ព្រឹត្តិការណ៍ - នយោបាយ ព្រឹត្តិការណ៍

02/02/2026 - 09:30

អនុវត្តប្រព័ន្ធផ្នែកទន់គ្រប់គ្រងព័ត៌មានបោះឆ្នោតគឺជាតម្រូវការចាំបាច់និងបង្ខំ

គណៈកម្មាធិការបោះឆ្នោតទីក្រុងកឹងធើ បានចាត់តាំងកិច្ចប្រជុំហ្វឹកហ្វឺនអំពីអនុវត្តដំណើរការប្រព័ន្ធគ្រប់គ្រងព័ត៌មានបោះឆ្នោត បម្រើការបោះឆ្នោតតំណាងរដ្ឋសភា នីតិកាល ទី ១៦ និងតំណាងក្រុមប្រឹក្សាប្រជាជនគ្រប់ថ្នាក់ អាណត្តិកាល ២០២៥-២០៣១ នៅលើភូមិឋានទីក្រុងកឹងធើ។

ថ្នាក់ដឹកនាំទីក្រុងកឹងធើនិងអ្នកតំណាងចូលរួមកិច្ចប្រជុំនៅទីតាំងសាលប្រជុំនៃគណៈកម្មាធិការបក្សក្រុងកឹងធើ។

កិច្ចប្រជុំបានចាត់តាំងឡើងដោយផ្ទាល់ គួបផ្សំនឹងអនឡាញ តភ្ជាប់ពីទីតាំងសាលប្រជុំ A នៃគណៈកម្មាធិការបក្សទីក្រុងកឹងធើ តភ្ជាប់ទៅទីតាំងអនឡាញនៅតាមឃុំ សង្កាត់ចំនួន ១០៣ ក្នុងទីក្រុង។

អញ្ជើញចូលរួមនៅទីតាំងមជ្ឈមណ្ឌល មាន លោក ដុងវុាំងថាញ សមាជិកមជ្ឈិមបក្ស អនុលេខាប្រចាំការនៃគណៈកម្មាធិការបក្សទីក្រុង ប្រធានក្រុមប្រឹក្សាប្រជាជន ប្រធានគណៈកម្មាធិការបោះឆ្នោតទីក្រុង; លោកស្រី ម៉ាធីតឺយ សមាជិកគណៈអចិន្ត្រៃយ៍នៃគណៈកម្មាធិការបក្សទីក្រុង អនុប្រធានប្រចាំការក្រុមប្រឹក្សាប្រជាជន អនុប្រធានគណៈកម្មាធិការបោះឆ្នោតទីក្រុង និងសមាជិកគណៈកម្មាធិការបោះឆ្នោត ទីក្រុងផងដែរ។

ថ្លែងចង្អុលការក្នុងកិច្ចប្រជុំ លោកដុងវុាំងថាញ បានបញ្ជាក់ ការបោះឆ្នោតតំណាងរដ្ឋសភា នីតិកាលទី ១៦ និងតំណាងក្រុមប្រឹក្សាប្រជាជនគ្រប់ថ្នាក់ អាណត្តិកាល ២០២៦-២០៣១ គឺជាព្រឹត្តិការណ៍នយោបាយដ៏សំខាន់របស់ប្រទេសជាតិ បង្ហាញពីសិទ្ធិធ្វើម្ចាស់របស់ប្រជាជន ជាឱកាសដើម្បីជ្រើសរើសអ្នកតំណាង ដ៏លេចធ្លោសក្តិសមតំណាងឱ្យឆន្ទៈ គោលបំណងរបស់ប្រជាជន។ ក្នុងបរិការណ៍តម្រូវការកាន់តែខ្ពស់អំពីប្រសិទ្ធភាពគ្រប់គ្រង ភាពត្រឹមត្រូវនិងសុវត្ថិភាពព័ត៌មាន ការអនុវត្តបច្ចេកវិទ្យាព័ត៌មាន ពិសេសគឺប្រព័ន្ធផ្នែកទន់គ្រប់គ្រងព័ត៌មានបោះឆ្នោត គឺជាតម្រូវការចាំបាច់និងចាប់បង្ខំ។ ប្រព័ន្ធនេះមិនត្រឹមតែជំនួយដល់ការបូកសរុប ធ្វើរបាយការណ៍គ្រប់គ្រងទិន្នន័យបោះឆ្នោតតាមពេលវេលាជាក់ស្តែងប៉ុណ្ណោះទេ ថែមទាំងរួមចំណែកលើកកម្ពស់លក្ខណៈឯកភាព ព្រមៗគ្នារវាងគ្រប់ថ្នាក់ទាំងអស់ បន្ថយការខុសឆ្គងដោយដៃពង្រឹងក្រឹត្យក្រម វិន័យក្នុងការចាត់តាំងអនុវត្តភារកិច្ចបោះឆ្នោត។

កម្មាភិបាល Viettel កឹងធើផ្សព្វផ្សាយអំពីខ្លឹមសារនៃការហ្វឹកហ្វឺន។

លោកដុងវុាំងថាញ សំណូមពរគណៈកម្មាធិការបោះឆ្នោតគ្រប់ថ្នាក់ ពិសេស គឺថ្នាក់ឃុំ គប្បីកំណត់ច្បាស់ នេះជាកាតព្វកិច្ចបង្ខំ ផ្សារភ្ជាប់ដោយផ្ទាល់ការទទួលខុសត្រូវរបស់បុគ្គលម្នាក់ៗដែលបានចាត់ឱ្យប្រើប្រាស់ប្រព័ន្ធ។ មន្ទីរវិទ្យាសាស្ត្រ និងបច្ចេកវិទ្យា បន្តពង្រីកតួនាទីជាស្ថាប័នប្រចាំការខាងបច្ចេកទេស ម្ចាស់ការសហការតាមដាន ឧបត្ថម្ភបានទាន់ពេល ធានាប្រព័ន្ធដំណើរការដោយស្ថិរភាព រលូន សុវត្ថិភាព រក្សាការសម្ងាត់ត្រឹមត្រូវតាមការណែនាំរបស់ក្រុមប្រឹក្សាការបោះឆ្នោតជាតិ។ មន្ទីរមហាផ្ទៃស្រាវជ្រាវអនុវត្តធានានូវភារកិច្ចរបស់គណៈកម្មាធិការរៀបចំការបោះឆ្នោតថ្នាក់ខេត្ត ទន្ទឹមនឹងនោះ ណែនាំអំពីមុខជំនាញការបោះឆ្នោតចំពោះគណៈកម្មាធិការរៀបចំការបោះឆ្នោតថ្នាក់ឃុំ តាមសេចក្តីកំណត់របស់មជ្ឈិម។ នគរបាលទីក្រុងយកចិត្តទុកដាក់ធានាសុវត្ថិភាពព័ត៌មាន រក្សាការសម្ងាត់ប្រព័ន្ធក្នុងពេលដំណើរការ។ អង្គភាពជាប់ពាក់ព័ន្ធ និងកងជួរឧបត្ថម្ភបច្ចេកទេស គប្បីច្បាមមូលដ្ឋាន ឧបត្ថម្ភជាក់ស្តែង “កាន់ដៃបង្គាប់ការ” ក្នុងដំណាក់កាលអនុវត្តដំបូង ដោះស្រាយការលំបាកឱ្យបានទាន់ពេល មិនទុកឱ្យប៉ះពាល់ដល់ល្បឿនដំណើរការរួមក្នុងទូទាំងទីក្រុង។ បន្ទាប់ពីកិច្ចប្រជុំ អង្គភាពនានាប្រញាប់ចាត់តាំងអនុវត្តតាមផែនការដែលបានដាក់ចេញ; ក្នុងដំណើរការអនុវត្ត បើមានការលំបាក ជំពាក់ជំពិន គប្បីរបាយការណ៍ដល់គណៈកម្មាធិការបោះឆ្នោតទីក្រុង ដើម្បីពិនិត្យផ្ទៀងផ្ទាត់និងចង្អុលការដោះស្រាយបានទាន់ពេល៕

អាញយ៉ុង- វិមាន 

ចែករំលែកអត្ថបទ

ពាក្យគន្លឹះ