ព្រឹត្តិការណ៍ - នយោបាយ ព្រឹត្តិការណ៍

03/02/2026 - 12:16

អនុលេខាប្រចាំការនៃគណៈកម្មាធិការបក្សទីក្រុង លោកដុងវ៉ាំងថាញ អញ្ជើញទៅសួរសុខទុក្ខនិងប្រសិទ្ធពរឆ្នាំថ្មីនៅមន្ទីរពេទ្យពហុព្យាបាលសុកត្រាំង

នៅព្រឹកថ្ងៃទី ០២ ខែកុម្ភៈ ក្នុងឱកាសបុណ្យចូលឆ្នាំថ្មី ប៊ិញង៉ ឆ្នាំ២០២៦ ក្រុមការងាររបស់គណៈកម្មាធិការបក្សទីក្រុង ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមទីក្រុងកឹងធើ ដឹកនាំដោយលោក ដុងវ៉ាំងថាញ សមាជិកគណៈប្រតិបត្តិការមជ្ឈិមបក្ស អនុលេខាប្រចាំការនៃគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុងកឹងធើ បានអញ្ជើញទៅសួរសុខទុក្ខ និងប្រសិទ្ធពរឆ្នាំថ្មីនៅមន្ទីរពេទ្យពហុព្យាបាលសុកត្រាំង។

សមមិត្ត ដុងវ៉ាំងថាញ សមាជិកគណៈប្រតិបត្តិការមជ្ឈិមបក្ស អនុលេខាប្រចាំការនៃគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុងកឹងធើ បានអញ្ជើញទៅសួរសុខទុក្ខនិងប្រសិទ្ធពរឆ្នាំថ្មីដល់កម្មាភិបាល បុគ្គលិក និយោជិត នៅមន្ទីរពេទ្យពហុព្យាបាលសុកត្រាំង។

នៅក្នុងកិច្ចជំនួបនេះ អនុលេខាប្រចាំការនៃគណៈកម្មាធិការបក្សទីក្រុង លោកដុងវ៉ាំងថាញ បានកត់សម្គាល់និងស្ងើចសរសើរចំពោះការខិតខំប្រឹងប្រែងនិងស្មារតីទទួលខុសត្រូវរបស់កងជួរក្រុមគ្រូពេទ្យ វេជ្ជបណ្ឌិតនិងបុគ្គលិកនៃមន្ទីរពេទ្យក្នុងការថែទាំសុខភាពប្រជាជន ពិសេសគឺក្នុងលក្ខណៈដែលប្រឈមនឹងបរិមាណការងារច្រើន ការរងសម្ពាធខ្ពស់បំផុតគឺអំឡុងពេលមុន ក្នុងនិងក្រោយឱកាសបុណ្យចូលឆ្នាំថ្មីវៀតណាម។

សមមិត្ត ដុងវ៉ាំងថាញ សមាជិកគណៈប្រតិបត្តិការមជ្ឈិមបក្ស អនុលេខាប្រចាំការនៃគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុងកឹងធើ ជូនអំណោយដល់មន្ទីរពេទ្យពហុព្យាបាលសុកត្រាំង។

អនុលេខាប្រចាំការនៃគណៈកម្មាធិការបក្សទីក្រុង ជូនពរឆ្នាំថ្មីដល់កម្មាភិបាល បុគ្គលិកនិយោជិតទាំងអស់របស់មន្ទីរពេទ្យ ព្រមទាំងគ្រួសារ ប្រកបដោយសុខភាពល្អ សុភមង្គលនិងសម្រេចល្អភារកិច្ចដែលបានប្រគល់។ ទន្ទឹមនឹងនោះ សង្ឃឹមថា មន្ទីរពេទ្យពហុព្យាបាលសុកត្រាំង បន្តពង្រីកស្មារតីសាមគ្គី លើកកម្ពស់គុណភាពពិនិត្យនិងព្យាបាលជំងឺ ដើម្បីបម្រើប្រជាជនឱ្យកាន់តែប្រសើរឡើង ជាពិសេសធានាការងារប្រចាំការសង្គ្រោះបន្ទាន់ ព្យាបាលអ្នកជំងឺក្នុងឱកាសបុណ្យចូលឆ្នាំថ្មីវៀតណាម។

* អគ្គបញ្ជាការដ្ឋានយោធភូមិភាគ ៩ ជូនពរឆ្នាំថ្មីដល់កម្មាភិបាល យុទ្ធជនកងទ័ពការពារព្រំដែនទីក្រុងកឹងធើ

នៅថ្ងៃទី ០២ ខែកុម្ភៈនេះដែរ ក្រុមការងាររបស់អគ្គបញ្ជាការដ្ឋានយោធភូមិភាគ៩ ដឹកនាំដោយលោកឧត្តមសេនីយ៍ត្រី ក្វាច់វ៉ាំងញ៉ អគ្គមេបញ្ជាការរងនៃយោធភូមិភាគ ៩ បានអញ្ជើញទៅសួរសុខទុក្ខនិងជូនពរឆ្នាំថ្មីដល់កម្មាភិបាល យុទ្ធជននៃគណៈបញ្ជាការកងទ័ពការពារព្រំដែនទីក្រុងកឹងធើ។

លោក ឧត្តមសេនីយ៍ត្រី ក្វាច់វ៉ាំងញ៉ ជូនអំណោយបុណ្យចូលឆ្នាំថ្មីដល់កម្មាភិបាល យុទ្ធជននៃគណៈបញ្ជាការកងទ័ពការពារព្រំដែនទីក្រុងកឹងធើ។

ថ្លែងនៅកិច្ចជំនួបនេះ លោកឧត្តមសេនីយ៍ត្រី ក្វាច់វ៉ាំងញ៉ បានកត់សម្គាល់ ស្ងើចសរសើរនិងវាយតម្លៃខ្ពស់ចំពោះលទ្ធផលនិងស្នាដៃដែលកម្មាភិបាល យុទ្ធជនកងទ័ពការពារព្រំដែនទីក្រុងកឹងធើ សម្រេចបានក្នុងរយៈពេលកន្លង ពិសេសគឺក្នុងការអនុវត្តភារកិច្ចគ្រប់គ្រង ការពារព្រំដែន រក្សារឹងមាំសន្តិសុខនយោបាយ សណ្តាប់ធ្នាប់សុវត្ថិភាពសង្គមលើភូមិឋាន រួមចំណែកយ៉ាងសំខាន់ក្នុងការអភិវឌ្ឍសេដ្ឋកិច្ច - សង្គមរបស់ទីក្រុងនិងតំបន់។ សមមិត្ត អគ្គមេបញ្ជាការរងនៃយោធភូមិភាគ ៩ សំណូមពរក្នុងអំឡុងពេលមុន ក្នុងនិងក្រោយឱកាសបុណ្យចូលឆ្នាំថ្មី ប៊ិញង៉ អង្គភាពនានារក្សាម៉ឺងម៉ាត់របបត្រៀមប្រយុទ្ធ ធានាព័ត៌មានទំនាក់ទំនងដោយរលូន ចាត់តាំងអនុវត្តល្អនូវការងារគ្រប់គ្រងចំនួនកងទ័ព មធ្យោបាយនិងបំពាក់អាវុធ យកចិត្តទុកដាក់គិតគូរជីវភាពសម្ភារៈ ស្មារតីជូនកងទ័ព ជាពិសេសគឺសមមិត្តដែលអនុវត្តភារកិច្ចប្រចាំការក្នុងឱកាសបុណ្យចូលឆ្នាំថ្មីវៀតណាម ធានាកម្មាភិបាលនិងយុទ្ធជនគ្រប់គ្នា បានទទួលអំណរឆ្នាំថ្មីសុវត្ថិភាព វិជ្ជមានប្រិតសំចៃនិងត្រៀមទទួលការងារ អនុវត្តសម្រេចល្អភារកិច្ចដែលបានប្រគល់។

ស្របក្នុងឱកាសនេះដែរ ជំនួសមុខឱ្យគណៈកម្មាធិការបក្សនៃអគ្គបញ្ជាការដ្ឋានយោធភូមិភាគ ៩ លោកឧត្តមសេនីយ៍ត្រី ក្វាច់វ៉ាំងញ៉ ជូនពរឆ្នាំថ្មីនិងអំណោយដល់កម្មាភិបាល យុទ្ធជននៃគណៈបញ្ជាការកងទ័ពការពារព្រំដែនទីក្រុងកឹងធើ ជូនពរអង្គភាព បន្តរក្សាភាពសាមគ្គី ជម្នះលំបាក រក្សារឹងមាំនិងពង្រីកប្រវេណី អនុវត្តសម្រេចឆ្នើមភារកិច្ចក្នុងការគ្រប់គ្រង ការពាររឹងមាំអធិបតេយ្យ សន្តិសុខព្រំដែនក្នុងស្ថានភាពថ្មី៕

យ្វីអាញ-មុនី

ចែករំលែកអត្ថបទ

ពាក្យគន្លឹះ