ព្រឹត្តិការណ៍ - នយោបាយ ព្រឹត្តិការណ៍

22/06/2026 - 20:52

ភារកិច្ច និងដំណោះស្រាយសំខាន់ៗ ៥ក្រុម អនុវត្តសេចក្តីសន្និដ្ឋានរបស់នាយករដ្ឋមន្ត្រីនៃរដ្ឋាភិបាល

គណៈកម្មាធិការប្រជាជនទីក្រុងកឹងធើ ទើបដាក់ឱ្យប្រើផែនការលេខ ២៦៨/KH-UBND ដើម្បីចាត់តាំងអនុវត្តសេចក្តីសន្និដ្ឋានរបស់នាយករដ្ឋមន្ត្រីនៃរដ្ឋាភិបាល ឡេមិញហឹង ក្នុងឱកាសធ្វើការជាមួយនឹងគណៈអចិន្ត្រៃយ៍នៃគណៈកម្មាធិការបក្សទីក្រុងកឹងធើ។

ទីក្រុងកឹងធើ ប្តូរផ្តាច់កែលម្អបរិស្ថានវិនិយោគ អភិវឌ្ឍសេដ្ឋកិច្ចឯកជន ជំរុញផ្តើមអាជីព។ ក្នុងរូបថត៖ អ្នកតំណាងទស្សនាផលិតផលផ្តើមអាជីពរបស់សម្ព័ន្ធយុវជន និងនិស្សិតនៅសាកលវិទ្យាល័យ FPT - សាខាកឹងធើ។

តាមរយៈនោះ គណៈកម្មាធិការប្រជាជនទីក្រុងបានដាក់ចេញភារកិច្ច និងដំណោះស្រាយសំខាន់ៗចំនួន៥ក្រុម ដើម្បីអនុវត្តសេចក្តីសន្និដ្ឋានរបស់នាយករដ្ឋមន្ត្រីនៃរដ្ឋាភិបាល។ ចំពោះក្រុមដំណោះស្រាយអំពីចង្អុលការដឹកនាំ គណៈកម្មាធិការប្រជាជនទីក្រុងបានបញ្ជ្រាប និងផ្សព្វផ្សាយព្រមៗគ្នា ម៉ឺងម៉ាត់ និងមានប្រសិទ្ធភាពនូវសេចក្តីសម្រេចចិត្តមហាសន្និបាតតំណាងទូទាំងប្រទេសលើកទី ១៤ របស់បក្ស សេចក្តីសម្រេចចិត្ត និងសេចក្តីសន្និដ្ឋានរបស់មជ្ឈិម ការិយាល័យនយោបាយ គណៈលេខា រដ្ឋសភា ពិសេសគឺសេចក្តីសម្រេចចិត្តជាយុទ្ធសាស្ត្ររបស់ការិយាល័យនយោបាយ; ម្ចាស់ការពិនិត្យផ្ទៀងផ្ទាត់ បំពេញបន្ថែម និងធ្វើបច្ចុប្បន្នភាពផែនការរបស់ទីក្រុង ធានាឯកភាពជាមួយនឹងផែនការតំបន់វាលរាបទន្លេគឺវឡុង និងគម្រោងផែនការជាតិ; ពន្លឿនពិនិត្យផ្ទៀងផ្ទាត់ កែសម្រួលផែនការកំណើនតាមផ្នែក វិស័យ និងភូមិភាគ។

អំពីការវិនិយោគរបស់រដ្ឋ ទាក់ទាញវិនិយោគ និងអភិវឌ្ឍហេដ្ឋារចនាសម្ព័ន្ធ ទីក្រុងបានពន្លឿនកសាងនិងផ្សព្វផ្សាយផែនការវិនិយោគរបស់រដ្ឋរយៈពេលមធ្យម ដំណាក់កាល ២០២៦ - ២០៣០ វាយតម្លៃប្រសិទ្ធភាពវិនិយោគមុនពេលបែងចែកដើមទុន និងបន្ថយទាបបំផុត ៣០% នៃចំនួនគម្រោងបើប្រៀបនឹងដំណាក់កាល ២០២១ - ២០២៥។ ជំរុញល្បឿនដំណើរការនៃគម្រោងគមនាគមន៍ចងសម្ព័ន្ធតំបន់៖ ប្រព័ន្ធកំពង់ផែសមុទ្រអន្តរជាតិត្រឹងដេ ផ្លូវរថភ្លើងតភ្ជាប់ទីក្រុងហូជីមិញ - កឹងធើ ផ្លូវល្បឿនលឿនចូវដុក - កឹងធើ - សុកត្រាំង និងផ្លូវខ្សែក្រវាត់ខាងលិច។

ចំពោះក្រុមភារកិច្ច និងដំណោះស្រាយអំពីអភិវឌ្ឍលើផ្នែកនិងវិស័យសំខាន់ៗ ទីក្រុងជំរុញល្បឿនដំណើរការគម្រោងដោយទ្រង់ទ្រាយធំ បង្កើនអត្រាបំពេញឱ្យអស់មណ្ឌលឧស្សាហកម្មដែលមានស្រាប់ និងពន្លឿនទាញយកផលមណ្ឌលឧស្សាហកម្មថ្មី; តម្រង់ទិសកសាងទីក្រុងកឹងធើជាមជ្ឈមណ្ឌលកែច្នៃស៊ីជម្រៅ បង្កើនទិន្នផល គុណភាពផលិតផលកសិកម្ម ផ្តល់អាទិភាពថែរក្សាធនធានដីធ្វើស្រែ ដើម្បីធានាសន្តិសុខស្បៀងអាហារ។ ចំពោះក្រុមដំណោះស្រាយអំពីវិទ្យាសាស្ត្រ បច្ចេកវិទ្យា ផ្លាស់ប្តូរឌីជីថល សុខាភិបាល និងអប់រំ ទីក្រុងអនុវត្តមានប្រសិទ្ធភាពសេចក្តីសម្រេចចិត្តលេខ ៥៧-NQ/TW ចុះថ្ងៃទី ២២ ខែធ្នូ ឆ្នាំ ២០២៤ របស់ការិយាល័យនយោបាយ អំពីភាពលោតផ្លោះអភិវឌ្ឍវិទ្យាសាស្ត្រ បច្ចេកវិទ្យា ផ្លាស់ថ្មីច្នៃប្រតិដ្ឋ និងផ្លាស់ប្តូរឌីជីថលជាតិ កសាងប្រព័ន្ធមូលដ្ឋានទិន្នន័យតភ្ជាប់ជាមួយជាតិ និងចែករំលែកទិន្នន័យវិស័យរដ្ឋដល់វិស័យឯកជន។

អំពីភារកិច្ចរៀបចំប្រព័ន្ធចាត់តាំង វិនិច្ឆ័យទ្រព្យសម្បត្តិរដ្ឋដែលនៅសល់ កំណែទម្រង់រដ្ឋបាល និងសុខុមាលភាពសង្គម គណៈ ផ្នែកគ្រប់ថ្នាក់បន្តត្រួតពិនិត្យ ចាត់តាំង បណ្តុះបណ្តាលកម្មាភិបាល និងកងជួរបុគ្គលិកមិនជំនាញការថ្នាក់ឃុំ ធានាប្រព័ន្ធចាត់តាំងដំណើរការស្ថេរភាព និងមានប្រសិទ្ធភាព។ ប្តូរផ្តាច់កាត់បន្ថយបែបបទរដ្ឋបាល កែលម្អបរិស្ថានវិនិយោគ អភិវឌ្ឍសេដ្ឋកិច្ចឯកជន និងជំរុញផ្តើមអាជីព; អនុវត្តបានល្អនូវគោលនយោបាយសុខុមាលភាពសង្គម ជនជាតិ សាសនា និងធានាការការពារប្រទេស សន្តិសុខ និងសណ្តាប់ធ្នាប់សុវត្ថិភាពសង្គម៕

ក្វឹកថាយ - វិមាន

ចែករំលែកអត្ថបទ

ពាក្យគន្លឹះ