសញ្ញាប្រកបដោយចីរភាព។

មីថាញ-វ៉ាន់តឹន

ចែករំលែកអត្ថបទ

ពាក្យគន្លឹះ