ព្រឹត្តិការណ៍ - នយោបាយ ព្រឹត្តិការណ៍

06/07/2026 - 16:32

លោកអគ្គលេខាបក្ស ប្រធានរដ្ឋ តូឡឹម៖

អនុវត្តសេចក្តីសម្រេចចិត្តលេខ ៥៧ ត្រូវប្តេជ្ញាចិត្តជាងទៀត រឹងមាំជាងទៀតនិងជាក់ស្ដែងជាងទៀត

គណៈចង្អុលការមជ្ឈិមអំពីការអភិវឌ្ឍវិទ្យាសាស្ត្របច្ចេកវិទ្យា ការផ្លាស់ថ្មីច្នៃប្រតិដ្ឋ និងការផ្លាស់ប្តូរឌីជីថល បានចាត់តាំងកិច្ចប្រជុំទូទាំងប្រទេស បូកសរុបបណ្តោះអាសន្នរយៈពេល ១ ឆ្នាំ ៦ ខែនៃការអនុវត្តសេចក្តីសម្រេចចិត្តលេខ ៥៧-NQ/TW ចុះថ្ងៃទី ២២ ខែធ្នូ ឆ្នាំ ២០២៤ របស់ការិយាល័យនយោបាយ អំពីភាពលោតផ្លោះនៃវិទ្យាសាស្ត្រ បច្ចេកវិទ្យា ការផ្លាស់ថ្មីច្នៃប្រតិដ្ឋ ការផ្លាស់ប្តូរឌីជីថលជាតិ (សេចក្តីសម្រេចចិត្តលេខ ៥៧)។ លោកអគ្គលេខាបក្ស ប្រធានរដ្ឋ តូឡឹម ប្រធានគណៈចង្អុលការមជ្ឈិម បានដឹកនាំកិច្ចប្រជុំនេះ។

ទិដ្ឋភាពទីតាំងតភ្ជាប់បណ្តាញនៅទីក្រុងកឹងធើ។

នៅទីតាំងតភ្ជាប់បណ្តាញទីក្រុងកឹងធើ លោកដុងវុាំងថាញ សមាជិកគណៈប្រតិបត្តិការមជ្ឈិមបក្ស អនុលេខាប្រចាំការនៃគណៈកម្មាធិការបក្ស ប្រធានក្រុមប្រឹក្សាប្រជាជនទីក្រុង និងថ្នាក់ដឹកនាំគណៈកម្មាធិការបក្ស ក្រុមប្រឹក្សាប្រជាជន គណៈកម្មាធិការប្រជាជនទីក្រុង ជាមួយនឹង មន្ទីរ គណៈ ផ្នែកអញ្ជើញចូលរួម។

ក្រោយពី ១ ឆ្នាំ ៦ ខែ សេចក្តីសម្រេចចិត្តលេខ ៥៧ បង្កបានភាពវិវឌ្ឍន៍យ៉ាងសំខាន់អំពីការយល់ដឹង ការប្តេជ្ញាចិត្តនយោបាយ និងវិធីសាស្រ្តចាត់តាំងអនុវត្ត; ជាជំហានៗបានក្លាយជាយន្តការដឹកនាំ ចង្អុលការ និងសម្របសម្រួលប្រមូលផ្តុំ ផ្សារភ្ជាប់នឹងការទទួលខុសត្រូវភាព ជាអ្នកដឹកនាំជាមួយនឹងផលិតផលច្រកចេញ។ របបមានជំហានវិវត្តន៍ អំពីគំនិតគ្រប់គ្រង បង្កើនស្វ័យភាព ជំរុញពាណិជ្ជកម្ម និងកៀរគរប្រ ភពធនធានសង្គម។ ថវិកាបែងចែកសម្រាប់វិទ្យាសាស្ត្រ បច្ចេកវិទ្យា ការផ្លាស់ថ្មីច្នៃប្រតិដ្ឋ និងការផ្លាស់ប្តូរឌីជីថលសម្រេចបាន ៣% នៃការចំណាយថវិការដ្ឋសរុប ជាកម្រិតខ្ពស់បំផុតក្នុងរយៈពេល ១០ ឆ្នាំ; គំនិតគ្រប់គ្រងផ្លាស់ប្តូរពីគ្រប់គ្រងច្រកចូល បែបបទមកស្វ័យភាពគ្រប់គ្រងតាមគោលដៅនិងលទ្ធផលច្រកចេញ។

វិទ្យាសាស្ត្របច្ចេកវិទ្យា និងការផ្លាស់ថ្មីច្នៃប្រតិដ្ឋ បានកំណត់ជា រូបរាងនូវភារកិច្ចសំខាន់ៗតាមរយៈការកំណត់ច្បាស់បច្ចេកវិទ្យាយុទ្ធសាស្ត្រចំនួន ១០ ក្រុម ផលិតផលចំនួន ៣០ ក្រុម និងបញ្ហាសំខាន់ៗ របស់ប្រទេសជាតិចំនួន ២០។ ទោះជាយ៉ាងណាក៏ដោយ ចំនួនបច្ចេកវិទ្យាដែលបានធ្វើម្ចាស់ ផលិតផលពាណិជ្ជភាវូបនីយកម្ម និងបង្កផលប៉ះពាល់សេដ្ឋកិច្ចនៅទាប ភាគច្រើនភារកិច្ចកំពុងស្ថិតក្នុងដំណាក់កាល រចនាប្លង់យន្តការ ត្រៀមបម្រុងវិនិយោគ ឬសាកល្បង។

អ្នកតំណាងចូលរួមនៅទីតាំងតភ្ជាប់បណ្តាញទីក្រុងកឹងធើ។

ទន្ទឹមនឹងលទ្ធផលដែលសម្រេចបាន កិច្ចប្រជុំក៏បានទទួលស្គាល់ដោយស្មោះនូវចំណុចរាំង ស្ទះធំបំផុតក្នុងការអនុវត្តសេចក្តីសម្រេចចិត្តលេខ ៥៧ ស្ថិតនៅផ្នែកចាត់តាំងអនុវត្ត។ ទិន្នន័យមិនសម្រេចតាមតម្រូវការត្រឹមត្រូវ មិនពេញលេញ មិនរៀបរយ និងមិនទាន់ហេតុការណ៍; អត្រារំសាយទុនសរុបថ្មីសម្រេច ២៣,៣៥%; មានភារកិច្ចជាច្រើនបានរាយការណ៍ថាសម្រេច រួចរាល់ ប៉ុន្តែមិនទាន់មានផលិតផលដំណើរការ អ្នកប្រើប្រាស់និងផលប៉ះពាល់បានពិនិត្យផ្ទៀងផ្ទាត់។

ផ្តើមពីភាពជាក់ស្តែងខាងលើ តម្រូវការដាក់ចេញអនុវត្តសេចក្តីសម្រេចចិត្តលេខ ៥៧ ក្នុងដំណាក់កាលខាងមុខគឺពន្លឿនល្បឿននិងជាក់ស្តែង។ មានការផ្លាស់ប្តូរយ៉ាងខ្លាំងក្លាពីការដាក់ ឱ្យប្រើឯកសារ កសាងផែនការ និងអនុវត្តភារកិច្ចច្នៃប្រតិដ្ឋចេញផលិតផលអាចប្រើប្រាស់បាន លទ្ធផលនោះអាចវាស់វែងបាន; យកប្រសិទ្ធភាពបម្រើប្រជាជន អាជីវកម្ម ទិន្នផលពលកម្ម និងរួមចំណែកសម្រាប់កំណើនធ្វើជាបន្ទាត់វាស់វែង។

ថ្លែងបូកសរុបក្នុងកិច្ចប្រជុំ លោកអគ្គលេខាបក្ស ប្រធានរដ្ឋ តូឡឹម ប្រធានគណៈចង្អុលការមជ្ឈិម បញ្ជាក់៖ អនុវត្តសេចក្តីសម្រេចចិត្តលេខ ៥៧ ត្រូវប្តេជ្ញាចិត្តជាងទៀត រឹងមាំជាងទៀត ប៉ុន្តែសំខាន់ជាងទៀតនោះ គឺត្រូវជាក់ស្តែង និងប្រសិទ្ធភាពជាងទៀត។ ក្រោយពីកិច្ច ប្រជុំនេះ សមាជិកគណៈចង្អុលការ គណៈកម្មាធិការអង្គការបក្សគ្រប់ថ្នាក់ ក្រសួង គណៈ ផ្នែក និងភូមិភាគចង្អុលការ និងត្រួតពិនិត្យដោយផ្ទាល់ កំណត់ច្បាស់នូវចំណុចរាំងស្ទះ មូលហេតុ ការទទួលខុសត្រូវ ផលិតផលនិងពេលវេលាសម្រេច។ ប្រញឹកធ្វើឱ្យជាក់ស្តែងនូវគោលការណ៍ ផែនការកំណត់ពេលវេលា និងការទទួលខុសត្រូវច្បាស់លាស់។ ប្តេជ្ញានាំវិទ្យាសាស្ត្របច្ចេកវិទ្យា ការផ្លាស់ថ្មីច្នៃប្រតិដ្ឋ និងការផ្លាស់ប្តូរឌីជីថល ក្លាយជាកម្លាំងចលករអភិវឌ្ឍខ្លាំង ក្លារបស់ប្រទេសជាតិ រួមចំណែកនាំប្រទេសវៀតណាមអភិវឌ្ឍឆាប់រហ័ស ចីរភាព ខ្លាំងពូកែ និងសម្បូររុងរឿង។

លោកអគ្គលេខាបក្ស ប្រធានារដ្ឋ តូឡឹម បាន បញ្ជាក់ក្នុងពេលខាងមុខ ការអនុវត្តសេចក្តី សម្រេចចិត្តលេខ ៥៧ ប្រមូលផ្តុំលើតម្រូវការ ៤ យ៉ាង៖

ទីមួយ ត្រូវបន្តបញ្ជ្រាបឱ្យទូលំទូលាយនូវសេចក្តីសម្រេចចិត្តលេខ ៥៧ ផ្សារភ្ជាប់នឹងតម្រូវការអនុវត្តសេចក្តីសម្រេចចិត្តមហាសន្និបាត លើកទី ១៤ របស់បក្ស។ ប្រសិនបើសេចក្តីសម្រេចចិត្តមហាសន្និបាតលើកទី ១៤ ជាគម្រោង រចនាប្លង់យុទ្ធសាស្ត្រដល់ដំណាក់កាលអភិវឌ្ឍថ្មី របស់ប្រទេសជាតិ គឺសេចក្តីសម្រេចចិត្តលេខ ៥៧ ជាកម្លាំងជំរុញមួយក្នុងចំណោមកម្លាំងជំ រុញសំខាន់ៗ ដើម្បីអនុវត្តឱ្យជាក់ស្តែងនូវគម្រោង រចនាប្លង់នេះ។

ទីពីរ ត្រូវបង្វែរពេញទំហឹងបង្កើតចេញផលិតផល លទ្ធផលនិងតម្លៃជាក់ស្តែង រួមចំណែកដោយផ្ទាល់ដល់គោលដៅកំណើនតួលេខពីរខ្ទង់។ ចាប់ពីពេលនេះ ភារកិច្ចអនុវត្តសេចក្តីសម្រេចចិត្តលេខ ៥៧ បានចាត់ទុកសម្រេចរួចរាល់ លុះត្រាតែមានផលិតផលដំណើរការ ទិន្នន័យមានការពិនិត្យផ្ទៀងផ្ទាត់ និងមានអ្នកប្រើប្រាស់ជាក់ស្តែង មានប្រសិទ្ធភាពដែលអាចវាស់វែងបាន។

ទីបី ត្រូវបង្កបានភាពវិវត្តន៍ព្រមៗចាប់ពីមជ្ឈិមដល់ភូមិភាគ ពីស្ថាប័នក្នុងប្រព័ន្ធនយោបាយដល់សង្គមទាំងមូល។

ទីបួន ត្រូវមានការផ្លាស់ថ្មីយ៉ាងខ្លាំងក្លាក្នុងការដឹកនាំ ចង្អុលការ ត្រួតពិនិត្យ ឃ្លាំមើល និងវាយតម្លៃលទ្ធផលជាក់ស្តែង៕

មីថាញ - វិមាន

ចែករំលែកអត្ថបទ

ពាក្យគន្លឹះ