ព្រឹត្តិការណ៍ - នយោបាយ ព្រឹត្តិការណ៍

29/06/2026 - 10:44

ជំរុញកិច្ចសហប្រតិបត្តិការរវាងទីក្រុងកឹងធើនិងដៃគូឥណ្ឌា

ដំណើរបំពេញទស្សនកិច្ចនិងបំពេញការងារនៅទីក្រុងកឹងធើ របស់ឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋឥណ្ឌា ប្រចាំនៅវៀតណាម មានអត្ថន័យយ៉ាងសំខាន់ក្នុងបរិការណ៍ដែលវៀតណាមនិងឥណ្ឌា ប្រារព្ធខួបលើកទី ១០ នៃការបង្កើតទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយ (២០១៦-២០២៦)។

ឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋឥណ្ឌា ប្រចាំនៅវៀតណាម លោក Tshering Wangchuk Sherpa ជូនវត្ថុអនុស្សាវរីយ៍ដល់លោក ឡេក្វាងទុង លេខាគណៈកម្មាធិការបក្សទីក្រុងកឹងធើ។

លោក ឡេក្វាងទុង សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្សក្រុង ប្រធានក្រុមប្រតិភូរដ្ឋសភាទីក្រុងកឹងធើ បានទទួលជួបពិភាក្សាការងារជាមួយលោក Tshering Wangchuk Sherpa ឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋ ឥណ្ឌា ប្រចាំនៅវៀតណាម។ ចូលរួមក្នុងពិធីទទួលជួបនេះ មានលោកស្រី ង្វៀងធីង៉ុកឌេប អនុប្រធានគណៈកម្មាធិការប្រជាជនទីក្រុងកឹងធើ រួមជាមួយនឹងថ្នាក់ដឹកនាំមន្ទីរ គណៈ ផ្នែកមួយចំនួនរបស់ទីក្រុង។

ថ្នាក់ដឹកនាំទីក្រុងកឹងធើថតរូបអនុស្សាវរីយ៍ជាមួយលោកឯកអគ្គរដ្ឋទូត Tshering Wangchuk Sherpa ។

នៅក្នុងពិធីទទួលជួប លោក ឡេក្វាងទុង បានបញ្ជាក់ថា ដំណើរបំពេញទស្សនកិច្ចនិងបំពេញការងារនៅទីក្រុងកឹងធើ របស់ឯកអគ្គរដ្ឋទូតវិសាមញ្ញនិងពេញសមត្ថភាពនៃសាធា រណរដ្ឋឥណ្ឌា ប្រចាំនៅវៀតណាម មានអត្ថន័យយ៉ាងសំខាន់ក្នុងបរិការណ៍ដែលប្រទេសទាំងពីរប្រារព្ធខួបលើកទី ១០ នៃការបង្កើតទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយ (២០១៦-២០២៦)។ ទំនាក់ទំនងមិត្តភាពជា ប្រពៃណីរវាងប្រទេសទាំងពីរ ពិសេសក្រោយ ដំណើរបំពេញទស្សនកិច្ចនៅប្រទេសឥណ្ឌា របស់លោកអគ្គលេខាបក្សប្រធានរដ្ឋ តូឡឹម បានបង្កកម្លាំងចលករថ្មី បើកឱកាសសហប្រតិបត្តិការជាក់ស្តែងជាច្រើនរវាងបណ្តាភូមិភាគដៃគូ និងអាជីវកម្មនៃភាគីទាំងពីរ។

ផ្ដល់ព័ត៌មានអំពីសក្តានុពលនិងឧត្តមភាពរបស់ទីក្រុង លោកលេខាគណៈកម្មាធិការបក្ស ទីក្រុង ឱ្យដឹង ក្រោយពេលរៀបចំឡើងវិញនូវអង្គភាពរដ្ឋបាល ទីក្រុងកឹងធើមានលំហធនធាននិងឱកាសអភិវឌ្ឍន៍បន្ថែមទៀត ដោយទំហំសេដ្ឋកិច្ចសម្រេចបានប្រមាណ ១៤ ពាន់លានដុល្លារអាមេរិក បន្តបញ្ជាក់ពីតួនាទីជាមជ្ឈមណ្ឌលកម្លាំងចលករនៃតំបន់វាលរាបទន្លេគឺវឡុង។ ទីក្រុងមានប្រៀបខ្លាំងខាងការផលិតកសិកម្ម កែច្នៃកសិ-ជលផល ពាណិជ្ជកម្ម ទេសចរណ៍និងឡូជីស្ទីក ព្រមទាំងកំពុងតម្រង់ទិសអភិវឌ្ឍន៍កសិកម្មបៃតងប្រកបដោយចីរភាព លើកកម្ពស់តម្លៃកែច្នៃ និងគុណភាពសេវាកម្ម។

លោកលេខាគណៈកម្មាធិការបក្សទីក្រុង វាយតម្លៃ កិច្ចសហប្រតិបត្តិការរវាងទីក្រុងកឹងធើ និងបណ្តាដៃគូឥណ្ឌា នៅមានលំហសម្រាប់អភិវឌ្ឍន៍ជាច្រើន។ ទីក្រុងមានបំណងចង់ឱ្យលោកឯកអគ្គរដ្ឋទូត វិសាមញ្ញនិងពេញសមត្ថភាពនៃសាធារណរដ្ឋឥណ្ឌាប្រចាំនៅវៀតណាម បន្តធ្វើជាស្ពានចម្លងជំរុញកិច្ចសហប្រតិបត្តិការវិនិយោគពាណិជ្ជកម្ម ទេសចរណ៍ អប់រំ-បណ្តុះបណ្តាល វិទ្យាសាស្ត្រ-បច្ចេកវិទ្យា និងការដោះដូររវាងប្រជាជននិងប្រជាជន។ ទន្ទឹមនឹងនោះ ទីក្រុងប្តេជ្ញាបង្កលក្ខណៈងាយស្រួល ដើម្បីឱ្យអាជីវកម្ម អ្នកវិនិយោគឥណ្ឌា ស្វែងយល់ សហការនិងអនុវត្តនូវគម្រោងស្របតាមទិសដៅអភិវឌ្ឍន៍របស់ទីក្រុង។

លោកឯកអគ្គរដ្ឋទូត Tshering Wangchuk Sherpa បានថ្លែងអំណរគុណចំពោះការទទួលបដិសណ្ឋារកិច្ចយ៉ាងកក់ក្តៅពីសំណាក់ ថ្នាក់ដឹកនាំទីក្រុងកឹងធើ និងឱ្យដឹងថា ដំណើរបំពេញទស្សនកិច្ចនេះ គឺដើម្បីស្វែងយល់ពីសក្តានុពល និងឧត្តមភាពរបស់ទីក្រុង តាមរយៈនោះ កំណត់ទិសដៅសហប្រតិបត្តិការជាក់ស្តែង ស្របតាមតម្រូវការនិងឧត្តមភាព របស់ភាគីទាំងពីរ។

តាមប្រសាសន៍របស់លោកឯកអគ្គរដ្ឋទូត Tshering Wangchuk Sherpa សេដ្ឋកិច្ចនិងពាណិជ្ជកម្ម បន្តជាសសរស្តម្ភដ៏សំខាន់ក្នុងទំនាក់ទំនងសហប្រតិបត្តិការវៀតណាម-ឥណ្ឌា។ ក្រៅពីនោះ វិទ្យាសាស្ត្រ-បច្ចេកវិទ្យា ទេសចរណ៍ កសិកម្ម អប់រំនិងការដោះដូរប្រជាជន គឺជាវិស័យដែលមានលំហសម្រាប់អភិវឌ្ឍន៍ជាច្រើន។ លោកឯកអគ្គរដ្ឋទូតមានបំណងសហការរៀបចំសិក្ខាសាលាជំរុញទេសចរណ៍តាមប្រព័ន្ធអនឡាញជាមួយទីក្រុងកឹងធើ ភ្ជាប់ទំនាក់ទំនងទីក្រុងជាមួយបណ្តាភូមិភាគ និងអាជីវកម្មឥណ្ឌាក្នុងវិស័យទេសចរណ៍ កសិកម្មនិងការវិនិយោគ។ លោកក៏បានវាយតម្លៃខ្ពស់ ចំពោះមូលដ្ឋានគ្រឹះនៃទំនុកចិត្ត និងការផ្សារភ្ជាប់រវាងប្រជាជននៃប្រទេសទាំងពីរ ព្រមទាំងមានបំណងបន្តជំរុញសកម្មភាពដោះដូរប្រជាជន វប្បធម៌ សិល្បៈ រួមចំណែកធ្វើឱ្យកាន់តែស៊ីជម្រៅថែមទៀតនូវទំនាក់ទំនងមិត្តភាពវៀតណាម-ឥណ្ឌា៕

ហុងវឹង - ថាច់ធី

ចែករំលែកអត្ថបទ

ពាក្យគន្លឹះ