មហាសាមគ្គីជនជាតិ ភូមិស្រុកផ្លាស់ថ្មី

04/03/2026 - 06:48

កសិករខ្មែររវៀសរវៃ ច្នៃប្រតិដ្ឋអភិវឌ្ឍន៍សេដ្ឋកិច្ចជនបទ

ផ្តើមពីទម្រង់ផលិតមានប្រសិទ្ធភាព ជនរួមជាតិខ្មែរនៅតំបន់វាលរាបទន្លេគឺវឡុង កំពុងឈានឡើងធ្វើមានជាបណ្តើរៗ រួមចំណែកក្នុងការបង្វែររចនាសម្ព័ន្ធសេដ្ឋកិច្ចជនបទតាមទិសដៅចីរភាព លើកកម្ពស់ជីវភាពប្រជាជន។

កសិករប្រមូលផលផ្កាលម្អសម្រាប់បម្រើទីផ្សាបុណ្យចូលឆ្នាំថ្មី ប៊ិញង៉ ឆ្នាំ២០២៦ កន្លងហើយ។

ឃុំចូវថាញ់ ខេត្តអាងយ៉ាង ទន្ទឹមនឹងការប្រកបរបរផលិតស្រូវនិងដាំម្នាស់ប្រពៃណី របរដាំផ្កាលម្អបានបង្កើតឡើងនិងដំណើរការជិត ២០ ឆ្នាំកន្លងមក ហើយបានក្លាយជាមុខរបរពិសេសរបស់ភូមិភាគ ក្នុងឱកាសបុណ្យចូលឆ្នាំថ្មីវៀតណាម រៀងរាល់ឆ្នាំ។ ភូមិអាងខឿង ឃុំចូវថាញ់ ទូទាំងភូមិ មានប្រជាជនប្រកបរបរដាំផ្កាលម្អជាង ២០ គ្រួសារ។ ដោយសារមានបទពិសោធន៍ដែលបានសន្សំទុកជាច្រើនឆ្នាំ មាមីងធ្វើការកែប្រែបច្ចេកទេស ដោយឥតឈប់ឈរ ម្ចាស់ការក្នុងការអនុវត្តវិធីសាស្ត្រថែទាំថ្មី ព្រមទាំងធ្វើឱ្យមានភាពសម្បូរបែបនៃប្រភេទផ្កា ដើម្បីឆ្លើយតបទៅនឹងតម្រូវការទីផ្សា កាន់តែសម្បូរបែបនាឱកាសចុងឆ្នាំ។

ឆ្នាំនេះ ទូទាំងភូមិដាំផ្កាលម្អគ្រប់ភេទបានជាង ១០០.០០០ ផើង មានដូច៖ ផ្កាស្បៃរឿង ផ្កាដាយស៊ី និងផ្កាសិរមាន់ជាដើម លក់ក្នុងតម្លៃពី ១៥.០០០ ដុងដល់ ២០.០០០ ដុងក្នុងមួយផើង។ បងស្រីធីឡែ ជាអ្នកប្រកបរបរដាំផ្កាជាច្រើនឆ្នាំ ចែករំលែក៖ “បុណ្យចូលឆ្នាំថ្មីវៀតណាមកន្លងហើយ គ្រួសារខ្ញុំដាំផ្កា បានជាង ៧.០០០ ផើង។ ដោយអាកាសធាតុអំណោយផល ទើបផ្កាធំលូតលាស់ល្អ ឆាប់បានឈ្មួញមកដាក់ពាក្យទិញ ពេលប្រមូលផលរួច បន្ទាប់ពីទូទាត់ចំណាយរួចរាល់ នៅចំណេញប្រមាណជាង ១០០ លានដុង។ របរនេះ ថ្វីដ្បិតហត់នឿយបន្តិចក៏ពិតមែន ប៉ុន្តែប្រសិនបើថែទាំបានល្អ នឹងនាំមកប្រាក់ចំណូលលំនឹងក្នុងឱកាសបុណ្យចូលឆ្នាំថ្មីវៀតណាម ជារៀងរាល់ឆ្នាំ”។

មិនត្រឹមតែនៅខេត្តអាងយ៉ាងប៉ុណ្ណោះទេ នៅឃុំឡាយហ្វា ទីក្រុងកឹងធើ ទម្រង់ដាំដំណាំរបស់ក្រុមសហការដាំដំណាំភូមិព្រៃជាប់ A ក៏កំពុងនាំមកប្រសិទ្ធភាពសេដ្ឋកិច្ចជាក់ស្តែង។ ក្រុមសហការផលិតបានបង្កើតតាំងពីឆ្នាំ ២០០៣ បច្ចុប្បន្ន មានសមាជិកចូលរួម ១៨ គ្រួសារ ក្នុងនោះ មានគ្រួសារជនរួមជាតិខ្មែរជិត ១០០% ដោយមានផ្ទៃដីផលិតជាង ២ ហិកតា។

គ្រួសារដែលនៅក្នុងក្រុមសហការផលិត បានដាំឆ្លាស់នូវដំណាំជាច្រើនប្រភេទ មានដូច៖ ឆាយថាវ ជីរវ៉ាន់ស៊ុយ ខ្ទឹមក្រហម។ល។ ក្នុងនោះ ឆាយថាវត្រូវបានកំណត់ថាជាដំណាំចម្បង។ ចំណុចសំខាន់នៃប្រភេទដំណាំនេះ គឺលូតលាស់រយៈពេលខ្លី ត្រឹមតែ ១ ខែកន្លះអាចប្រមូលផល សមស្របនឹងលក្ខណៈផលិតរបស់មាមីង។

តាមសម្តីរបស់មាមីង ដាំឆាយថាវមួយកុងអាចនាំមកប្រាក់ចំណូលប្រមាណពី ៧-៨ លានដុង ក្នុងមួយរដូវលក់ក្នុងតម្លៃប្រមាណពី ៣.០០០ - ៤.០០០ ដុងក្នុងមួយគីឡូក្រាម។ អាស្រ័យអនុវត្តបច្ចេកទេសផលិតសមស្របនិងការចងសម្ព័ន្ធ ប្រើប្រាស់ផលិតផល មានច្រកចេញលំនឹងបង្គួរ ជួយឱ្យមាមីងស្ងប់អារម្មណ៍ក្នុងការដាំដុះ។

លោក ឌាំងតឹងយ៉ាង អនុប្រធានសមាគម កសិករទីក្រុងកឹងធើ ឱ្យដឹង៖ “ទម្រង់អភិវឌ្ឍសេដ្ឋកិច្ច បានបង្ហាញពីភាពរវៀសរវៃនិងច្នៃប្រតិដ្ឋ របស់ជនរួមជាតិខ្មែរក្នុងការពលកម្មផលិត ជាជំហានៗបង្កើនប្រាក់ចំណូលនិងកែលម្អជីវភាព។ នៅពេលខាងមុខ សមាគមកសិករទីក្រុង នឹងបន្តការឧបត្ថម្ភផ្នែកខាងបច្ចេកទេស ប្រភពទុន ព្រមទាំងបង្កើនការតភ្ជាប់ទីផ្សារប្រើប្រាស់ផលិតផល ដើម្បីពង្រីកទូលំទូលាយទម្រង់ល្អៗមានប្រសិទ្ធភាព បង្កលក្ខណៈដល់មាមីងអភិវឌ្ឍសេដ្ឋកិច្ចដោយចីរភាព”៕

ហុងទើ-មុនី

ចែករំលែកអត្ថបទ

ពាក្យគន្លឹះ